Nar 6/3, Nhih phat dôih ƀon lan n’gor Gia Lai pơk rơh phat dôih rmal nuĭh tih Rơ Châm Grông mpeh nău tih “Lơh chrai nău tâm rnglăp”. Tĭng nuĭh tih, Rơ Châm Grông (deh năm 1961, nuĭh Jarai, gŭ ta ƀon Krăi, thị trấn Phú Hòa, nkuâl Chư Păh) geh Rơ Châm Kút (aƀaơ dôl gŭ rêh ta Mỹ) nsŭk nsôr jă râng tâm mpôl rlơn lơh “Tin lành Đê Ga” đah nău ntơ lah “Sang Pơpu Ana Cữ”.

Rơ Châm Grông hŏ nsrôih râng ƀư ăp rơh hop ta nkuâl Chư Păh n’hanh Ia Grai ntơm bah năm 2020, gay rdâk njêng mpôl, tâm pă nău kan n’hanh nkoch trêng nău mĭn rlơn lơh. Nuĭh tih hŏ âk tơ̆ dơn prăk, drăp ndơ bah dih gay rhŏ dŏng an ăp nuĭh lơh chrai nău tâm rnglăp lam rnoi nuĭh, ƀư roh đăp mpăn rnă njrăng chính trị ta ntŭk. Hội đồng uănh rmal năl lah, nău tih Rơ Châm Grông lah dŭt jru, lơh khuch tât trong kan tâm rnglăp rnoi nuĭh. Hội đồng uănh rmal dôih hŏ rmal nuĭh tih 7 năm gŭ ndrung.