Ôi ntri (25/11) ta Nhih pah kan Trung ương Đảng, ta nâm nău ƀư tơm bah Tổng Bí thư Tô Lâm Tâm nchră Ban chấp hành Trung ương Đảng khoá 13 hŏ ntơm pơk rgum mĭn uănh âk nkô̆ khlay tĭng nău dơi kan.

Ta tâm nchră dja, Trung ương rgum mĭn uănh n’hanh n’glêh an ăp nkô̆ nău kơt mpeh trong nchrăp tĭng ƀư n’hanh n’glôch jêh Nghị quyết 18 bah Ban chấp hành Trung ương Đảng khoá 12 du đêt nkô̆ nău rgâl mhe tay dăp rgum nuĭh kan lam trong kan chính trị glêh tam; mpeh plơ̆ ƀư tay bôk nău kan Điện hạt nhân Việt Nam n’hanh gŭ mĭn tay trong nchrăp điện hạt nhân Ninh Thuận, mpeh mĭn uănh rmal Đảng viên geh nău tih n’hanh mĭn uănh gay an du đêt nuĭh an rlu Uỷ viên Trung ương Đảng khoá 13 n’hanh mbơh săk du đêt kruanh rđău kan nhih pah kan Ngih dak. Lah rđău đă ta rnôk tâm nchră Tổng Bí thư Tô Lâm nkah pơk 2 nkô̆ nău gay Trung ương mĭn uănh tâm nchră n’hanh n’glêh an, nê lah mpeh trong nchrăp n’glôch jêh ơm lam lĕ rngôch Nghị quyết mbrô 18 n’hanh dăp rgum tay, dăp rgum ăp tŏng nuĭh kan lam trong kan chính trị glêh tam, kan geh nău dơi ngăn, lơn lah ta gưl Trung ương. Lah rjăp nkô̆ nău glêh tam nuĭh kan lam trong kan chính trị hŏ dơi nkoch tâm âk năm kan n’hanh mbra ƀư lĕ n’hâm suan rgâl mhe.