VOV.M’nông - Lâm Đồng lah nkual neh wăch rgum rup uĕh bah bri dak n’hanh văn hóa, bah dor yôk prêh Đà Lạt lhêt lhơt tât bri krŏng rnhâp dâp âr, bah dak lêng Mũi Né mprang êr nar duh tât ăp ƀon lan săk ntơr. Bol săk geh âk mpưm n’hanh mha êng, yơn ăp nău mpăng đêt mpeh ndơ dŏng ntung trong n’hanh buăt nthoi dnkual dôl ƀư pâl nđaih Lâm Đồng mô hŏ đăt tâm ban đah nău săk geh. N’gor dôl tĭng ƀư ăp njuat hăn dăp tŏng rêng nsrôih ndơ̆ n’gâng kan pâl nđaih hun hao dăng.

VOV.Mnông: Tât đah Tây Nguyên, bu năch mô dơn geh uănh  nău ueh bâh bri yôk têh hvi, geh sa ăp ndơ sa kah ma hôm nha geh djăt nău ntoh uh goh ueh êng, tâm nĕ geh đàn klông pút bâh nuĭh Xơ Đăng. Mpôl he ndrel geh djăt ăp nhạc sĩ, nghệ nhân, nuĭh kan mĭn uănh nău njroh mprơ way ơm ta Tây Nguyên nkoch mpeh tu tơm, tâm mbơh nkoch ăp ntil nău ueh bâh ntil ndơ uh goh aơ tâm ban kơt nău kan mât rbăy, n’hao nău khlăy ntoh lư êng bâh đàn klông Pút, ntop ƀư ndâk nsơm nău ueh văn hóa n’hanh pâl nđaih ntoh lư bâh Tây Nguyên.

VOV.M'nông- Rnăk bu hăr blău Byơh ta ƀon Ƀok Ayơl, xã H’ra, n’gor Gia Lai geh âk rơh kơn blău lôk dĭng lŏng ngâr nkar ƀư ndơ uh goh. Ntơm bah rơh u che, ăp kon n’hanh ăp său lah ăp nuĭh ƀư hăr blău da dê ăp ntil ndơ uh goh kơt:  đơn T’rưng, tĭng ning, klông pút, chĭng gong, nău mpât mprơ… Mô dơn kơt nê̆, ăp nuĭh tâm rnăk wa Byơh hôm blău lôk ƀư ăp ntil ndơ uh goh gay rhŏ dŏng an năch tâm ban kơt du nklâm ndơ nkah an tay đŏng.

VOV.Mnông:Đah ăp rnoi mpôl đê̆ ta Tây Nguyên, chĭng gong lah ndơ tŭr goh huêng khlay, geh huêng brah gŭ nde. Chĭng gong way nkre đah ăp nău way ơm, ngêt sa têh bah ƀon lan. Đah ƀon lan K’Ho ta n’gor Lâm Đồng hôm geh du nău way êng gay lah uĕh huêng brah, nê lah nău way ôp răch brah chĭng.

VOV.Mnông: Ta ƀon Kon Klôk, xã Đăk Mar, n’gor Quảng Ngãi, nău nteh chĭng, nău nteh g âr hôm nha ntoh n’gôr n’hanh ăp nău njroh xoang dŭt ueh rbưn rvên bâh nuĭh Xơ Đăng ƀư ueh djăng nuih n’hâm bu năch. Ta aơ, ăp bu gru âk năm deh kơt Y Kha, A Veng, A Lang ndrel đah rơh mom Y Thuật, Y Pên dôl nti ăp nău njroh, ăp nău nteh chĭng gay ma mât rbăy huêng khlăy nău way ueh êng mpôl rnoi, kân jâng bu năch tâm ăp rơh lễ hội, bôk nău kan văn hóa- pâl nđaih. Đah nău nsrôih n’hanh nău rŏng văn hóa, ăp nuĭh nti trêng nău way ueh êng Kon Klôk dôl ntop mât rbăy, ƀư dâk rêh tay nău ueh chĭng gong- njroh xoang, ndŏ nău ueh Tây Nguyên lơ ma  lư ngai.

VOV.M'nông- Ôp brah ndrâm dak lah du nău way ơm geh bah kăl e bah âk rnoi mpôl đê̆ ta Tây Nguyên, mpơl nău uănh khlay đah tơm dak – tơm rêh bah ƀon lan. ăp năm mhe aơ, đah nău ntuh kơl bah n’gâng kan văn hóa, nău way ôp brah dak hŏ dơi kônh  wa ta âk ƀon lan rdâk rêh tay, rgop mât ndray rup uĕh văn hóa bah rnoi nuĭh he, nkre njêng du ndơ geh ƀư pâl nđaih uĕh an năch wăch rgum.

VOV.Mnông : Nău nteh chĭng gong ntoh n’gôr, nău njroh xoang dŭt rbŭn r’ên, nău mprơ n’gloh ma bri yôk, ăp ndơ sa dŭt ueh, dŭt kah...lah ăp nău kân jâng bu năch rnôk tât ta Đăk Lăk. Nău ueh way ơm rnoi Rđe geh ntĭt mpơl tay ta nklang nkuăl ƀon têh Buôn Ma Thuột ƀư djăng nuih n’hâm bu năch rnôk tât pâl nđaih ta nkual neh aơ. N’hanh ntŭk nĕ way geh ăp bu ranh, nuĭh mom ta ăp ƀon lan ta Đăk Lăk geh tâm ndơn tay n’hanh mât rbăy n’hao nkoch tâm nău rêh mhe.

VOV.M'nông- N’gor Lâm Đồng dôl ndăn ƀư wat jêh pah kan nchrăp an măng “Rlai lăp nău nteh chĭng gong Đông Nam Á 2025”, ƀư ntơm bah nar 19–21/12/2025 ta Quảng trường Lâm Viên – Đà Lạt.

VOV.M'nông - Nar nđaơ (26/10), ta Buôn Tơng Jŭ, phường Ea Kao, Hội Văn học Nghệ thuật Dak Lak ƀư n’glôch jêh Jrô tiăr nti Njroh way ơm ƀon lan Tây Nguyên năm 2025.

VOV.Mnông:  Kađach ŭnh lah ngoăy tâm kađăch geh nkoch tâm nău nkoch trêng bâh nuĭh Jarai ta n’gor Gia Lai, geh ndơn bâh rlău 14 rơh. Năm 1993, rơh kuăl brah mih “Yang Pơtao Apui”bâh nuĭh Jarai ta n’gor Jarai geh kơp dơn lah ntil ndơ ndray ueh êng mô mpơl săk bâh ngih dak, ƀon Ơi (ntŭk ăp Kađăch ŭnh gŭ rêh, aƀaơ ta xã Chư A Thai, n’gor Gia Lai) lah ntil ndơ lịch sử ueh êng gưl ngih dak. Rơh kuăl  mih “Yang Pơtao Apui” lah rơh tâm mâp tâm nđur nău ueh êng ntoh lư bâh nuĭh Jarai ta n’gor Gia Lai, way geh âk năch tât râng.