VOV4.Xơ Đăng -  Kơxo kố, tơƀai pơto pôa Phạm Minh Chính, Ngế pro xiâm hnê ngăn Chin phuh hiăng hdrâp chu a tơraih tơƀai lêng Palam a pơlê kong xiâm New Delhi, Ấn Độ pơxiâm roh lăm pôu râ tơnêi têa troh Ấn Độ sap ing hâi lơ 31/7 – 1/8 tiô rơkong krếo thế dêi pôa Narendra Modi, Ngế pro xiâm hnê ngăn kong têa Ấn Độ.

VOV4.Xơ Đăng - Kơxo lơ 30/7, a hneăng hôp 20 (chuyên đê) hneăng hơnăm 2021 – 2026, Hô̆i đong kong pơlê Gia Lai hneăng má XII hiăng tơbleăng ăm pêi pro pơkâ môi tuăn troăng hơlâ tơ’mot mâu tíu pêi cheăng râ cheăm ƀă râ tơring hneăng hơnăm 2023 – 2025.

VOV4.Xơ Đăng - Kơxo lơ 30/7, pôa Phạm Minh Chính, Ngế pro xiâm hnê ngăn Chin phuh pơkuâ Hneăng hôp hlê plĕng, pêi pro mâu luât, pơkâ dêi Kuô̆k hô̆i hneăng má XV.

VOV4.Xơ Đăng - Kơxo lơ 30/7, a Lào Cai po Leh pêi pro “Hâi tâi tâng kuăn pơlê hbrâ mơdât tê roê mơngế” hơnăm 2024. “Pôi tá ăm vâi hdrêng ki lâi tro lôi pá rŏng”.

VOV4.Xơ Đăng - Jâ Lê Thị Thanh Xuân - Kăn phŏ pơkuâ Khu kăn pơkuâ, Khu kăn Kuô̆k hô̆i kong pơlê Dak Lak châ tơdah xo ƀă pôk pro kăn pơkuâ Khu ngăn hnê hriâm ƀă hnê mơjiâng tuăn ngoâ rơkê kong pơlê kố.

VOV4.Xơ Đăng - 100 khu kăn xiâm lâp plâi tơnêi hiăng troh veăng pôu ngăn hlối pơtroh rơvĭu reăng veăng hơlêm tơdroăng sĭng khéa a Việt Nam ƀă lối 3.500 khu kăn xiâm hiăng troh pôu ngăn pôa Nguyễn Phú Trọng - Kăn xiâm pơkuâ hnê ngăn Đảng a mâu kơ koan teăng mâ dêi Việt Nam tung lâp tơnêi.

VOV4.Xơ Đăng - Hâi lơ 29/7, Hô̆i đong hnê ngăn Pơlê kong kân Đà Nẵng po Hneăng hôp tơdế hơnăm 2024.

VOV4.Xơ Đăng - Jâ Bùi Thị Minh Hoài, Kăn cheăng tung Khu xiâm kal kí, Kăn pơkuâ hnê ngăn cheăng Đảng pơlê kong kân pro Kăn pơkuâ khu râ kăn teăng mâ Kuô̆k hô̆i hneăng má XV pơlê kong kân Hà Nội, hneăng hơnăm 2021 – 2026.

VOV4.Xơ Đăng - Vêh tơbâ ‘na pôa Nguyễn Phú Trọng - Kăn  xiâm pơkuâ hnê ngăn ƀă hiâm mơno mơjo pâ pa kâi tối, kuăn pơlê mâu hdroâng mơngế, kăn ƀô̆ mâu kơvâ cheăng a kong pơlê Dak Lak ôh tá hâi tâi tơdroăng ki chôu vế mâu tơdroăng koh tơbâ Pôa. Chôu vế trâu tung dế rơkong pơchân tối  dêi Kăn xiâm pơkuâ hnê ngăn, kăn ƀô̆, đảng viên, vâi krâ mâu hdroâng kuăn ngo a Dak Lak pơtối mơdêk hiâm mơno ki tơrŭm, mơhno tối hiâm tuăn loi tơngah dêi khu kăn xiâm pơkuâ hnê ngăn Đảng, pro tơdroăng ki ki châi heăng mê chiâng ivá ki ó rơdêi tung pêi pro mâu hnoăng cheăng ki tơnêi hiăng pơcháu.

VOV4.Xơ Đăng - A Tíu pêi cheăng Kăn xiâm hnê ngăn tơnêi têa, pôa Tô Lâm, Kăn xiâm hnê ngăn tơnêi têa hiăng teăng mâ kăn pơkuâ Đảng, Tơnêi têa tơdah pôa Antony Blinken, Ngế xiâm tơpui kâ kong têa Mih lăm pôu Việt Nam veăng sĭng khéa, pôu ngăn pôa Nguyễn Phú Trọng - Kăn xiâm pơkuâ hnê ngăn Đảng.