VOV4.M’nông - Bôk nău kan rƀŏng tĭng lam dak mpeh ndâk njêng thôn ƀon mhe ta nkuăl n’gor Lâm Đồng nar lơ geh soan rêng hvi, đah âk trong ƀư mĭn ƀư mhe n’hanh ngăn ngên. Tâm rnoh nĕ lah ntrong leo “Năng nar prao thôn ƀon mhe” ta nkuăl Di Linh. Tât nar aơ, kônh wa ăp ƀon dăch ngai tâm nkuăl lŏ tâm rnglăp, ndrel ty ndâk njêng ƀon tơm đah ăp nău ƀư na nê̆.

VOV4.M’nông - Wa Y Tuyên Buôn Krông (nuĭh Êđê, way kuăl lah Ama Hà) lah du đảng viên leo lor ta ƀon Drai H’Ling, xă Hòa Xuân, nkual ƀon têh Buôn Ma Thuột, n’gor Dak Lak. Đah 30 năm pah kan nău rêh jêng ta ntŭk, wa dơi kônh wa tâm ƀon ŭch rŏng n’hanh ƀư tĭng. Rlău ma nĕ tay, đah nău ƀư Groi bí thư chi bộ, nkre ƀư Kruanh ƀon n’hanh lah nuĭh nsing nơm, wa lĕ rgop khlay tâm rnôk ndâk njêng ƀon lan mhe ta ntŭk.

VOV4.M’nông: N’gor Dak Lak aƀaơ geh bơi 2.300 kon se kon đơi, tâm nĕ âk oh geh nău rêh dŭt jêr jŏt. Tă bah bôk nău kan “Mê̆ mât rong” yor trung ương Hội liên hiệp bu ur Việt Nam rgŏ jă, âk kon se kon đơi, mô geh ntŭk nsing nơm ta Dak Lak lĕ dơi geh nău ntop kơl, mât uănh n’ăp mpeh drăp ndơ n’hanh nuih n’hâm. Yor lah ăp “ntŭk nsing nơm” kơl ăp oh rlet rlău ăp roh rngot, hao tâm nău rêh.

VOV4.M’nông: Tâm âk năm bah năp, bah ăp tơm prăk bah Đảng, Ngih dak, prăk rgŏ jă bah nsum mpôl kon nuĭh, lĕ kơl âk xă ta lam dak ntơm jêh rnoh ndơ ƀư Lam dak mpeh ndâk njêng thôn ƀon mhe n’hanh thôn ƀon mhe n’hao prêh. Tĭng Kôp rnoh ndơ ƀư xă thôn ƀon mhe n’hanh thôn ƀon mhe rup ndah lor lvang (2021-2025) dŭt âk rnoh ndơ ƀư đă âk lơn, jêr ƀư lơn nkôp đah lvang bah năp. Tâm nĕ rnoh ndơ ƀư ntŭk ntô gŭ âm dơi uănh lah rnoh ndơ ƀư “dơh” mô kâp âk prăk ntuh kơl bah ngih dak, yơn lŏ dôl nău jêr đah âk ntŭk.

VOV4.M'NÔNG - Bôk nău kan rdâk njêng ƀon lan mhe dôl nsĭt tay nău geh tam uĕh ta n’gor Dak Nông, muh măt ƀon lan nar lơn ma ntơr uĕh.

VOV4.M’nông: 20 năm bah năp, ăp n’gor Tây Nguyên ƀư tĭng âk nău ntrŭnh 132/2002/QĐg mpeh pă neh gŭ, neh tuch tăm an ăp rnăk rnoi mpôl đêt ta ntŭk. Ta nkuăl Ea Kar, n’gor Dak Lak, geh ndrĭch lŏ têh 250 ha lĕ dơi pă an bơi 450 rnăk tĭng nău ntrŭnh aơ. Bah nĕ tât aƀaơ, ndrĭch lŏ lĕ rgop nsĭt tay nău rêh hơm răm an kônh wa.

VOV4.M'NÔNG - Ăp ƀon lan Việt Nam way đâng dơ ăp rnoh khlay văn hoá way ơm săk ntơr êng, ăp drăp ndơ ơm yău ntlơi an tay geh rnoh khlay- ăp ndơ ƀư jêng jŏ jong, lah săk huêng bah ăp ƀon lan Việt. aƀaơ, tâm rnôk rdâk njêng ƀon lan mhe, tâm lăp nsum đah nău way ơm n’hanh têh mhe, đah ơm n’hanh mhe, ăp drăp ndơ ơm yău ntlơi an tay văn hoá rbăn rơh bah nuĭh ƀon lan way lah drăp ndơ dŭt khlay gay rdâk njêng jêng ăp ƀon lan rgâl mhe aƀaơ.

VOV4.M’nông – Rƀŭn nchră nsưng rwang kruanh n’gâng kan ndâk njêng ASEAN-Trung Quốc lĕ dơi ƀư ta nkual ƀon têh Nam Ninh, n’gor Quảng Tây, Trung Quốc.

VOV4.M’nông: Tă geh tâm sam ƀŭt 62 nkuăl ach o bah lam dak, nkuăl jru ngai, nkual rnoi mpôl đêt Đam Rông bah n’gor Lâm Đông aƀaơ lĕ geh nău rgâl na nê̆. Mô knŭng rnoh rnăk ach o hŭch, wăng sa-rêh jêng hun hao, rnă njrăng chính trị đăp mpăm ma ăp ndơ văn hóa lĕ dơi hao nkôp đah bah năp. Dơi geh săk rnglăy aơ knơm mbơh ƀư tâm ban n’hanh săk rnglăy nău kơl an ntuh kơl nkual rnoi mpôl đêt bah Đảng n’hanh Ngih dak ta ăp ntil nău.

VOV4.M’nông: Tâm rnôk ndâk njêng ƀon lan mhe, n’gor Quảng Nam ntrôl dăng ngăch ndâk njêng ăp ntrong ƀư nkual ƀon lan gŭ thôn ƀon mhe ntrong leo lor, rgop ƀư muh măt ƀon lan, trong hăn tâm ƀon kloh uĕh. Tât aƀaơ, n’gor Quảng Nam lĕ jêng 250 mir ntrong lor, dŭt âk tăm ăp ntil tơm sa play khlay, rgop kơl nuĭh ƀon lan n’hao săk rnglăy wăng sa.