VOV4.Xơ Đăng - Drêng veăng ai mâ a Hneăng hôp 69 Vi ƀan Tíu ối vâi kơdrâi dêi Khu lâp kong têa a New York, Mih, Phŏ kăn xiâm hnê ngăn Kuô̆k hô̆i Nguyễn Thị Thanh hiăng trâm Ngế xiâm chêh tôm xo rơkong Khu lâp kong têa António Guterres.

VOV4.Xơ Đăng - Kơxo lơ 11/3, a Tíu pêi cheăng Kuô̆k hô̆i a pơlê kong xiâm Indonesia, pôa Tô Lâm, Kăn xiâm pơkuâ hnê ngăn Đảng hiăng trâm mâ tơpui tơno ƀă pôa pôa Ahmad Muzani - Kăn xiâm hnê ngăn Hô̆i đong tơpui tơno kal kí, cheăng kâ kuăn pơlê Indonesia.

VOV4.Xơ Đăng - Tung mâu tơdroăng dêi Leh tơbleăng Kơphế Ƀuôn Ma Thuột roh má 9, kơxo lơ 11/3 hiăng tơkŭm po hneăng hôp ‘’Trâm mâ tê mơdró lâp plâi tơnêi – Tơdjêp, mơdêk râ kơphế Việt’’.

VOV4.Xơ Đăng - Tung tơdroăng ki hâk tơngăm dêi mâu hâi khế 3 tơplâ, tơbâ 50 hơnăm tơleăng lĕm Tây Nguyên, hâi lơ 10/3, jâ Võ Thị Ánh Xuân, Phŏ Kăn xiâm hnê ngăn tơnêi têa hiăng pôu, pêi cheăng a kong pơlê Kon Tum.

VOV4.Xơ Đăng - Klêi rôh hôp tơpui to mâu râ kăn, hâi lơ 10/3, pôa Tô Lâm, Kăn xiâm pơkuâ hnê cheăng Đảng ƀă Kăn xiâm pơkuâ kong têa Indonesia pơkuâ rôh hôp ƀă khu chêh hlá tơbeăng tối ‘na tơdroăng hiăng klêi hôp tơpui tơno, sôk ro tơbleăng mơdêk tơrŭm tung tŭm tơdroăng pơla Việt Nam- Indonesia tâk tung tŭm tơdroăng cheăng.

VOV4.Xơ Đăng - Kơmăng hâi lơ 10/3, pôa Trần Hồng Hà, Phŏ Ngế pro xiâm hnê ngăn Chin phuh ƀă mâu kăn teăng mâ mâu khu pêi cheăng, khu xiâm kơvâ cheăng, mâu kăn hnê ngăn mâu cheăm, tơring, kong pơlê, tơmối kong têa ê  ƀă kuăn pơlê tung kong pơlê Dak Lak hiăng veăng pơxiâm po leh mơdĭng kơphế Buôn Ma Thuột rôh má.

VOV4.Xơ Đăng - Hâi lơ 10/3, kong pơlê Dak Lak tơkŭm po Leh tơbâ 50 hơnăm ƀlêi trâng Ƀuôn Ma Thuột, tơleăng lĕm kong pơlê Dak Lak.

VOV4.Xơ Đăng - Xuân tung kơxo má lơ 10/3, pôa Tô Lâm, Kăn xiâm pơkuâ hnê ngăn Đảng ƀă kơdrâi pôa rơtế Khu râ kăn teăng mâ râ xiâm Việt Nam hiăng troh lăm pôu Khu rah chêh tôm xo rơkong ASEAN a pơlê kong xiâm Jakarta.

VOV4.Xơ Đăng - Pêi pro Pơkâ kơxô̆ 127, hâi lơ 28/2/2025 dêi Khu xiâm kal kí, Khu pơkuâ hnê ngăn cheăng Đảng, kong pơlê Kon Tum pơtê tơdroăng tơkŭm po hneăng hôp Đảng ƀô̆ râ cheăm ƀă  râ tơring. Ƀă mâu Đảng ƀô̆ cheăm, pơlê kân a 10 tơring, pơlê kong kơdrâm dêi kong pơlê hiăng tơkŭm po hneăng hôp, tơdroăng po rơdâ, pêi pro mâu pơkâ mơnhông dế châ pêi pro thâ ƀă ôh tá ai xếo tơdroăng ki ti tăng tơmâng, tơkôm tơdroăng rah xo bro lế lĕm tro dêi hnoăng cheăng khu xiâm ngăn ‘na kal kí

VOV4.Xơ Đăng - Kơxo lơ 10/3, a tíu xối tơbâ đồn điền CADA, cheăm Ea Yông, tơring Krông Pač, po “Mơdĭng po kơphế hơnăm 2025” ƀă inâi “Rơtế prôk ƀă veăng gum”.