VOV4.Xơ Đăng - Ô vâi krâ nhŏng o ƀă pú hmâ! Ƀă kuăn pơlê mâu hdroâng kuăn ngo Tây Nguyên, um méa Kăn xiâm hnê ngăn Đảng - pôa Nguyễn Phú Trọng hmâ a chê xua túa rêh ối têm rơpiât, choâ ‘lâng tơdroăng tơpui tơno, pêi cheăng. Um méa mê hiăng ‘măn chôu tơdroăng ki ƀriê khât ƀă mâu kăn ƀô̆, đảng viên ƀă kuăn pơlê mâu hdroâng kuăn ngo Tây Nguyên rêm rôh hâk tơngăm châ tơdah Pôa lăm pôu. Ƀă rêm rơkong pơchân tối dêi Kăn xiâm hnê ngăn Đảng cho ivá gum mâu kăn ƀô̆ ƀă kuăn pơlê mơ-eăm hriâm tâp kơdo mơeăm.

VOV4.Xơ Đăng – Maluâ hiăng krâ, tro châi tamo mê cho tơdroăng ki hiăng hmâ ai xêh tung rêh ối dêi rơxông, dêi chal mơngế, la drêng tâng tối pôa Nguyễn Phú Trọng- Kăn xiâm pơkuâ hnê ngăn kơtê i hiâm, tâi tâng Đảng, tâi tâng kuăn pơlê bố bố xuân ƀriê phoih, krôu lo têa mâ. Kơ’nâi kố, pó vâi krâ-nhŏng o rơtế ƀă pú hmâ hmâng khu chêh hlá tơbeăng cheăng tung Rơ’jíu xiâm Việt Nam ai chêh tối: “Pôa Nguyễn Phú Trọng: Kăn xiâm pơkuâ hnê ngăn ki ai hiâm mơno trâu rơdâ, achê ƀă kuăn pơlê, ƀă pú hmâ”.

VOV4.Xơ Đăng - Khu xiâm pơkuâ ngăn Mơdâm kiâ dêi Tơnêi têa ƀă rơpŏng hngêi mơnê nhuô̆m, koh mơnê hiâm tuăn ki trâu hơngế, tá hiâm tá mơno dêi kuăn pơlê, pú hmâ, mâu lêng tung lâp tơnêi, kuăn pơlê pin ki rêh ối a kong têa ê ƀă khu pú hmâ ƀă pôa Nguyễn Phú Trọng-Kăn xiâm pơkuâ hnê ngăn, cheăng tung Khu xiâm pơkuâ hnê ngăn xiâm Đảng Kŏng san Việt Nam.

VOV4.Xơ Đăng -  Leh tâp pôa Nguyễn Phú Trọng, Kăn xiâm pơkuâ hnê ngăn Đảng châ tơkŭm po ƀă tơdroăng leh ‘mé râ tơnêi têa.

VOV4.Xơ Đăng - Hâi kố, lơ 25/7, Khu pơkuâ hnê ngăn Tíu xiâm Đảng Kŏng san Việt Nam, Kuô̆k hô̆i tơnêi têa Kŏng hoa xah hô̆i chuh ngiah Việt Nam, Kăn xiâm hnê ngăn tơnêi têa Kŏng hoa xah hô̆i chuh ngiah Việt Nam, Chin phuh tơnêi têa Kŏng hoa xah hô̆i chuh ngiah Việt Nam, Vi ƀan xiâm Măt trâ̆n Tơnêi têa Việt Nam ƀă rơpŏng hngêi tơkŭm po kân krip leh mơdâm pôa Nguyễn Phú Trọng - Kăn xiâm pơkuâ hnê ngăn Đảng,cheăng tung Khu pơkuâ ngăn Tíu xiâm Đảng, Kăn xiâm pơkuâ hnê ngăn Đảng lêng Tơnêi têa.

