VOV4.Xơ Đăng - Kơxo lơ 10/3, a Hngêi Kuô̆k hô̆i, pơxiâm po rôh hôp tiah hmâ rôh má 43, rôh hôp apoăng châ po ƀă tơdroăng ki hbrâ rơnáu dêi mâu kơ koan klêi kơ’nâi tơkŭm kơ koan cheăng dêi Kuô̆k hô̆i, Chin phuh.

VOV4.Xơ Đăng - Pôa Tô Lâm, Kăn xiâm pơkuâ hnê ngăn cheăng Đảng troh veăng hôp ƀă tơpui a rôh hôp tơpui tơno khu mơdró kâ râ xiâm drêng tơbâ 70 hơnăm tơrŭm cheăng tơpui kâ Việt Nam – Indonesia.

VOV4.Xơ Đăng - Hâi lơ 10/3, a kong pơlê Dak Lak pơxiâm po Leh tơbleăng kơphế Ƀuôn Ma Thuột roh má 9, rơtế ƀă leh tơbâ 50 hơnăm tơleăng pơlê kong kơdrâm, 50 hơnăm tơdroăng tơplâ Tây Nguyên, po apoăng ăm Tơdroăng tơplâ Hồ Chí Minh roh ton nah, tơleăng lĕm tâi tâng peăng Hdroh, môi tuăn tơnêi têa.

VOV4.Xơ Đăng - Kơxê lơ 9/3, roh hôp má 16 dêi Khu hnê mơhno tơnêi têa mâu tơmeăm, tơdroăng tơkêa bro ki kal tơnêi têa, ki xiâm kơvâ troăng klông ƀă rơxế kơtâu hiăng châ tơkŭm po ing pơkuâ dêi pôa Phạm Minh Chính, Ngế pro xiâm hnê ngăn tơnêi têa.

VOV4.Xơ Đăng - Kơxê lơ 9/3, pôa Tô Lâm, Kăn xiâm pơkuâ hnê ngăn Đảng rơtế ƀă Kơdrâi pôa ƀă Khu râ kăn teăng mâ khu râ kăn xiâm tơnêi têa pin hiăng troh kong têa Jakarta Prabowo ƀă lăm pôu păng ‘nâng Khu tôm xo rơkong ASEAN tiô rơkong krếo thế dêi Kăn xiâm tôm xo rơkong ASEAN Kao Kim Hourn.

VOV4.Xơ Đăng - Tung hneăng lăm pôu râ kăn xiâm tơnêi têa troh Indonesia, kơxê hâi lơ 9/3 a pơlê kong xiâm Jakarta. Pôa Tô Lâm, Kăn xiâm pơkuâ hnê cheăng Đảng tơdah mâu Grup pơkuâ khu mơdró má môi dêi Indonesia hlối veăng leh Tơbleăng mâu troăng tơƀai kơneăng tơdrăng dêi Vietnam Airlines pơla Pơlê kong kân Hồ Chí Minh ƀă Denpasar. 

VOV4.Xơ Đăng - Riân troh nôkố, lâp tung kong pơlê Gia Lai hiăng mơjiâng pro nếo ƀă ‘mâi rơnêu 2.092 toăng hngêi dêi tơdroăng xut tah hngêi pơtân hngêi xi kơchoh.

VOV4.Xơ Đăng - Roh lăm plâ Tây Nguyên hơnăm 1975 ƀă rôh pơxiâm po hneăng plâ xâ a Buôn Ma Thuột ôh tá xê to môi  rôh lăm plâ ki kân mê ối cho môi ƀai hriâm ‘na ki rơkê plĕng dêi khu mô đô̆i, ‘nâi hriĕn plĕng pro xâ chiâng kơdrâ, ôh ta ƀĕng ê. Ƀă ki xiâm pơkâ cho pro tơleăng lăm peăng Hdroh tơnêi têa, rôh lăm plâ mê hiăng pơtối rak vế pêi pro ki hriăn rơkê dêi mô đô̆i ƀă kuăn pơlê Việt Nam. Ing mâu tơdroăng hriăn rơkê troh tơdroăng ‘nâi tơrŭm tơrôa pơla mâu khu lêng, rôh lăm plâ Tây Nguyên ôh tá xê to plâ hnâp kh lêng xâ mê ối pro kơdrâ tá mâu lêng lâp plâi tơnêi. Kơnôm ing tơdroăng rơkê ƀeăn, rôh lăm plâ Tây Nguyên hiăng châ tơƀrê môi pơkâ, veăng ‘no hnoăng plâ ƀlêi tâng rơnó Hơngui hơnăm 1975.

VOV4.Xơ Đăng - Pro chiâng ai roh ƀlêi trâng Buôn Ma Thuột, tơdrêng ƀă hnoăng cheăng pơkâ ki khên tơnôu dêi mô đô̆i xiâm, hiăng ai hên hnoăng cheăng ki kân dêi mâu ngế cheăng kal kí, kuăn pơlê mâu hdroâng kuăn ngo a Dak Lak. Vâ châ 50 hơnăm hiăng luâ, mâu ngế ki châ hlo, hiăng rêh ƀă hiăng veăng tơplâ xâ a Buôn Ma Thuột, kong pơlê Dak Lak xuân ối ƀriê phoih drêng chôu vế ‘na tơdroăng ki kal kân khât kố.

VOV4.Xơ Đăng - Mâu hâi ki kố, mâu kuăn pơlê tung kong pơlê Dak Lak phiu ro, hâk tơngăm xua hiăng veăng ‘no hnoăng plâ Ƀlêi trâng Buôn Ma Thuột kơtăn kố 50 hơnăm hdrối nah. Pakĭng mê, kuăn pơlê xuân hâk ro tơdah leh tơbleăng Kơphế Buôn Ma Thuột rôh má 9 ƀă tơngah cho “Tíu ki troh ngăn kơphế lâp plâi tơnêi”. Tơdrêng ƀă tơdroăng tơmiât tung hâi leh kân tơbâ 50 hơnăm blâ blêi trâng Buôn Ma Thuột, kuăn pơlê mâu hdroâng kuăn ngo a Dak Lak xuân tối loi khât ƀă tơngah châ tơƀrê ing rôh po Leh tơbleăng kơphế Buôn Ma Thuột kố.