VOV4. Xơ Đăng - Pêi pro tiô Pơkâ kơxô̆ 26 dêi Khu xiâm Kal kí, kơxo hâi lơ 6/3, Khu kăn séa ngăn 1922 dêi Khu xiâm Kal kí xua pôa Trần Việt Trường, Kăn phŏ hnê ngăn Vi ƀan xiâm Măt trâ̆n tơnêi têa Việt Nam, Phŏ pơkuâ djâ khu kăn pro ngế xiâm pơkuâ djâ mâu kăn hiăng pêi cheăng ƀă khu kăn Đảng ủy kong pơlê Kon Tum ‘na tơdroăng pêi pro Mơgêi kơxô̆ 123 dêi Khu kăn Xiâm Đảng ƀă tơdroăng hiăng tơbleăng pêi tiô Pơkâ kơxô̆ 57 dêi Khu xiâm Kal kí.

VOV4.Xơ Đăng - Kơxo lơ 6/3, a Hngêi Kuô̆k hô̆i, pôa Trần Thanh Mẫn, Kăn xiâm hnê ngăn Kuô̆k hôi trâm mâ mâu ngế kơdrâi pro Kăn teăng mâ Kuô̆k hô̆i pôu râng hnoăng cheăng a Tơnêi têa, ngế kơdrâi kăn ƀô̆ xua Vi ƀan pơkuâ Kuô̆k hô̆i ƀă kơdrâi pơkuâ râ kơ koan xiâm ối tung Hô̆i đong hdroâng kuăn ngo, mâu Vi ƀan dêi Kuô̆k hô̆i, mâu kơ koan kum tơdroăng cheăng dêi Đảng ủy Kuô̆k hô̆i ƀă Ƀơrô Kuô̆k hô̆i.

VOV4.Xơ Đăng - Kơxo lơ 5/3, a pơlê kong kơdrâm Đà Lạt, Vi ƀan kong pơlê Lâm Đồng ƀă Kŏng ti pro tơmeăm khoăng lâp plâi tơnêi Kơ koan xiâm 2 troăng rơxế lơtreng Sinuâ hiăng ai roh pêi cheăng vâ pêi pro tơdroăng tơrŭm rơnêu pro troăng rơxế lơtreng Đà Lạt - Tháp Chàm ƀă po tơ’nôm mâu troăng kơneăng lâp plâi tơnêi.

VOV4.Xơ Đăng - Kơxê lơ 5/3, pôa Phạm Minh Chính, Ngế pro xiâm hnê ngăn Chin phuh tơdah Phŏ Ngế xiâm pơkuâ lêng, Kăn xiâm tơbleăng cheăng lêng kong têa Lếo, Trung tươ̆ng Saichay Kommasith pơkuâ Khu râ kăn teăng mâ khu lêng râ xiâm Khu lêng kuăn pơlê kong têa Lếo dế lăm pôu pêi cheăng Việt Nam.

VOV4.Xơ Đăng - Kơxê lơ 5/3, a Hà Nội, pôa Nguyễn Xuân Thắng, Kăn pơkuâ Hok viê̆n Kal kí Tơnêi têa Hồ Chí Minh, Kăn hnê ngăn Hô̆i đong lĭ luâ̆n Tơnêi têa tơdah khu râ kăn xiâm dêi Vi ƀan Troăng hơlâ tơpui kâ ƀă kong têa ê Kuô̆k hô̆i Đan Mạch xua pôa Michael Aastrup Jensen, Kăn pơkuâ Vi ƀan Troăng hơlâ tơpui kâ ƀă kong têa ê Kuô̆k hô̆i Đan Mạch pơkuâ djâ.

VOV4.Xơ Đăng - Pôa Phạm Minh Chính, Ngế pro xiâm hnê ngăn Chin phuh pơkuâ po rôh Hôp dêi Đảng ủi Chin phuh tơbleăng hriăn ngăn, séa ngăn, mơ’no tơdroăng ki tơkŭm mâu tíu pêi cheăng râ kong pơlê, ôh tá tơkŭm a râ tơring, ‘mot tơkŭm mâu tíu pêi cheăng râ cheăm.

VOV4.Xơ Đăng  - Kơxo lơ 5/3, a Pơlê kong kơdrâm Ƀuôn Ma Thuột, po Rôh hôp khoa hok Ƀlêi trâng Tây Nguyên 1975 ƀă tơdế chal mơjiâng, mơnhông Dak Lak.

VOV4.Xơ Đăng  - Kơxo lơ 5/3, a tíu pêi cheăng Chin phuh, pôa Phạm Minh Chính, Ngế pro xiâm hnê ngăn tơnêi têa hiăng pơkuâ po rôh hôp Chin phuh tiah hmâ khế 2 hơnăm 2025.

VOV4.Xơ Đăng - Kong pơlê Dak Nông nôkố ối vâ chê 250.000 ha kong. Tung hơnăm 2024, kong pơlê tối, on chếo kong tâk hên tâng vâ pơchông ƀă mâu hơnăm hdrối mê hía nah. Vâ kơdroh roh on chếo kâ tơdjâk troh kong, kơvâ rak ngăn kong rơtế ƀă mâu ngế pơkuâ rak kong dế thâ tơbleăng tơdroăng hbrâ mơdât on chếo kong ing apoăng rơnó mơdrăng hơnăm 2025.

VOV4.Xơ Đăng - Kơxê hâi lơ 4/3, pôa Tô Lâm, Kăn xiâm pơkuâ hnê ngăn cheăng Đảng pơkuâ hôp rôh má 2 dêi Khu hnê mơhno Tíu xiâm ‘na mơnhông cheăng khoa hok kơmăi kơmok, hơ’lêh nếo hriĕn plĕng ki nếo ƀă pơhlêh kơxô̆.