VOV4.Xơ Đăng - Kơxê lơ 24/7, a Hngêi Kuô̆k hô̆i, pôa Trần Thanh Mẫn, Kăn xiâm hnê ngăn Kuô̆k hô̆i tơdah jâ Sue Lines, Kăn xiâm hnê ngăn Kuô̆k hô̆i râ má môi kong têa Australia klăng roh troh veăng mơdâm pôa Nguyễn Phú Trọng, Kăn xiâm pơkuâ hnê ngăn Đảng.

VOV4.Xơ Đăng - Drêng tơbâ 77 hơnăm Hâi Mố đô̆i rong râ hlâ hía (27/7/1947 – 27/7/2024), kơxê kố lơ 25/7,pôa Tô Lâm, Kăn xiâm hnê ngăn tơnêi têa rơtế ƀă khu ki pêi dêi hnoăng cheăng Tơnêi têa hiăng troh pôu, hbru tơmeăm ăm mâu mố đô̆i tro rong a Tíu xiâm pơlât Mố đô̆i tro rong Thuận Thành a cheăm Ninh Xã, tơring Thuận Thành, kong pơlê Bắc Ninh.

VOV4.Xơ Đăng - Hâi lơ 24/7/2024, a Ƀơrô cheăng Chin Phuh, pôa Phạm Minh Chính, Ngế pro xiâm hnê ngăn Chin phuh hiăng tơdah khu kăn xiâm Đảng, Tơnêi têa Cuba xua pôa Esteban Lazo Hernandez - Kăn xiâm hnê ngăn Kuô̆k hô̆i pơkuâ djâ khu kăn kố lăm troh veăng sĭng khéa a leh po mơdâm pôa Nguyễn Phú Trọng - Kăn xiâm pơkuâ hnê ngăn Đảng.

VOV4.Xơ Đăng - 80 hơnăm rêh, 57 hơnăm cheăng Đảng, 18 hơnăm pro Kăn xiâm pơkuâ hnê ngăn Đảng, Tơnêi têa, pôa Nguyễn Phú Trọng - Kăn xiâm pơkuâ hnê ngăn Đảng hiăng ai hnoăng  kân kĕng ƀă tơdroăng cheăng Đảng, dêi kuăn pơlê pin. Châ hriâm tung tơdroăng rêh ối Kăch măng, mâ ngăn tuăn  tơmiât tơdroăng vâ pêi, ngôa rơkê ƀeăn, tơrŭm krá xân, pôa Nguyễn Phú Trọng pơtối pêi hnoăng cheăng, tuăn ngôa  rơkê, hiâm mơno lĕm tro  pêi cheăng tiô  troăng  kăch măng Hồ Chí Minh - Kăn xiâm hnê ngăn tơnêi têa ki apoăng, mơjiâng tơnêi têa pin “Hâi la lâi ai hnoăng cheăng kân kĕng - krá kâk, mơngế - tơmeăm khoăng kro mơdrŏng, tíu rêh ối hlâu niân ƀă châ loi nhuô̆m rơdâ tung lâp plâi tơnêi trối hâi kố”.

VOV4.Xơ Đăng - “Tơrŭm tơpui kâ kơlá” cho tơdroăng ki vâ tơbâ tối troh hên tơdroăng tung mâu hơnăm achê pơla kố rêm xôh drêng pin tơbâ troh troăng hơlâ tơrŭm tơpui kâ dêi Việt Nam. Tơdroăng pơkâ kố ôh ta xê to túa ki tơrŭm tơpui kâ ki nếo mê cho tơdroăng ki hiăng tơbroăng, ki tơdjâk troh ihiâm mơno tơrŭm tơpui kâ Hồ Chí Minh, troăng prôk ki tơrŭm tơpui kâ ki Đảng pin hiăng pêi pro tung hên chât hơnăm hdrối mê hía nah. Tung mê, pôa Nguyễn Phú Trọng - Kăn xiâm pơkuâ hnê ngăn hiăng mơ’no hên tối tơdroăng “tơrŭm tơpui kâ Việt Nam athế rơkê, tơtro, hlê plĕng ƀă mơjiâng troăng prôk ki tơ’lêi hlâu vâ mơnhông pêi cheăng kâ ƀă thăm mơdêk ivá cheăng dêi tơnêi têa”.