VOV.Xơ Đăng - Kơxê hâi lơ 17/4, pôa Phạm Minh Chính, Ngế pro xiâm hnê ngăn Chin phuh, kăn xiâm hnê ngăn Hô̆i đong Tơ’noăng khĕn kơdeăn dêi Tíu xiâm hneăng hơnăm 2021-2026 pơkuâ rôh hôp má 11 dêi Hô̆i đong vâ tối nhên tơdroăng pêi pro mâu tơdroăng cheăng pêi tung mâu hơnăm hdrối ƀă mơnhôk tơbleăng mâu tơdroăng cheăng pêi tung la ngiâ.

VOV.Xơ Đăng - Hbrâ rôh hôp má 9 Kuô̆k hô̆i hneăng 15, kơxê hâi lơ 17/4, pôa Phan Đình Trạc, Ngế pơkuâ khu cheăng tung Tíu xiâm ƀă mâu kăn Kuô̆k hô̆i kong pơlê Lâm Đồng trâm mâ kuăn pơlê a cheăm Bình Thạnh, tơring Đức Trọng.

VOV.Xơ Đăng - Pêi pro troăng pơkâ dêi Tơnêi têa ‘na tơdroăng ‘mot tơkŭm mâu tíu pêi cheăng tơnêi têa râ kong pơlê, ôh tá ai tíu pêi cheăng a râ tơring ƀă pơtối klâ xoăng tíu pêi cheăng râ cheăm, kong pơlê Dak Lak dế tơkŭm tơbleăng kơtăng ƀă tơƀrê. Troăng pơkâ kố châ xo tơdroăng ki kal vâ ‘nâi plĕng ƀă tơdroăng ki môi tuăn khât sap ing kăn ƀô̆, đảng viên ƀă kuăn pơlê tung kong pơlê. Ing mê mơhno ivá khŏm mơ-eăm ‘na tơdroăng kal kí tung mơjiâng kơ koan pêi cheăng tơnêi têa tơkŭm, pêi cheăng xêt tơƀrê, pro ivá mơnhông tung pơla hneăng ki nếo.

VOV.Xơ Đăng - Kơxo hâi lơ 17/4, pakĭng hneăng hôp mâu kăn xiâm Hneăng hôp Tơrŭm xua Mơnhông mơdêk ngiât lĕm ƀă pơkâ Tung lâp plâi tơnêi hơnăm 2030 rôh má pŭn, pôa Phạm Minh Chính, ngế pro xiâm hnê ngăn tơnêi têa hiăng tơdah pôa Sang-hyup Kim, Ngế pơkuâ Tíu xiâm Mơnhông ngiât lĕm lâp plâi tơnêi (GGGI).

VOV.Xơ Đăng - Kơxo hâi lơ 17/4, a Hà Nội, pơxiâm po Hôp Khu kăn hnê ngăn Vi ƀan xiâm Măt trâ̆n tơnêi têa Việt Nam rôh má pái, hneăng 10.

VOV.Xơ Đăng - Vi ƀan kong pơlê Dak Lak nếo pơkâ hnê mơhno mâu khu mơdró, rơpŏng tê mơdró ƀă tơkŭm cheăng kâ ‘na tơdroăng chêh inâi mơdró tâng ai pơ’lêh tíu pêi cheăng.

VOV.Xơ Đăng - Kơxê lơ 16/4, Khu kăn teăng mâ Kuô̆k hô̆i kong pơlê Kon Tum hiăng trâm mâ kuăn pơlê pơlê kong kơdrâm Kon Tum hdrối Hneăng hôp má 9, Kuô̆k hô̆i hneăng má XV.

VOV.Xơ Đăng - Hâi lơ 16/4, Khu xiâm kal kí, Khu pơkuâ hnê ngăn cheăng Đảng tơkŭm po Hneăng hôp lâp tơnêi têa hlê plĕng, po rơdâ pêi pro Tơdroăng pơkâ Hneăng hôp roh má 11 Khu xiâm pơkuâ Đảng hneăng má XIII.

VOV.Xơ Đăng - Kong măng lơ 16/4, pôa Phạm Minh Chính, Ngế pro xiâm hnê ngăn tơnêi têa hiăng tơdah pôa Scott Morris, Phŏ kăn hnê ngăn Hngêi rak liăn Mơnhông châu Á (ADB) dế pôu Việt Nam.

VOV.Xơ Đăng - Kơxo lơ 16/4, a Hà Nội po Rôh hôp lâp tơnêi têa pơkâ kơtăng tơdroăng ki tơbleăng pêi Pơkâ Rôh hôp má 11 Khu xiâm pơkuâ ngăn Đảng hneăng 13