VOV4.Xơ Đăng - Tung rơkong tối pơchân dêi pôa Hồ Chí Minh - Kăn xiâm hnê ngăn tơnêi têa hneăng hdrối châ tơbleăng a hơnăm 1969, Pôa Hồ “hiăng chôu ‘măn tung hiâm mơno dêi tâi tâng kuăn pơlê, tâi tâng Đảng, ăm tâi tâng mô đô̆i, ăm mâu vâi muăn, kuăn cháu”. Pôa ai pơchân “Kuăn pơlê pin cho rơkê khên tơnôu, kơhnâ krăng tung pêi cheăng”, “Đảng kal athế ai troăng hơlâ pơkâ ki lĕm tro vâ mơnhông pêi cheăng kâ ƀă ‘na túa lĕm tro, ing mê vâ pôi ta pơtê tơdroăng ki mơnhông pêi cheăng kâ ki châ tơtêk dêi kuăn polê”.

VOV4.Xơ Đăng - Pôa Hồ Chí Minh - Kăn xiâm hnê ngăn tơnêi têa tá hâi châ môi hdroh lăm troh a Tây Nguyên, la tung hiâm mơno, tuăn tơmiât dêi Pôa, Kơpong Peqăng Hdroh tối tơdjuôm, Tây Nguyên tối krê đi đo tung plâi nuih Pôa. Ƀă mâu hdroâng mơngế kuăn ngo a Tây Nguyên, Pôa đi đo cho kăn xiâm ki koh nhuô̆m kân khât, cho on bâ eăng séa mơhno troăng prôk, pơchốu djâ troăng, chông mơngế Tây Nguyên rơtế ƀă mâu kong têa tung lâp tơnêi têa tơkâ luâ hên tơdroăng ki pá puih, vâ khoh châ ai tơdroăng rêh ối phâi tơtô, hơniâp ro, niân nok.

VOV4.Xơ Đăng - Hâi Mơjiâng tơnêi têa lơ 2/9 hơnăm kố cho roh ki kal kân khât ƀă mâu pơlê cheăm a tơring Krông Pač, kong pơlê Dak Lak, drêng po tơdrêng ƀă 2 hâi ki leh kân dêi pơlê pơla, cheăm bêng: Leh tơbleăng plâi sầu riêng Krông Pač roh má 2 ƀă Hâi mơhno tơbleăng túa lĕm tro dêi mâu hdroâng kuăn ngo. mâu hâi ki ro 3 tơdroăng ki xiâm rơtế ƀă tơdroăng ki hơniâp ro thâ rĕng tung mâu rơnó ki krí xo dêi kế tơmeăm, tơdroăng tơkŭm dêi hên khu râ kuăn pơlê a kơpong ki xiâm dêi plâi sầu riêng kố, thăm rế pro trâu rơdâ ó tâ ki lĕm tro dêi Tơniăn krê, tơ’lêi hlâu.

VOV4.Xơ Đăng - Mâu hâi ki kố, tung lâp tơnêi têa po hên tơdroăng cheăng pêi pro ai pơxúa kal koh hâk 79 hơnăm Hâi mơjiâng tơnêi têa Kŏng hòa xah hô̆i chuh nghiah Việt Nam.

VOV4.Xơ Đăng - Tung tơdroăng hâi hnah, hâi pơtăm lơ 30/8, pó vâi krâ nhŏng o ƀă pú hmâ hiăng tâng ƀai: “Kon Tum mơjiâng khu kăn ƀô̆ kuăn pơlê hdroâng kuăn ngo vâ tơdroăng ki xiâm krá, hiâm mơno chân tơniăn” dêi Khoa Điềm, ngế chêh hlá tơbeăng kơpong Tây Nguyên. Kơ’nâi kố pó vâi krâ nhŏng o ƀă pú hmâ pơtối tơmâng ƀai “ Mơjiâng khu kăn ƀô̆ kuăn ngo a Kon Tum- Kal ai troăng hơlâ ki tro, krá ton’’.

VOV4.Xơ Đăng - Tơbâ 79 hơnăm Mơjiâng tơnêi têa Kŏng hòa xah hô̆i chuh nghiah Việt Nam (2/9/1945 – 2/9/2024), kơxo lơ 30/8, Khu kăn pơkuâ ngăn xiâm Đảng, Kăn xiâm hnê ngăn tơnêi têa, Kuô̆k hô̆i, Chin phuh, Vi ƀan xiâm Măt trâ̆n Tơnêi têa Việt Nam hiăng pleăng reăng, mot ngăn tíu ‘măn poăng Pôa Hồ Chí Minh.

VOV4.Xơ Đăng -  Kơxo hâi lơ 30/8 pôa Phạm Minh Chính Ngế pro xiâm hnê ngăn Chin phuh pơxiâm  mơjiâng pro Kơchô xiâm mơđah tơbleăng tơmeăm dêi tơnêi têa a tơring Đông Anh, Hà Nội.

VOV4.Xơ Đăng - Rơtế ƀă cheăm tơring tung tơdroăng tơkŭm po leh plâi sầu riêng a Krông Pắc  Dak Lak hiăng pê klêi troăng hơlâ  tơniăn ‘na mơ’no on tơhrik.

VOV4.Xơ Đăng - Kơmăng hâi lơ 29/8 a Hngêi hơdruê xuăng Hồ Gươm,  pôa Tô Lâm Kăn xiâm pơkuâ hnê ngăn Đảng, Kăn xiâm hnê ngăn tơnêi têa ƀă kơdrâi pôa hiăng pơkuâ leh tơbâ 79 hơnăm Hâi mơjiâng tơnêi têa Kŏng hoa xah hô̆i Chuh ngiah Việt Nam (2/9/1945-02/9/2024).

VOV4.Xơ Đăng - Kơxê hâi lơ 29/8/2024, pôa Phạm Minh Chính, Ngế pro xiâm hnê ngăn Chin phuh hiăng krếo phôn tơpui ƀă jâ Paetongtarn Shinawatra, Ngế pro xiâm hnê ngăn kong têa Siam drêng jâ to pro Ngế pro xiâm hnê ngăn kong têa má 31 dêi Siam.