VOV4.Xơ Đăng - Pôa Trần Thanh Mẫn, Kăn xiâm hnê ngăn Kuô̆k hô̆i ƀă Khu râ kăn teăng mâ xiâm Kuô̆k hô̆i Việt Nam hiăng trâm mâ, tơpui tơno ƀă kăn ƀô̆, nhân viên Kơ koan teăng mâ ƀă teăng mâ mâu ngế Việt Nam a kong têa Rusi.

VOV4.Xơ Đăng - Pôa Phạm Minh Chính, Ngế pro xiâm hnê ngăn Chin phuh, Kăn pơkuâ Tiêuh ƀan Cheăng kâ – Rêh ối pơlê pơla Hneăng hôp kăn teăng mâ lâp tơnêi têa roh má XIV dêi Đảng (Tiêuh ƀan Cheăng kâ – Rêh ối pơlê pơla) pơkuâ Roh hôp Khu hnê mơhno má môi Chin phuh ƀă Khu hnê mơhno má môi Tiêuh ƀan cheăng kâ – Rêh ối pơlê pơla.

VOV4.Xơ Đăng - ‘’Toăng hngêi 100 liăn’’ cho hnoăng cheăng ki tí tăng tơkŭm, tăng tôm tơmeăm ki hvât lôi ôh tá xúa xếo vâ tê ƀă kơdĭng liăn mê vâ tŏng gum mâu ngế pá puât, tơdroăng cheăng kŭn laga pêng păng tơdroăng ki pơxúa kân, rơkê lĕm tro dế troh lâp lu kơpong hơngế hơngo cheăm Tân Thành, tơring Krông Nô, kong pơlê Dak Nông. Kố cho troăng pêi rơkê tung tơdroăng hriâm tâp ƀă pêi tiô troăng tơdjâ, hiâm mơno Hồ Chí Minh, tŏng veăng mơjiâng khu tơrŭm môi tuăn, pro tơdroăng hmâ lĕm, troăng rêh ối lĕm dêi đoân viên droh rơtăm cheăm Tân Thành.

VOV4.Xơ Đăng - Kơxo lơ 9/9, a tíu pêi cheăng Kăn xiâm hnê ngăn tơnêi têa, pôa Tô Lâm, Kăn xiâm pơkuâ ngăn Đảng, Kăn xiâm hnê ngăn tơnêi têa prế kơdrâi pôa pơkuâ po Leh tơdah kăn xiâm pơkuâ kong têa Kŏng hòa Mozambique ƀă kơdrâi pôa lăm pôu păng ‘nâng Việt Nam.

VOV4. Xơ Đăng - Kơxê hâi lơ 8/9, pôa Filipe Jacinto Nyusi, Kăn xiâm pơkuâ kong têa kŏng hoa Mozambique ƀă kơdrâi pôa hiăng troh a pơlê kong xiâm Hà Nội, pơxiâm  lăm pôu Việt Nam sap hâi lơ 8 troh hâi lơ 10/9 tiô rơkong krếo thế dêi pôa Tô Lâm, Kăn xiâm pơkuâ hnê ngăn Đảng, Kăn xiâm hnê ngăn tơnêi têa ƀă kơdrâi pôa.

VOV4.Xơ Đăng - Khu pơkuâ ‘na Chiâk deăng ƀă Mơnhông thôn pơlê kong pơlê Dak Lak nếo ai mơ-éa ‘na ‘’Thăm pêi tơdroăng hbrâ, ví kong prâi pro ôh tá tơniăn, hbrâ ví kong mêi kân tung kong pơlê’’.

VOV4.Xơ Đăng - Kơmăng lơ 8/9, pôa Trần Thanh Mẫn, Kăn xiâm hnê ngăn Kuô̆k hô̆i ƀă Khu râ kăn râ xiâm Kuô̆k hô̆i tơnêi têa pin hiăng troh tơraih tơƀai Vnukovo, Moscow pơxiâm roh lăm pôu pêi cheăng păng ‘nâng kong têa Rusi tiô rơkong krếo thế dêi Kăn xiâm hnê ngăn Duma Tơnêi têa Kuô̆k hô̆i kong têa Rusi ƀă Kăn xiâm hnê ngăn Hô̆i đông kong têa Kuô̆k hô̆i Rusi.

VOV4.Xơ Đăng - Kơxê lơ 8/9, pôa Phạm Minh Chính, Ngế pro xiâm hnê ngăn tơnêi têa lăm séa ngăn tơdroăng ki tro lŭp tơmeăm khoăng, hnê mơhno pêi pro mâu troăng thâ rơnêu kế tơmeăm khoăng xua kong mêi khía mơhot roh má 3 plong mot pro a Quảng Ninh ƀă Hải Phòng – tíu kong mêi khía mơhot plong mot ƀă khía pê têi má môi, pro tro lŭp kân má môi.

VOV4.Xơ Đăng - Pơla kố nah, a pơlê kong kơdrâm Đà Lạt, Khu pêi hnoăng cheăng xua pôa Trần Hồng Hà, Ngế pro xiâm phŏ hnê ngăn djâ troăng hiăng ai roh lăm pôu pêi cheăng a kong pơlê Lâm Đồng, kong pơlê Khánh Hoà vâ tah lôi mâu tơdroăng xahpá, tơvâ tơvân dêi mâu tơdroăng tơkêa bro troăng kân tơdrăng pơla Tân Phú-Bảo Lộc, Bảo Lộc-Liên Khương ƀă Nha Trang-Đà Lạt.

VOV4.Xơ Đăng - Kơxê lơ 6/9, klêi kơ’nâi leh tơdah păng ‘nâng a Tíu pêi cheăng Kăn xiâm hnê ngăn tơnêi têa, pôa Tô Lâm, Kăn xiâm pơkuâ hnê ngăn Đảng, Kăn xiâm hnê ngăn tơnêi têa hiăng tơpui ƀă pôa Umaro Sissoco Embaló, Kăn xiâm pơkuâ kong têa Guinea – Bissau.