VOV4.M’nông - Đah trong way ƀư “Ntŭk ŭch geh druh ndăm, moh nău jêr geh druh ndăm”, tâm năm 2023, đoàn viên, druh ndăm n’gor Gia lai lĕ ƀư âk bôk nău kan ƀư, nău kan na nê̆ tâm ntrong leo “Druh ndăm ndrel ty ndâk njêng thôn ƀon”. Tă bah nĕ, ƀư uĕh tay rup ndah ao pŭt kơl kan, hăn lor, geh nău kan đah nău hun hao bah rêh jêng.

VOV4.M’nông - Lah nuĭh rnoi Tày, deh n’hanh têh ta ƀon tơm Đông Khê n’gor Cao Bằng-ntŭk ma đơn tính tẩu, nău mprơ then lĕ lăp jru tâm bôk rngok, jêng bôl trơn gŭ tât nkual neh mhe, wa Nông Văn Hưu (75 năm deh) hôm e ŭch đah nău mprơ bah rnoi nơm n’hanh rvê đah nău m’hâm ƀư mât ndrăy, trêng ntĭm môn aơ an nsum mpôl ƀon lan ta ntŭk wa gŭ rêh.

VOV4.M’nông - Cà phê khlay aƀaơ âk nklăp rlău n’gul yan năm bah năp, lĕ nsĭt hao âk gay ăp n’gor Tây Nguyên rgâl nu nău wăng sa rêh jêng, n’hao nău geh bah nuĭh ƀon lan. Yơn lah, đah nuĭh tăch rgâl cà phê, aơ lah năm âk ntŭl rlong, yor rnoh rwăt-tăch cà phê rgâl jêr njrăng, mâp nău mô lap na nao. Tŏng ăp nău kan tăch rgâl yan năm aơ dŭt jêr. Du đêt doanh nghiệp jêt knŭng janh tăch rgâl nkrem, hôm nuĭh ƀon lan rvê. Tăch dâl ri rvê rnoh hao tay, hôm mât lŏ rvê rnoh mbra hŭch âk.

VOV4.M'nông: Năm 2023, geh 3 xã đăng kí ndâk njêng ƀon lan mhe. Bol ma ê hŏ geh du xã geh dơi nkô̆ nau nchrăp luh, yơn ndâk njêng ƀon lan mhe n’hao prêh hŏ ân saơ ăp nau săk tam ngăn, n’hao nau rêh drăp ndơ ndrel nuih n’hâm ân ƀon lan.

VOV4.M’nông - Năm 2023 knơm rgŏ jă, mât uĕh dơi n’hâm soan văn hóa way ơm nău ndâk njêng thôn ƀon mhe ta nkual rnoi mpôl đêt n’gor Kon Tum geh âk nău rgâl uĕh. Đah nău ƀư tơm lah nuĭh tơm ndâk njêng thôn ƀon mhe, âk nsum mpôl rnoi mpôl đêt bah n’gor Kon Tum lĕ nsrôih tâm pah kan jan sa n’hao nău geh n’hanh rgop rgâl uĕh muh măt thôn ƀon.

VOV4.M’nông - Năm 2023, bôl khuch jêr jŏt nsum mpeh wăng sa, yơn knơm ngăch tâm rgâl ntil tơm tăm, kơt dŏng blău công nghệ mhe tâm nkra njêng lŏ mir, nău geh bah kônh wa rnoi mpôl đêt K’ho ta xă Hiệp An, nkuăl Đức Trọng (Lâm Đồng) dơi hao tay. Xă Hiệp An lĕ lôch jêh ndâk njêng thôn ƀon mhe n’hao prêh tĭng nău rƀŏng n’gluh an.

VOV4.M'nông - Ôi lơ 28/12, Thủ tướng Chính phủ Phạm Minh Chính râng rơh rƀŭn nchră nglôch lôch năm n’gâng kan mât uănh ntung trong.

VOV4.M’nông - Nău mbơh ƀư 3 bôk nău kan rƀŏng tĭng lam dak mpeh ndâk njêng thôn ƀon mhe lvang 2021-2025; n’hŭch ach o nâp nâl lvang 2021-2025; hun hao wăng sa-rêh jêng nkual rnoi mpôl đêt n’hanh nkual yôk lvang 2021-2030” mâp jêr jŏt, nkô̆ nău khlay lah pă gưl, pă nău dơi mô hŏ tât lôch tât dŭt, dŭt âk sam ƀŭt ntĭm jêng nău ƀư tĭng mâp jêr jŏt. Rnôk aơ, knŭng hôm 2 năm tay lah lôch nău ƀư tĭng bôk nău kan lvang 2021-2025. Ndrĭ geh trong mkra mhe đŏng gay mkra jêh ăp nău ê hŏ dơi ƀư, jêr jŏt tâm năm bah năp?

VOV4.M'NÔNG - Đảng viên Y Phen Niê nuĭh Bu Nong, 37 năm deh, ta buôn Kuốp, xã Đray Sáp, nkuâl Krông Ana, n’gor Dak Lak. Âk năm aơ, ndrel đah nău dơi âk nău khlay kan Kruanh Hội Nông dân xã Đray Sáp, Y Phen hôm way hăn lor bôk năp tâm ăp trong hun hao wăng sa jut jăng ji ngot n’hŭch ach o n’hanh rgop rdâk njêng ƀon lan mhe ta ntŭk. Đah ăp nău dơi hŏ geh tâm ăp nău kan, tâm 5 năm mbro nô dơi Hội Nông n’gor Dak Lak rhơn rnê lah hội viên nông dân ƀư njêng tăch rgâl jăp blău.

VOV4.M’nông: Gŭ ur sŏk sai mô tŏng năm n’hanh ur sai êp dak mham deh hôm e geh tâm du đêt nkual rnoi mpôl đêt ta n’gor Dak Lak. Ăp năm bah năp, bôl n’gâng ƀon lan n’hanh ăp ban, nău kan geh tât lĕ nsrôih nkoch trêng gay n’hŭch, nking n’gang yơn tât aƀaơ nu nău aơ hôm e geh jêng tât nău khuch. Ƀư tĭng nău rgop an tâm nchră “N’hŭch nu nău gŭ ur sŏk sai mô tŏng năm deh n’hanh ur sai êp mham deh tâm nkual rnoi mpôl đêt”, mhe aơ, Ban Dân tộc n’gor Dak Lak lĕ tâm rgop đah UBND ăp ntŭk n’hao nkoch trêng gay n’hŭch nu nău gŭ sai mô tŏng năm deh.