VOV4.Xơ Đăng - Kơxê lơ 6/8, pôa Phạm Minh Chính - Ngế pro xiâm hnê ngăn Chin phuh, Kăn pơkuâ hnê mơhno Mơgêi 20 hơnăm pêi pro troăng pêi khu râ kăn pêi cheăng dêi Chin phuh (Khu hnê mơhno) pơkuâ roh hôp má môi dêi Khu hnê mơhno.

VOV4.Xơ Đăng - Kơxê hâi lơ 5/8, pôa Phạm Minh Chính - Ngế pro xiâm hnê ngăn Chin phuh pơkuâ hôp ƀă Kăn xiâm Rak liăn ngân Tơnêi têa Việt Nam, Khu xiâm ngăn liăn ngân, Khu xiâm ngăn tơdroăng Pơkâ ƀă ‘no liăn cheăng ƀă mâu khu xiâm kơvâ cheăng, kơ koan ‘na luât liăn ngân.

 VOV4.Xơ Đăng - Kơxê măng lơ 5/8, a Hngêi Kuô̆k hô̆i, pôa Trần Thanh Mẫn, Kăn xiâm hnê ngăn Kuô̆k hô̆i hiăng tơdah Kăn teăng mâ Hàn Quốc a Việt Nam cho pôa Choi Youngsam.

VOV4.Xơ Đăng - Kơxo lơ 5/8, pôa Phạm Minh Chính - Ngế pro xiâm hnê ngăn Chin phuh pơkuâ po rôh hôp Chin phuh tiah hmâ khế 7.

VOV4.Xơ Đăng - Kơxo lơ 5/8, a kong pơlê Gia Lai hiăng po Leh diâp Pri Hlá tơbeăng kơpong Tây Nguyên rôh má môi, ƀă 22 to ƀai ki rơkê má môi ối tung 4 túa hlá tơbeăng hiăng châ diâp pri.

VOV4.Xơ Đăng - Hâi lơ 5/8, pôa Nguyễn Trọng Nghĩa - Kăn cheăng tung Khu xiâm kal kí, Kăn xiâm pơtâng tối tơdroăng kal tơnêi têa ƀă khu râ kăn pêi cheăng hiăng troh veăng ‘’Hâi leh tâi tâng kuăn pơlê gâk kring Tơnêi têa a pơlê kong kơdrâm Gò Công, kong pơlê Tiền Giang.

VOV4.Xơ Đăng - Pơla mâu hơnăm hdrối mê hía nah, tơdroăng xúa kŏng ngê̆, kơmăi kơmok chal nếo tung rak ngăn kong hiăng ƀă dế châ pêi pro nhên a mâu pơlê cheăm dêi Tây Nguyên, tơdroăng kố mơhé pơxiâm pro la hiăng ăm hlo châ ai pơxúa păng ‘nâng. Kố cho túa pêi pro ki rơkê khât tung pơkuâ rak ngăn kong drêng kơxô̆ liăn mơ’no pêi ƀă kuăn mơngế iâ, pôa Trần Lưu Quang-Ngế pro xiâm phŏ hnê ngăn Chin phuh kơdeăn khĕn ƀă thế po rơdâ a tíu ê.

VOV4.Xơ Đăng - Mâu hơnăm achê pơla kố tơdroăng mơjiâng mơngế, malối, hnê tơ’nôm ăm hok tro đi đo châ mâu khu râ kăn pơkuâ hnê ngăn Đảng mâu hngêi trung phôh thong râ má pái tung tơring Ƀuôn Đôn, kong pơlê Dak Lak tơtrŏng, pêi pro kơhnâ khât. Mơhé kơxô̆ hok tro châ ối tung khu pơkuâ hnê ngăn cheăng Đảng tá hâi hên, laga ing mê, tơdroăng hlê plĕng ‘na troăng tơmiât kăch măng ăm mâu hok tro châ tơbêng, hriăn plĕng, châ pơtâp vâ pơtối mơ-eăm chiâng mơngế ki ai pơxúa ăm pơlê pơla.

VOV4.Xơ Đăng -  Troăng prôk ki ví peăng Hdroh dêi pơlê kong kơdrâm Bảo Lộc, kong pơlê Lâm Đồng cho troăng prôk ki kal, ai tâi tâng kơxô̆ liăn mơ’no châ 720 rơtal liăn. Maluâ ti mê, klêi kơ’nâi pro châ 70% hnoăng cheăng athế pơtê xua ga ôh tá bê liăn ngân. Klêi kơ’nâi 4 hơnăm pơtê lôi tơdroăng mê, hên tơmeăm khoăng hiăng tro tơ’nhiê hên ó, a rŏng troăng hiăng kơhlong kơhlăng, prêa rơheăng, pro mơhía liăn ngân dêi Tơnêi têa ƀă pro pá tung tơdroăng rêh kâ ối dêi kuăn pơlê.

VOV4.Xơ Đăng - Tung mâu hâi hiăng hluâ, Viê̆n Vâ̆t lĭ đĭa kâu tơrŭm ƀă khu râ kăn pơkuâ tơring Kon Plông, kong pơlê Kon Tum hiăng tơkŭm po mâu lâm hnê mơhno mơdêk tơdroăng ki rơkê plĕng hbrâ ví tơnêi tơdro.