VOV4.M’nông - Bơi 6 năm ƀư tĭng bôk nău kan “Du xă du ndơ” kuăl lah bôk nău kan OCOP, ăp ndơ ntĭt mpơl êng nkual neh bah n’gor Dak Lak lĕ mbrơi mbrơi ndâk njêng dơi moh êng n’hanh geh ntŭk dâk ta ntŭk tăch. Âk ndơ OCOP tăch n’gluh jêng “đại sứ” djôt nău mbơh “Ndơ lŏ mir uĕh kah” bah dak Lak tât đah nuĭh dŏng lam ntŭr neh.

VOV4.M’nông - Tâm rơh tâm lơh tâm su mprơh Mỹ rŭn in, nkual neh Đăk Hà, n’gor Kon Tum lah ngoăy tâm âk ntŭk tâm lơh hô ngăn ta Tây Nguyên. Mât uĕh nău way ơm cách mạng, 49 năm tă rklaih đăp mpăn n’hanh 30 năm ndâk njêng nkuăl, Đăk Hà jêng ngoăy tâm âk nkuăl hun hao ta nkual Tây Nguyên.

VOV4.M'nông: Xã Ia Tôr, nkuăl Chư Prông, n’gor Gia Lai lah xã jêr ngăn, geh âk nŭih rnoi mpôl đê̆ gŭ rêh. Rơh rlau aơ, đảng uỷ, n’gâng kan ndrel ƀon lan tâm xã hŏ tâm rnglăp, ntrŭnh ƀư ueh nau kan ndâk njêng ƀon lan mhe, tă bah nê njêng geh nau rgâl tâm nau mĭn, njêng ntŭk nsing gay ƀon lan hun hao văng sa, n’hao nau rêh.

VOV4.M'NÔNG - Rdâk njêng tay ƀon tơm Đăk Hà nar lơn ma  geh ndrŏng, rsang rnglăy, kon nuĭh Đăk Hà “Tâm rnglăp, hun hao ngăch, blău mhe, dêh bên, nău tâm rŏng”; rdâk njêng nkuâl tât di ƀon  lan mhe tâm năm 2025 – lah nău lah rjăp bah kruanh rđău kan Đăk Hà, n’gor Kon Tum ta rơh Lễ nkah ndray 30 năm Nar njêng nkuâl (24/3/1994 - 24/3/2024) mhe dơi ƀư.

VOV4.M’nông - Năm bah năp, nkuăl n’har bri Buôn Đôn, n’gor Dak Lak lĕ âk trong pâl nđaih, tâm nĕ geh pâl nđaih hăn ndrel đah lŏ mir, thôn ƀon. Âk ntrong kan pâl nđaih tuch tăm dơi jêng, mbrơi mbrơi mât uĕh săk rnglăy, jêng ntŭk tât wăch rgum nău uănh tât bah năch, rgop hun hao thôn ƀon.

VOV4.M’nông - Ăp nău nsrôih n’hanh âk trong mkra mpeh jŭt n’hŭch ach o bah n’gor Dak Nông lĕ nsĭt tay săk rnglăy na nê̆ tâm ăp ntil nău aơ. Tâm 20 năm bah năp Dak Nông lah ngoăy tâm 10 n’gor geh rnoh n’hŭch ach o ngăch ngăn lam dak n’hanh dâk bôk năp nkual Tây Nguyên.

VOV4.M’nông: Nkuăl Phú Thiện lah ntŭk geh âk ƀon lan rnoi mpôl đêt, lah ndrĭch lŏ têh ngăn đah ndơ moh phe bôk năp bah n’gor Gia Lai. Ntơm bah Nghị quyết 05-NQ/HU năm 2012 bah nkuăl ủy Phú Thiện, tât aƀaơ, jêh rlău 10 năm mbơh ƀư ndâk njêng moh phe ba, Phú Thiện lĕ geh âk ndrĭch lŏ têh, srih tăm đah măy mŏk, nsĭt tqay nău rêh hơm răm an kônh wa ƀon lan.

VOV4.M'nông: Bơi tât 40 năm tâm dăch ma nau kan ntĭm nti, năm 2028 jêh rnôk sĭt rlu ranh, wa Liêng Jrang Ha Tương, tâm Thôn Đa Té, xã Đak Mrông, nkuăl Đam Rông, n’gor Lâm Đồng geh nkuăl rnơm ndrel jao nau ƀư Bí thư Chi bôk thôn. Tâm nau kan mhe, kơt nau dơi bah Đảng viên, ntĭm nti ndrel pah kan tĭng nau mĭn, nau kan Hồ Chí Minh, wa leo trong, bonh đă ƀư nau kan hun hao văng sa, rêh jêng, ndâk ƀon lan sâm geh, ueh mhe.

VOV4.M’nông - Nsrôih rgâl mhê n’hyanh hăn ndrel đah hun hao ntil phe ba Briêt, HTX n’hŭch ach o Ea Súp, nkuăl Ea Súp, n’gor Dak Lak lĕ n’hanh dôl hun hao pơk hvi ntrong kan nkra njêng tĭng trong hữu cơ nsĭt tay nău khlay wăng sa âk.

VOV4.M’nông: Gay geh mông nar n’gŭr răm, tâm rlong rŏng dak, gơih nđơr pah kan jan sa, jêh âk nar rlu Tết Giáp Thìn, lĕ rngôch 10 nkuăl, nkual ƀon têh bah n’gor Kon Tum lĕ rĭng ƀư hăn kan ndâk njêng thôn ƀon mhe n’hanh nkual ƀon têh uĕh lăng.