VOV4.Xơ Đăng -  Tung kơmăng lơ 10/9, kơdrâm kuăn pơlê kong pơlê Dak Lak pơtối pơto tơmeăm kâ troh kơpong plông kân 10/3, pơlê kong kơdrâm Ƀuôn Ma Thuột vâ pơtroh troh kuăn pơlê kơpong peăng Kơnhŏng tơnêi têa dế hbrâ ví têa kân lân lu.

VOV4.Xơ Đăng -  Kơxê lơ 10/9, pôa Phạm Minh Chính, Ngế pro xiâm hnê ngăn tơnêi têa rơtế ƀă khu râ kăn pơkuâ, kăn ƀô̆, kŏng chưk, viên chưk, mơngế pêi cheăng Ƀơrô Chin phuh hiăng veăng tơlo, tŏng gum kuăn pơlê tro lŭp kế tơmeăm khoăng xua kong mêi khía mơhot roh má 3 pro.

VOV4-Xơ Đăng - Kơxê hâi lơ 10/9, pôa Phạm Minh Chính, Ngế pro xiâm hnê ngăn tơnêi têa hôp tơpui tơno ƀă pôa Thongloun Sisoulith, Kăn xiâm pơkuâ hnê ngăn Đảng, Kăn xiâm hnê ngăn kong têa Lếo.

VOV4-Xơ Đăng - Hâi lơ 10/9, Khu kăn pơkuâ hnê ngăn Đảng kong pơlê Dak Nông mơhnhôk rôh veăng gum liăn, kế tơmeăm ăm mâu kuăn pơlê ki trâm xahpá xua khía rôh má 3 plong mot.

VOV4.Xơ Đăng - Hdrối rơnó kong mêi khía mơhot, mâu tíu cheăng ối tung Kŏng ti On tơhrik Dak Lak hiăng tơkŭm rơnêu, pro mâu tíu ki kal troăng kơxái on tơhrik; tơdrêng amê mơjiâng troăng pêi inhên vâ rak tơniăn troăng kơxái on tơhrik tung pơla rĕng má môi tâng ai tơdroăng ki tơ’nhê.

VOV4.Xơ Đăng - Kơxo lơ 10/9, pôa Tô Lâm, Kăn xiâm pơkuâ hnê ngăn Đảng, Kăn xiâm hnê ngăn tơnêi têa ƀă Kơdrâi pôa hiăng pơkuâ leh tơdah, pôa Thongloun Sisuoulith, Kăn xiâm pơkuâ hnê ngăn Đảng, Kăn xiâm hnê ngăn kong têa Lếo ƀă kơdrâi pôa lăm pôu râ Tơnêi têa troh Việt Nam.

VOV4.Xơ Đăng - Kơxo lơ 10/9, pôa Phạm Minh Chính, Ngế pro xiâm hnê ngăn Chin phuh hiăng lăm ngăn tơdroăng têa kân lân lu a pơlê kong krâm Việt Yên, kong pơlê Bắc Giang ƀă kong pơlê Bắc Ninh, cho kơpong ki têa lu trâu, tro tơdjâk ó khât dêi kong mê khía mơhot têa kân lân lu.

VOV4.Xơ Đăng - Tơdjuôm ivá tơmiât, tŏng gum troh kuăn pơlê kơpong tro têa lân lu peăng Kơnhŏng, hên hĭn kuăn pơlê a Dak Lak, Kon Tum hiăng veăng gum tơmeăm kâ, pơkeăng ôu ăm mâu kong pơlê peăng Kơnhŏng dế tro têa kân lân lu.

VOV4. Xơ Đăng - Hlo mâu tơdroăng ôh tá tơniăn dêi kong mê khía mơhot têa kân lân lu rôh má (Yagi) ƀă klêi kơ’nâi khía mơhot hiăng tơkâ luâ, a kơxê lơ 9/9, a tíu pêi cheăng xiâm Đảng, pôa Tô Lâm, Kăn xiâm pơkuâ hnê ngăn Đảng, Kăn xiâm hnê ngăn tơnêi têa pơkuâ po rôh hôp Khu xiâm pơkuâ tơdroăng kal kí vâ hnê mơhno mâu tơdroăng ki kal pêi tơdrêng vâ ‘mâi mơnhông mâu kế tơmeăm.

VOV4.Xơ Đăng - Tiô rơkong krếo thế dêi pôa Tô Lâm, Kăn xiâm pơkuâ hnê ngăn Đảng, Kăn xiâm hnê ngăn tơnêi têa ƀă kơdrâi pôa, hâi lơ 10/9, pôa  Thongloun Sisoulith, Kăn xiâm pơkuâ hnê ngăn Đảng, Kăn xiâm hnê ngăn kong têa Lếo ƀă kơdrâi pôa lăm pôu râ kăn xiâm Tơnêi têa pin.