VOV4.Xơ Đăng - Kơxo lơ 12/8, a Hngêi Kuô̆k hô̆i, xua tơdroăng pơkuâ po dêi pôa Trần Thanh Mẫn, Kăn xiâm hnê ngăn Kuô̆k hô̆i, Vi ƀan pơkuâ Kuô̆k hô̆i tơkŭm po rôh hôp ‘na luât khế 8, ăm rơkong veăng tơpui tung 10 kơxop hlá mơéa Luât.

VOV4.Xơ Đăng - Kơxo lơ 12/8, pôa Tô Lâm, Kăn xiâm pơkuâ hnê ngăn Đảng, Kăn hnê ngăn tơnêi têa tơdah kăn teăng mâ Argentina, Algeria, Alơmăng, Triều Tiên ƀă Thụy Điển troh pơtroh kơthô pơxiâm pêi dêi hnoăng cheăng a Việt Nam.

VOV4.Xơ Đăng - Tung pơla ai kong mêi têa kân lân lu, mâu rơpŏng kuăn pơlê a cheăm Quảng Sơn, tơring Dak Glong, kong pơlê Dak Nông dế rêh ối tung tơdroăng ki đi đo tô tuăn ‘na rơchôa ki kơnâ 137 rơtal liăn a Dak N’ting a peăng kơnhŏng kô tơhnâp la lâi ôh tá ‘nâi.  Rơchôa mê hiăng hlo hên tíu rơheăng, tíu hiăng vâ tơ’nhiê ing rơnó mêi hơnăm nah, la hrá ‘mâi bro, chiâng ai hên tíu ki rế vâ tơ’nhiê ƀă rơchôa kô tơhnâp la lâi ôh tá ‘nâi, pro mơnhâu ‘na rêh ối dêi kuăn pơlê ƀă kế tơmeăm.

VOV4.Xơ Đăng - Hâi lơ 11/8, klăng roh lăm pêi cheăng a kong têa Rusi, Đăi tươ̆ng Phan Văn Giang, Ngế xiâm pơkuâ lêng ƀă khu râ kăn teăng mâ Khu xiâm pơkuâ lêng Việt Nam troh pleăng hơvĭng reăng a Um meăn Pôa Hồ Chí Minh, Kăn xiâm hnê ngăn tơnêi têa a pơlê kong xiâm Moscow; lăm pôu Kơ koan teăng mâ Việt Nam a Rusi.

VOV4.Xơ Đăng - A pơlê kong kân Hồ Chí Minh, pôa Phạm Minh Chính, Ngế pro xiâm hnê ngăn tơnêi têa, Kăn xiâm hnê ngăn Hô̆i đong pơkuâ kơpong Đông Nam Bộ (Hô̆i đong) pơkuâ Hneăng hôp roh má Pŭn dêi Hô̆i đong vâ séa ngăn pêi pro mâu tơdroăng xiâm pơkâ a Hneăng hôp roh má 3 ƀă pêi pro Pơkâ kơpong Đông Nam Bộ hneăng hơnăm 2021 – 2030, tơmiât vâ pêi troh hơnăm 2050.

VOV4.Xơ Đăng - Kơxê 9/8, pôa Tô Lâm, Kăn xiâm pơkuâ hnê ngăn Đảng, Kăn xiâm hnê ngăn tơnêi têa hiăng pơkuâ djâ khu kăn ki pêi dêi hnoăng cheăng Tơnêi têa troh pôu ƀă pơkuâ po rôh pêi cheăng ƀă Khu pơkuâ ngăn Đảng Pơlê kong kân Hà Nội.

VOV4.Xơ Đăng - Tơdjâk troh tơdroăng ki hên hĭn ro xo têa tô tro pơreăng ƀă hlâ, kơxê lơ 9/8, Vi ƀan hnê ngăn kong pơlê Lâm Đồng ai hlá mơ-éa pơtroh tơdrêng pơkâ thế Khu ngăn Chiâk deăng ƀă Mơnhông thôn pơlê, Vi ƀan hnê ngăn mâu tơring, pơlê kong kơdrâm tung kong pơlê pơtroh kăn ƀô̆ ngăn mơnăn troh a mâu tơring ki ai pơreăng, tơkŭm tơbleăng mâu troăng hơlâ hbrâ mơdât pơreăng châi klêa a khu ro xo têa tô.

VOV4.Xơ Đăng - Ƀă tơdroăng ki xiâm cho tơdah xo rĕng tơdroăng vâ tăng troăng tŏng gum pá puât ăm khu mơdró kâ, kơxê lơ 9/8, kăn pơkuâ kong pơlê Kon Tum hiăng ai rôh pêi cheăng ƀă kăn teăng mâ hên khu mơdró kâ dế pêi cheăng mơjiâng bro, tê mơdró a kong pơlê.

VOV4.Xơ Đăng - A mâu troăng kân 14,14C Troăng kân tơnêi têa  troăng 28 ki tơkâ luâ kong pơlê Dak Nông ƀă mâu troăng kân ki ê, kơvâ ngăn troăng prôk hiăng pơkâ ai 18 “Tíu ki ‘mêi ” ôh tá tơniăn ‘na troăng prôk. A mâu tíu ki mê nhăng ai rơxê tơklâm dêi pó rơ-iô ó, pro hên ngế hlâ. Achê kố cho rơxế toi  rơmok kân klâm a hngêi kuăn pơlê kơpong kơchơ 312 cheăm Dak Rlâp, tơring Dak Mil, pro 3 ngế hlâ 1 ngế tro rong. Kơ koan pơkuâ cheăng ‘na troăng prôk-rơxế chơ kế tơmeăm kong pơlê Dak Nông dế thâ tơbleăng tơdroăng pêi vâ rak tơiăn drô troăng prôk.

VOV4.Xơ Đăng - A rơnó mêi, kŏng ti On tơhrik Dak Lak hiăng pêi pro péa roh mơnúa ki tơniăn a mâu kơmăi klâ xoăng on tơhrik, séa ngăn mơgrúa rak kơmăi vâ tơniăn troăng kơxái on tơhrik kơtâu tơniăn, châ tơƀrê.