Lôch tât ta Hà Nội, Tổng thống Cộng hòa Bulgari Rumen Radev geh rơh tâm mâp đah ntŭk kan tâm rnglăp Việt Nam- Bulgari n’hanh băl mpôl Việt Nam tă gŭ nti, pah kan ta Bulgari. Ta rơh tâm mâp, kruanh ntŭk kan tâm rnglăp Việt Nam- Bulgari Huỳnh Quyết Thắng lĕ nkoch tay ăp nău khlăy ta nău tâm boh tâm rnglăp n’hanh tâm kơl đah Việt Nam n’hanh Bulgari tâm lĕ 74 năm mhe nơh, mpơl nău rhơn geh nău tâm boh đah Việt Nam n’hanh Bulgari dôl geh hun hao têh dăng ueh lơn, ta âk trong kan nchră nău đah dak bah dih, ntĭm nti, tăch rgâl, ntuh kơl. Tổng thống Bulgari Rumen Radev rnê âk ăp nău dơi kan ma Việt Nam lĕ dơi geh tâm ba năp nơh, nkre lah na nê̆, nău tâm boh 2 dak dôl mô rlu geh ntrôl ta âk trong kan.