VOV4.Xơ Đăng –  Kơxê lơ 21/1, a Davos (Swiss), tung tơdroăng po Hneăng hôp WEF Davos hơnăm 2025, pôa Phạm Minh Chính, Ngế pro xiâm hnê ngăn tơnêi têa hiăng veăng ƀă xông tơpui a Tơpui tơno ‘’Tơmiât troh Hneăng hôp Ngế xiâm UNCTAD 16, ƀă dó inâi ‘’Tơdroăng la ngiâ dêi Tê mơdró ƀă mơnhông lâp plâi tơnêi tung Chal nếo Rơkê’’.

VOV4.Xơ Đăng – Lối 6.000 ngế kuăn pơlê a cheăm tơkăng kong Ia Đal, tơring Ia HDrai, kong pơlê Kon Tum tơdjêp ƀă kong têa Kul châ pơxúa tŭm têk tơdroăng ki ro ƀă tung rôh Têt khôi hmâ hdroâng mơngế. Tơdroăng ‘Hơngui Tơkăng kong hơtôu hiâm mơno kuăn pơlê” ƀă “Hâi mơdĭng kơƀăn chưng ngiât” xua Khu pơkuâ Mố đô̆i gâk tơkăng kong kong pơlê Kon Tum tơrŭm ƀă khu kăn pơkuâ ƀă mâu đoân theh tơring cheăm tơkŭm po hiăng djâ Têt troh ƀă kuăn pơlê tíu tơkăng kong.

VOV4.Xơ Đăng -  Hâi lơ 21/1, pôa Tô Lâm, Kăn xiâm pơkuâ hnê ngăn Đảng pơkuâ hôp rôh má 2 dêi Khu hnê mơhno cheăng Xiâm tơnêi têa ‘na mơgêi tơdroăng pêi pro tiô pơkâ kơxô̆ 18-NQ/TW.

VOV4.Xơ Đăng - Klăng roh pôa Donald Trump păng ‘nâng to pro Kăn xiâm pơkuâ kong têa Mih roh má 47 dêi kong têa Mih, hâi lơ 21/1 (tiô chôu Việt Nam), pôa Tô Lâm, Kăn xiâm pơkuâ hnê ngăn Đảng, pôa Lương Cường, Kăn xiâm hnê ngăn tơnêi têa ƀă pôa Phạm Minh Chính, Ngế pro xiâm hnê ngăn Chin phuh hiăng pơtroh kơthô rơkâu.

VOV4.Xơ Đăng - Kơxo lơ 21/1, a pơlê kong kân Cần Thơ, pôa Trần Thanh Mẫn, Kăn xiâm hnê ngăn Kuô̆k hô̆i hiăng tơdah Kăn xiâm hnê ngăn Khu tơrŭm Kuô̆k hô̆i râ má môi tơpui nâl kong têa Pơhlăng APF, Phŏ Kăn xiâm hnê ngăn má môi Kuô̆k hô̆i Cameroon Hilariong Etong klăng roh veăng Hneăng hôp tơpui tơno Kuô̆k hô̆i râ má môi tơrŭm cheăng tơpui nâl kong têa Pơhlăng ‘na pêi chiâk deăng krá tơniăn, tơniăn bê kế kâ ƀă hbrâ ví kong prâi hơ’lêh.

VOV4.Xơ Đăng – Vâ chê troh Têt Lo hơnăm nếo Ất Tỵ 2025, tơdroăng tê mơdró liu mlŏi tơkâ luâ tíu tơkăng kong a tơring Đức Cơ (Gia Lai) dế ối ai hên ki pa puât. Mâu khu râ kơvâ cheăng dêi kong pơlê, tơring hiăng tơrŭm krá khât vâ mơdât mâu khu ngế ki pro xôi luât a kơpong tíu tơkăng kong.

VOV4.Xơ Đăng - Kơxo hâi lơ 22/1, pôa  Trần Thanh Mẫn Kăn xiâm hnê ngăn Kuô̆k hô̆i  lăm pôu rơkâu tết  ăm mâu kăn ƀô̆, thái cô  a Hngêi trung Đại học Cần Thơ.

VOV4.Xơ Đăng - Kơxê lơ 20/1, a Tíu pêi cheăng xiâm Đảng, pôa Tô Lâm, Kăn xiâm pơkuâ hnê ngăn Đảng, Ngế xiâm Khu hnê mơhno Tơnêi têa ‘na mơnhông khoa hok kong ngê̆, pơhlêh nếo tơmiât rơkê ƀă pơhlêh kơxô̆ pơkuâ po rôh hôp má môi dêi Khu hnê mơhno cheăng vâ tơbleăng tơdroăng cheăng tung la ngiâ.

VOV4.Xơ Đăng - Kơxo má kố hâi lơ 21/1 tiô chôu Việt Nam tơƀai chơ pôa Phạm Minh Chính, Ngế pro xiâm hnê ngăn Chin phuh prế kơdrâi pôa rơtế ƀă mâu khu kăn xiâm Việt Nam hiăng troh a Zurich pơxiâm veăng hôp a Rôh hôp WEF (rôh hôp cheăng kâ lâp plâi tơnêi) ƀă pêi cheăng a Swiss.

VOV4-Xơ Đăng - Kơmăng hâi lơ 20/1, hngêi hơdruê Hồ Gươm, Hà Nội, tơbâ 95 hơnăm Hâi mơjiâng Đảng Kŏng san Việt Nam (3/2/1930 - 3/2/2025), Khu tơrŭm cheăng Tíu xiâm tơnêi têa tơrŭm ƀă Hlá tơbeăng Nhân Dân, Hlá tơbeăng Kŏng san, Rơ’jíu xiâm Việt Nam, Khu chêh hlá tơbeăng Việt Nam tơkŭm po leh tơbleăng ƀă diâp hlá tơbeăng tung lâp tơnêi têa ‘na mơjiâng Đảng (pơxá inâi Búa liềm vàng) rôh má 9 hơnăm 2024.