VOV4.Xơ Đăng - Tung tơdroăng ki lâp tơnêi têa hbrâ tơdah Têt Lo hơnăm nếo Ất Tỵ kơxo lơ 14/1, pôa Lương Cường, Kăn xiâm hnê ngăn tơnêi têa ƀă khu kăn ki pêi dêi hnoăng cheăng Tơnêi têa hiăng troh pôu, rơkâu Têt kơpong 5 Khu lêng tuk ƀă mâu tíu pêi cheăng dêi khu lêng kring vế ki pro đông a Pơlê kong kơdrâm Phú Quốc, kong pơlê Kiên Giang.

VOV4.Xơ Đăng - Kơxê lơ 13/1, pôa Phạm Minh Chính, Ngế pro xiâm hnê ngăn tơnêi têa hiăng tơdah pôa (A-lek-xêi Li-kha-chev) Alexey Likhachev, Kăn pơkuâ Grup on tơhrik kơtâu ƀă trếo tik nik kong têa Rusi (Rosatom) dế pôu, pêi cheăng a Việt Nam.

VOV4.Xơ Đăng - Hâi lơ 13/1, pôa Tô Lâm, Kăn xiâm pơkuâ hnê ngăn cheăng Đảng  pơkuâ djâ khu kăn cheăng Xiâm tơnêi têa lăm pêi cheăng ƀă mâu kăn kong pơlê Bắc Ninh hlối rơkâu Têt a kong pơlê.

VOV4.Xơ Đăng - Kơxo lơ 13/1, a Tíu pêi cheăng Kăn xiâm hnê ngăn tơnêi têa, pôa Lương Cường, Kăn xiâm hnê ngăn tơnêi têa tơdah Kăn pơkuâ ƀơrô Kăn xiâm pơkuâ kong têa Mông Cổ pôa Gombojav Zandanshatar dế ai roh lăm pôu pêi cheăng a Việt Nam.

VOV4.Xơ Đăng - Kơpong têa kơxĭ Pêa mâ hâi lu pa Hdroh Tơnêi têa cho tíu ki tơkoh ƀă 3 to kong têa cho Kul, Siam, Malaysia. Kố cho kơpong têa kơxĭ ki kal má môi, tơdjâ troh hnoăng cheăng ‘na kring vế tơnêi têa, rak vế tơniăn ƀă mơnhông pêi cheăng kâ... Kơpong têa kơxĭ, hbo plêng ki krih kố cho tíu ki kăn ƀô̆ Kơpong 5 Lêng tuk rak vế, pơkuâ ngăn, kring vế ƀă rak ngăn ăm tơdroăng rêh ối dêi kuăn pơlê tơnăng ká têa kơxĭ a tíu kố. Nếo achê pơla kố, Kơpong 5 Lêng tuk ƀă kăn teăng mâ mâu kong pơlê, pơlê kong kân pêa Hdroh ai hnoăng kring vế rak ngăn tâ tá 5 chuăn ki kân a kơpong têa kơxĭ pêa Mâ hâi lu pa Hdroh, tung mê ai: chuăn Hòn Đốc, chuăn Thổ Chu, Hòn Chuối, Hòn Khoai ƀă Nam Du vâ rơkâu Têt ƀă mơhnhôk mâu kăn ƀô̆, mêu lêng, kuăn pơlê. Ki hơniâp ro dêi rơnó Hơngui trối hiăng troh rĕng hdrối t

VOV4.Xơ Đăng - Kơxo lơ 13/1, a Hà Nội, Khu xiâm ngăn tơdroăng kal kí, Khu pơkuâ ngăn Đảng tơkŭm po rôh hôp lâp tơnêi têa ‘na mơnhông tơƀrê khoa hok kong ngê̆, pơhlêh nếo tơmiât rơkê ƀă pơhlêh kơxô̆ tơnêi têa.

VOV4.Xơ Đăng – Kơnôm châ hriâm tâp tơdroăng ki rơkê plĕng, pơtâp a mâu pơlê kong kân, hên ngế sinh viên hdroâng kuăn ngo ki iâ mơngế a Dak Lak xuân ối đi đo chôu vế troh pơlê cheăm dêi tơná, mơjiâng pơlê cheăm tơná rế hiá rế mơnhông.

VOV4.Xơ Đăng - Hâi lơ 12/1, a tíu pêi cheăng Xiâm Đảng, pôa Tô Lâm, Kăn xiâm pơkuâ hnê cheăng Đảng tơdah Khu kăn xiâm dêi Khu xiâm Kŏng an Lếo xua Đăi tươ̆ng Vilay Lakhamphong, Ngế pro xiâm phŏ hnê ngăn Chin phuh, Ngế xiâm pơkuâ Kŏng an kong têa Lếo pơkuâ djâ lăm pôu ƀă pêi cheăng a Việt Nam.

VOV4.Xơ Đăng - Kơxo hâi lơ 12/1, pôa Trần Thanh Mẫn, Kăn xiâm hnê ngăn Kuô̆k hô̆i hiăng lăm pôu, hbru tơmeăm ăm mâu rơpŏng ai hnoăng tơnêi têa ki kơtiê, mâu ngế kơtiê xơpá tung kong pơlê Hậu Giang.

VOV4.Xơ Đăng - Khu râ kăn pêi cheăng dêi Kơ koan xiâm Kal kí (Khu xiâm pơkuâ lêng) xua Trung tươ̆ng Trương Thiên Tô – Phŏ kăn Pơkuâ Kơ koan xiâm kal kí pơkuâ djâ hiăng tơkŭm séa ngăn tơdroăng hbrâ rơnáu tơplâ ƀă lăm pôu, rơkâu Têt khu lêng kong pơlê Dak Lak.