VOV4.Xơ Đăng - Ƀă tơdroăng ki xiâm cho tơdah xo rĕng tơdroăng vâ tăng troăng tŏng gum pá puât ăm khu mơdró kâ, kơxê lơ 9/8, kăn pơkuâ kong pơlê Kon Tum hiăng ai rôh pêi cheăng ƀă kăn teăng mâ hên khu mơdró kâ dế pêi cheăng mơjiâng bro, tê mơdró a kong pơlê.

VOV4.Xơ Đăng - A mâu troăng kân 14,14C Troăng kân tơnêi têa  troăng 28 ki tơkâ luâ kong pơlê Dak Nông ƀă mâu troăng kân ki ê, kơvâ ngăn troăng prôk hiăng pơkâ ai 18 “Tíu ki ‘mêi ” ôh tá tơniăn ‘na troăng prôk. A mâu tíu ki mê nhăng ai rơxê tơklâm dêi pó rơ-iô ó, pro hên ngế hlâ. Achê kố cho rơxế toi  rơmok kân klâm a hngêi kuăn pơlê kơpong kơchơ 312 cheăm Dak Rlâp, tơring Dak Mil, pro 3 ngế hlâ 1 ngế tro rong. Kơ koan pơkuâ cheăng ‘na troăng prôk-rơxế chơ kế tơmeăm kong pơlê Dak Nông dế thâ tơbleăng tơdroăng pêi vâ rak tơiăn drô troăng prôk.

VOV4.Xơ Đăng - A rơnó mêi, kŏng ti On tơhrik Dak Lak hiăng pêi pro péa roh mơnúa ki tơniăn a mâu kơmăi klâ xoăng on tơhrik, séa ngăn mơgrúa rak kơmăi vâ tơniăn troăng kơxái on tơhrik kơtâu tơniăn, châ tơƀrê.

VOV4.Xơ Đăng - Kơxo lơ 9/8, kong pơlê Dak Nông tơkŭm po Hneăng tơ’noăng khŏm ƀlêi trâng khu lêng hneăng hơnăm 2019 – 2024 ƀă 76 kăn teăng mâ ki rơkê teăng mâ ăm mâu khu pú hên, ngế krê ki kơhnâ rơkê, má môi tung mâu kơvâ cheăng.

VOV4.Xơ Đăng - Tơmiât troh Leh tơbâ 80 hơnăm hâi mơjiâng Khu lêng kuăn pơlê Việt Nam ƀă 35 hơnăm hâi tâi tâng kuăn pơlê gâk kring tơnêi têa; a Tíu pêi cheăng Kăn xiâm hnê ngăn tơnêi têa, pôa Tô Lâm, Kăn xiâm pơkuâ hnê ngăn Đảng, Kăn xiâm hnê ngăn tơnêi têa nếo trâm mâ kăn teăng mâ Khu tơdjêp tơdroăng tơpui tối dêi pó tiô khôi vâi krâ nah Sư đoân 308 – Đăi đoân Khu lêng Djâ troăng ahdrối.

VOV4.Xơ Đăng - Hâi lơ 9/8, jâ Võ Thị Ánh Xuân, Ngế cheăng tung Khu xiâm Đảng, Kăn xiâm phŏ hnê ngăn tơnêi têa hiăng lăm ngăn tơdroăng cheăng tơkâ luâ xơpá têa rơlêa ƀă tơnêi tơhnâp a kong pơlê Sơn La.

VOV4.Xơ Đăng - Kơxo hâi lơ 9/8 Tíu xiâm Khu vâi kơdrâi Việt Nam tơrŭm ƀă khu vâi kơdrâi Dak Lak tơkŭm po tơdroăng hnê tối ‘na hbrâ, mơdât tơhôu tơpâm dêi rơpó tung rơpŏng hngêi tung hdroâng kuăn ngo a mâu tơring Ea Sup ƀă Krông Pač.

VOV4.Xơ Đăng – Pôa Phạm Minh Chính, Ngế pro xiâm hnê ngăn tơnêi têa pơkâ mâu khu mơ’no liăn cheăng, mâu khu ki mơjiâng pro tơrŭm ƀă mâu kong pơlê rĕng tah lôi mâu tơdroăng pá puât, pơloăng mơnúa, tah lôi mâu tơdroăng pá puât mâu tơdroăng tơkêa bro troăng kân nôkố.

VOV4.Xơ Đăng - Hâi lơ 8/8/2024, a tíu pêi cheăng Xiâm Đảng, pôa Tô Lâm, Kăn xiâm pơkuâ hnê ngăn Đảng, Kăn xiâm hnê ngăn tơnêi têa hiăng krếo phôn tơpui ƀă pôa Vladimir Putin - Kăn xiâm pơkuâ kong têa Rusi.

VOV4.Xơ Đăng - Kơxo hâi lơ 8/8, Tíu ngăn ‘na mơdró-cheăng kơmăi kơmok mâu kong pơlê Dak Lak,  Sóc Trăng ƀă Trà Vinh  tơrŭm ƀă tơkŭm po Hôp tơdjêp tê mơdró, tê tơmeăm pêi lo hơnăm 2024.