VOV4.Xơ Đăng - Tung tơdroăng rêh ối, ai mâu kuăn mơngế ki ‘nâ hiăng pôu xo tơdroăng cheăng ƀă hlối ‘no dêi hnoăng cheăng pleăng tơná gum kơ mâu ki ê, la ôh tá xâu pá puât, tơbrê tơbrêh. Ngế kơdrâi ƀok thái pơkeăng kuăn ngo Khmer inâi cho Huỳnh Thị Kẩm Huyên, lo ing Hngêi pơkeăng tơring Châu Thành (Trà Vinh) - cho môi ngế ki djâ troăng lĕm ‘na tuăn mơno ƀă pêi cheăng tâi hiâm mơno tơná tơdroăng tơná hlê vâ pơlât ngăn mơngế châi tamo, malối ƀă mâu tamo ki kơtiê, mâu ki  ôh tá ai ngế păn roăng.

VOV4.Xơ Đăng - Hâi lơ 1/3, Tíu xiâm Đoân Droh rơtăm Kŏng san Hồ Chí Minh pơxiâm mơhnhôk pêi cheăng tung Khế Droh rơtăm hơnăm 2025 ƀă hên tơdroăng cheăng ai pơxúa.

VOV4.Xơ Đăng - A hneăng hôp tơdroăng kal rôh má 13, po a kơxo lơ 28/2, Hô̆i đong hnê ngăn kong pơlê Dak Nông hiăng tơbleăng 9 tơdroăng pơkâ, pêi pro tơdroăng ki ‘mot tơkŭm, mơjiâng nếo mâu tíu pêi cheăng, kơvâ cheăng ki hmâ ối tung Vi ƀan hnê ngăn kong pơlê.

VOV4.Xơ Đăng - Kơxo lơ 28/2, Khu xiâm ngăn Kŏng an po hôp tơbleăng Pơkâ kơxô̆ 2 dêi Chin phuh. Tiah mê, sap ing hâi lơ 1/3 tíu cheăng kŏng an kong pơlê bu ối 2 râ cho râ kong pơlê ƀă râ cheăm; tâi tâng cho 694 to kơ koan kŏng an râ tơring pơtê pêi cheăng.

VOV4.Xơ Đăng - Hâi lơ 27/2, pôa Tô Lâm, Kăn xiâm pơkuâ hnê cheăng Đảng  pơkuâ hôp mâu Khu hbrâ hneăng hôp má 14 dêi Đảng.

VOV4.Xơ Đăng - Kơxê hâi lơ 27/2, Vi ƀan kuăn pơlê kong pơlê Dak Lak tơkŭm po hôp vâ tơmâng tơbleăng ‘na tơdroăng rôh má 3 dêi tơdroăng tơkêa bro troăng kân tơdrăng lĕm Khánh Hòa - Buôn Ma Thuột.

VOV4.Xơ Đăng - Kơxo lơ 27/2, pôa Phạm Minh Chính, Ngế pro xiâm hnê ngăn tơnêi têa pơkuâ Hneăng hôp Khu hnê mơhno Chin phuh pêi cheăng ƀă khu tê mơdró Tơnêi têa ƀă dó inâi ‘’Hnoăng cheăng troăng pêi gum tơtêk péa kơxô̆ ƀă mơnhông tơnêi têa rĕng ƀă krá tơniăn’’.

VOV4.Xơ Đăng - Kơxo hâi lơ 27/2, pôa Phạm Minh Chính, Ngế pro xiâm hnê ngăn tơnêi têa ƀă pôa Christopher Luxon, Ngế pro xiâm hnê ngăn kong têa New Zealand hiăng lăm pôu ngăn Văn Miếu - Quốc Tử Giám.

VOV4.Xơ Đăng -  Hôp tơpui tơno dó inâi ‘’Ƀlêi trâng Tây Nguyên 1975 ƀă tơdế chal mơjiâng, mơnhông Dak Lak’’ kô po a hâi lơ 5/3 a pơlê kong kơdrâm Ƀuôn Ma Thuột, kong pơlê Dak Lak.

VOV4.Xơ Đăng - Tối tơbleăng a Hngêi pơkeăng Hữu nghị tung kơxo hâi lơ 27/2, drêng troh leh tơbâ 70 hơnăm hâi Thái pơkeăng Việt Nam  lơ 27/2 , pôa Trần Thanh Mẫn, Kăn xiâm hnê ngăn Kuô̆k hô̆i púi vâ, mâu ngăn pơkeăng, ƀok thái pơkeăng thế rơkê, ai hiâm mơno lĕm, ‘nâi tơdroăng châi heăng dêi mơngế châi tamo môi tiah tơdroăng châi heăng dêi mâu nhŏng o dêi tơná.