VOV4.Xơ Đăng – Khu xiâm ngăn ‘na cheăng kal kí nếo pơkâ ôh tá xo liăn hriâm ăm hok tro ing râ mầm non troh a tâi lâm 12, cho râ má pái phôh thong, cho mâu hngêi trung dêi tơnêi têa. Roh ki pơxiâm ôh tá xo liăn nâp hriâm mê, cho ing hơnăm hriâm nếo 2025-2026 (tơkéa vâ tối cho ing apoăng khế 9-2025 troh la ngiâ). Hên mâu nôu pâ ki ai kuăn ‘nĕng dế tro hơnăm hriâm phiu ro xua ing troăng hơlâ pơkâ pêi pro kố, xua ing mê ah, kô kơdroh tơdroăng ki hrê liăn ngân xua nâp ăm dêi kuăn ‘nĕng tơná hriâm a hngêi trung, maluâ, ƀă mâu rơpŏng hngêi a thôn pơlê, kong ngo, tơdroăng rêh ối, cheăng kâ ối trâm hên xahpá.

VOV4.Xơ Đăng - Cho cheăm ai 75% kuăn pơlê hdroâng kuăn ngo, ƀă tơdroăng mơjiâng, mơnhông đảng viên, pêi pro krá tơniăn tơdroăng cheăng kal kí rế hía rế xông rơdêi, mâu hơnăm hdrối mê hía nah, Đảng ƀô̆ cheăm Đinh Trang Thượng, tơring Di Linh, kong pơlê Lâm Đồng hiăng rơtế ƀă kuăn pơlê tung mơnhông cheăng kâ, tơdroăng rêh ối vâ rế châ tơniăn tâ. Hdrối vâ chê troh Hneăng hôp kân lâp tơnêi têa roh má XIV dêi Đảng, mâu đảng viên a kố pơtối mơnhông hnoăng djâ troăng ahdrối, khŏm mơ-eăm pêi pro ƀlêi chiâng mâu pơkâ cheăng kâ – rêh ối pơlê pơla, mơjiâng thôn pơlê rế hía rế phâi hơtô.

VOV4.Xơ Đăng - Kơxo lơ 3/3, a Hà Nội, Khu ngăn Troăng hơlâ, cheăng la ngiâ Tơnêi têa po Rôh hôp tơbleăng tơdroăng pơkâ pêi dêi Khu xiâm pơkuâ tơdroăng kal kí, Khu ngăn Đảng ‘na hnoăng cheăng kăn ƀô̆.

VOV4.Xơ Đăng - Kơxê lơ 2/3, pôa Phạm Minh Chính, Ngế pro xiâm hnê ngăn tơnêi têa pơkuâ roh tơpui tơno ƀă mâu khu tê mơdró Châu Âu.

VOV4.Xơ Đăng - Tơkâ luâ tơdế chal klêi kơ’nâi tơnêi têa châ tơleăng lĕm, Đông kach măng dêi kong pơlê Dak Lak drêng mê nah (nôkố, ối tung tơring Krông Bông, kong pơlê Dak Lak) xuân u ối rak vế tơdroăng roh nah ki tơplâ xâ khên tơnôu, ó rơdêi. Tung hneăng hơnăm 1965-1975, akố hiăng po hên mâu tơdroăng cheăng ki kal dêi Đảng ƀô̆ kong pơlê Dak Lak, cho tíu xiâm, cho đông ki ai tơveăng tŏng gum dêi kuăn pơlê, kế tơmeăm vâ plâ xâ a peăng Hdroh, ing mê, mơjiâng chiâng ivá ki kâi plâ ƀlê trâng Buôn Ma Thuột, lơ 10/3, veăng gum khoh pro Hneăng ki plâ ƀlê trâng kân rơnó Hơngui 1975, pro dêi tơnêi têa tơrŭm chiâng môi. Koh hâk vâ chê troh hâi tơbâ 50 hơnăm hâi ƀlêi trâng Buôn Ma Thuôtj, pro tơleăng lĕm kong pơlê Dak Lak.

VOV4.Xơ Đăng - Pôa Nguyễn Hoà Bình, Phŏ Ngế pro xiâm hnê ngăn tơnêi têa nếo pêi cheăng ƀă Grup ngăn Kơmăi kơmok Kơchâ- Tơmeăm tung kơdâm tơnêi Việt Nam, a Hngêi kơmăi Alumin Nhân Cơ, tơring Dak Rlâp, kong pơlê Dak Nông.

VOV4.Xơ Đăng - Kơxo lơ 28/2, a Khu xiâm pơkuâ lêng kong pơlê Dak Lak a pơlê kong kơdrâm Ƀuôn Ma Thuột hiăng tơkŭm po Leh lo lăm hnê pơtâp lêng hơnăm 2025 ƀă mơhnhôk pêi pro roh tơ’noăng ‘’Ƀeăn rĕng – Khŏm ƀlêi trâng’’.

VOV4.Xơ Đăng - Kơxê lơ 28/2, kong pơlê Lâm Đồng tơkŭm po hneăng hôp tơbleăng pơkâ ‘na tơdroăng cheăng kăn ƀô̆.

VOV4.Xơ Đăng - Tung roh lăm pôu pêi cheăng păng ‘nâng Việt Nam, hâi lơ 28/2, a pơlê kong xiâm Hồ Chí Minh, Ngế pro xiâm hnê ngăn kong têa New Zealand pôa Christopher Luxon hiăng ai roh trâm mâ tơpui tơno ƀă pôa Nguyễn Văn Được, Kăn hnê ngăn Viƀan pơlê kong kân.

VOV4.Xơ Đăng - Kơxê lơ 28/2, a Tíu pêi cheăng Chin phuh, pôa Phạm Minh Chính, Ngế pro xiâm hnê ngăn Chin phuh pơkuâ roh tơpui tơno ƀă mâu khu tê mơdró kong têa Sinuâ.