VOV4.Xơ Đăng - Kơxo hâi lơ 25/8, a pơlê kong kơdrâm Đà Lạt, kong pơlê Lâm Đồng, pôa Phạm Minh Chính, Ngế pro xiâm hnê ngăn tơnêi têa pơkuâ Hneăng hôp rak tơniăn gak kring pơlê pơla gum mơnhông cheăng kâ – rêh ối pơlê pơla mâu kong pơlê Tây Nguyên.

VOV4.Xơ Đăng – Pêi pro tiô Tơdroăng kơxô̆ 40 dêi Khu hnê mơhno Khu xiâm pơkuâ hnê ngăn Đảng “ ‘Na thăm mơdêk tơdroăng pơkuâ ngăn dêi Đảng ƀă mâu hngêi rak liăn”, lối hrĭng rơpâu ngế ki pêi chiâk deăng xahpá a kong pơlê Gia Lai hiăng châ gum liăn vâ tơkâ luâ xahpá. Kơnôm ai troăng hơlâ, mê kuăn pơlê a kơpong xahpá Gia Lai hiăng ai roh ki tơ’lêi hlâu vâ ‘no liăn mơnhông pêi cheăng kâ, tê mơdró, tăng mơjiâng cheăng pêi, chôa ‘lâng mơdêk vâ hluăn ing tơdroăng xahpá, veăng gum rak vế, pêi pro hnoăng cheăng xiâm tung kơdroh kơtiê krá tơniăn ton, mơjiâng thôn pơlê nếo.

VOV4.Xơ Đăng – A tơring tơkăng kong Đức Cơ, kong pơlê Gia Lai ai môi to lâm hriâm a rơnó pơtê hriâm hiăng djâ hên tơdroăng ki ro, túa ki rơkê plĕng ai pơxúa ăm mâu vâi o tơxĭn hdroâng kuăn ngo ki ai tơdroăng rêh ối pá puât. Lâm hriâm tê kơtê kố châ mâu đoân viên, droh rơtăm dêi pơlê kân Čư̆ Ty, tơring Đức Cơ hnê.

VOV4.Xơ Đăng - Kơxo lơ 23/8, a Tíu pêi cheăng xiâm Đảng, Khu xiâm pơkuâ tơdroăng kal kí hôp ăm rơkong veăng tơpui ‘na túa pơkâ Pơlê kong kân Hồ Chí Minh pơla hơnăm 2021 – 2030, hnoăng pêi pro troh a hơnăm 2050.

VOV4.Xơ Đăng - Kơxo lơ 23/8, a Lâm Đồng hiăng po Rôh hôp tơbleăng pơkâ dêi Khu pơkuâ ngăn xiâm Đảng ‘na hnoăng cheăng kăn ƀô̆.

VOV4.Xơ Đăng - Tiô rơkong krếo thế dêi pôa Sonexay Sipgandone,  Ngế pro xiâm hnê ngăn Chin phuh Lếo , kơxo hâi lơ 23/8, pôa Phạm Minh Chính, Ngế pro xiâm hnê ngăn Chin phuh hiăng veăng hôp ƀă tối tơbleăng a rôh hôp mơ’no tơdrêng tiô troăng hyôh măng a hneăng hôp Kân to mâu kăn kơdrâi ASEAN rôh má 3.

VOV4.Xơ Đăng - Kơxê lơ 22/8, pôa Trần Thanh Mẫn, Kăn xiâm hnê ngăn Kuô̆k hô̆i tơdah pôa Sommad Pholsena, Kăn xiâm phŏ hnê ngăn Kuô̆k hô̆i kong têa Lếo dế ai roh lăm pôu ƀă pêi cheăng a Việt Nam.

VOV4.Xơ Đăng - Kơxê hâi lơ 22/8, a Hà Nội, pôa Phạm Minh Chính, Ngế pro xiâm hnê ngăn Chin phuh veăng leh tơbâ 55 hơnăm Hâi mơjiâng kơvâ pro trếo pơkeăng Việt Nam.

VOV4.Xơ Đăng - Tơdroăng ki pơtroh đảng viên cho mơngế kăn ƀô̆ a mâu đông gâk tơkăng kong pêi cheăng rơtế ƀă đảng ƀô̆, chi ƀô̆ a tơkăng kong Dak Nông dế chiâng mâu tơdroăng tơƀrê, ai pơxúa. Mâu đảng viên krâ kơlŏng drêh dế veăng gum pro hơ’lêh “túa tơmiât, túa pêi”, gum tơdroăng rêh ối dêi vâi krâ nhŏng o mâu hdroâng kuăn ngo a kơpong tơkăng kong rế hía rế tơniăn ƀă mơnhông. Ing mê, veăng gum kal khât tung mơjiâng ivá rak vế tơkăng kong tâi tâng kuăn pơlê a tíu tơkăng kong dêi kong pơlê Dak Nông.

VOV4.Xơ Đăng - Kơxo lơ 22/8, pôa Phạm Minh Chính, Ngế pro xiâm hnê ngăn Chin phuh veăng Hneăng hôp tơpui tơno Tuăn ngôa rơkê ƀă Mâu ngế rơkê Việt Nam a kong têa ê, rơtế veăng ai khu râ kăn pơkuâ mâu Khu, khu xiâm, kơvâ cheăng Tơnêi têa, kong pơlê ƀă teăng mâ tơdroăng rơkê, mâu ngế ki rơkê ƀă kuăn mơngế Việt Nam a kong têa ê.