VOV4.Xơ Đăng - Pêi pro tơdroăng trâm mâ kuăn pơlê klêi Hneăng hôp má 8, Kuô̆k hô̆i hneăng má XV, kơxo lơ 3/12, pôa Tô Lâm, Kăn xiâm pơkuâ hnê ngăn Đảng rơtế ƀă mâu kăn teăng mâ tíu tâ phĭu kơxô̆ 1, Khu râ kăn teăng mâ Kuô̆k hô̆i Pơlê kong kân Hà Nội hiăng ai roh trâm mâ ƀă kơdrâm mâu kuăn pơlê tung 3 pơlê kân Ba Đình, Hai Bà Trưng ƀă Đống Đa vâ tơbleăng tơdroăng châ tơƀrê hneăng hôp ƀă tiâ rơkong pâ thế dêi mâu kuăn pơlê pơtroh Kuô̆k hô̆i.

VOV4.Xơ Đăng -  Kơxo lơ 3/12, a kong pơlê Đồng Nai, pôa Phạm Minh Chính, Ngế pro xiâm hnê ngăn tơnêi têa lăm séa ngăn ƀă pêi cheăng ‘na Tơdroăng tơkêa bro Tơraih tơƀai lâp plâi tơnêi Long Thành ƀă troăng kân ăm phêp rơxế kơtâu têi Biên Hòa – Vũng Tàu.

VOV4.Xơ Đăng - Hâi lơ 2/12, pôa Lương Cường, Kăn xiâm hnê ngăn tơnêi têa, Ngế xiâm hnê mơhno Pơhlêh chêh pro Luât Tơnêi têa pêi cheăng ƀă Hngêi tơleăng xiâm ‘na tơdroăng cheăng dêi kơvâ cheăng tung pơla hdrối kố nah.

VOV4.Xơ Đăng - Kơxê lơ 2/12, tung rôh lăm pôu păng ‘nâng Singapore, pôa Trần Thanh Mẫn, Kăn xiâm hnê ngăn Kuô̆k hô̆i tơnêi têa pin hiăng tơpui tơno ƀă pôa Lawrence Wong, Ngế pro xiâm hnê ngăn kong têa Singapore.

VOV4.Xơ Đăng - Pôa Tô Lâm - Kăn xiâm pơkuâ hnê ngăn Đảng rơtế ƀă mâu kăn Kuô̆k hô̆i kong pơlê lăm trâm mâ kuăn pơlê tung pơlê kong kơdrâm Hưng Yên vâ tơbleăng mâu tơdroăng tơpui a rôh hôp má 8 ƀă hlối tiâ mâu tơdroăng kuăn pơlê kơ-êng pâ thế pơtroh ăm Kuô̆k hô̆i.

VOV4.Xơ Đăng - Kơxê hâi lơ 2/12, a kong pơlê Bà Rịa - Vũng Tàu, pôa Phạm Minh Chính Ngế pro xiâm hnê ngăn tơnêi têa, kăn xiâm hnê ngăn Hô̆i đong xi xoăng tơdroăng cheăng kơpong Đông Nam Bộ pơkuâ hneăng hôp rôh má 5 dêi Hô̆i đong, ƀă pơxá: Mơnhông cheăng kâ “ 2 kơxô̆” kơpong Đông Nam Bộ hơnăm 2025: “Pơloăng mơnúa , rôh tơ’lêi ƀă troăng hơlâ  pêi pro”.

VOV4.Xơ Đăng - Hâi lơ 2/12, Khu kăn pơkuâ hnê ngăn Đảng ƀộ kong pơlê Kon Tum hneăng 16 hiăng tơkŭm po Hôp rôh má 18.

VOV4.Xơ Đăng - Kơxo lơ 2/12, a kong pơlê Bà Rịa – Vũng Tàu, pôa Phạm Minh Chính, Ngế pro xiâm hnê ngăn Chin phuh veăng Hôp tơpui tơno Logistics Việt Nam 2024, ƀă dó inâi ‘’Kơpong tê mơdró tơniăn krê – troăng mơnhông mơdêk logistics’’. Logistics cho troăng pêi ki tung dế vâ djâ tơmeăm (tơmeăm lơ tơdroăng tê mơdró) troh kŏng mơngế rôe xúa rĕng má môi).

VOV4.Xơ Đăng - Kơxo lơ 2/12, Khu pơkuâ ngăn Đảng ƀô̆ kong pơlê Dak Lak pơxiâm po rôh hôp rôh má 27 (po rơdâ).

VOV4.Xơ Đăng - Tung pơla kố nah, mâu kăn ƀô̆ kăn pơkuâ dêi pơlê Lâm Đồng ai pêi pro tơmiât ôh tá tro, kal kí, hiâm mơno, tơdroăng rêh ối, ai xôi ‘na tơdroăng pơkâ dêi Đảng, luât dêi Tơnêi têa, tơdjâk ‘mêi troh ki loi tơngah dêi Đảng, kơdroh loi tơngah tung kăn ƀô̆, đảng viên ƀă kuăn pơlê. Vâ mơnhông ki tro, tah lôi mâu tơdroăng ki ôh tá tro kố, Khu pơkuâ hnê ngăn Đảng kong pơlê Lâm Đồng tơbleăng Pơkâ kơxô̆ 34, hâi lơ 20/04/2024 ‘na 3 troăng kal pêi pro, 4 troăng kal ví tung kăn ƀô̆, đảng viên. Klêi kơ’nâi po rơdâ pêi pro, pơkâ hiăng rĕng pêi pro tung tơdroăng rêh ối, apoăng djâ tơƀrê hôm, mơjiâng tơdroăng ki nếo vâ kăn ƀô̆, đảng viên tung kong pơlê pơhlêh nếo troăng tơmiât tung pêi cheăng, pêt mơjiâng tơmeăm, gum mơdêk cheăng kâ – rêh ối pơlê pơla dêi kong pơlê rế mơnhông.