VOV4.Xơ Đăng - EVNCPC hiăng hnê mơhno mâu tíu pêi cheăng tung khu tơkŭm tâi ivá, tơbleăng pêi kơtăng mâu tơdroăng cheăng mơdêk hnoăng cheăng mơhno on tơhrik ăm kuăn pơlê.

VOV4.Xơ Đăng - Khu xiâm pơkuâ Kơmăi kơmok tê mơdró nếo ai mơ-éa pơtroh Khu pơkuâ kơmăi kơmok ƀă tê mơdró mâu kong pơlê, pơlê kong kơdrâm ối tung Tơnêi têa ƀă Grup pơkuâ On tơhrik Việt Nam EVN ‘na tơdroăng mơdêk pêi pro Pơkâ kơxô̆ 20/CT-TTg dêi Ngế pro xiâm hnê ngăn Chin phuh ‘na tơdroăng thăm kơdĭng on tơhrik hneăng hơnăm 2023 – 2025.

VOV4.Xơ Đăng - Khu pơkuâ mô đô̆i hneăng hdrối nah dêi pơlê kong kơdrâm Ƀuôn Ma Thuột, kong pơlê Dak Lak, dế nôkố ai lối 8.000 ngế, tung mê vâ chê 2.700 ngế cho đảng viên, ƀă dâng 600 ngế cho kuăn pơlê hdroâng kuăn ngo. Mâu hơnăm hiăng hluâ, mâu đảng viên mơngế Rơđế đi đo mơnhông hnoăng djâ troăng ahdrối tung pêi kâ mơnhông cheăng kâ – xăm kơklêa, kơdroh kơtiê, chiâng mâu ngế ki bâ eăng rơkê. Pakĭng pro kro mơdrŏng ăm dêi châ tơná, vâi ối thăm tŏng kum hên ăm mâu ngế ki ê ƀă kuăn pơlê tung pơlê pơrá pêi cheăng pêt mơjiâng tơmeăm, kum mơjiâng pơlê xiâm rế hía rế kro mơdrŏng, ó rơdêi.

VOV4.Xơ Đăng - Pêi pro tiô Pơkâ dêi Vi ƀan hnê ngăn Kuô̆k hô̆i, măng tĭng hdrối, pôa Vương Đình Huệ, Kăn xiâm hnê ngăn Kuô̆k hô̆i pơkuâ xiâm hiăng pêi cheăng ƀă Vi ƀan Kuăn ngo ƀă mâu Vi ƀan dêi Kuô̆k hô̆i vâ vêh mơnhên ‘na hnoăng cheăng pêi pro sap ing khế 1 troh khế 3, ƀă 3 khế apoăng hơnăm; vâ môi tuăn tơrŭm pơkâ pêi pro mâu tơdroăng cheăng tung khế 4 ƀă 3 khế pơtối.

VOV4.Xơ Đăng - Ta troh tâi khế pái hơnăm 2024, kong pơlê  Gia Lai nếo ăm liăn ngân bú  5,1% tiô pơkâ ăm liăn ‘no mơjiâng tơmeăm khoăng tơnêi têa. Kố cho tơdroăng ki vâ tối a rôh hôp mơ’no tơdrêng tối ‘na cheăng kâ - rêh ối xua Vi ƀan kong pơlê Gia Lai tơkŭm po.

VOV4. Xơ Đăng - Kơxo lơ 2/4, Tơdroăng Mơnhông Khu lâp kong têa a Việt Nam (UNDP) tơrŭm ƀă Tíu xiâm hriăn plĕng mơnhông ƀă tŏng kum pơlê pơla (CECODES) hiăng tơkŭm po Hneăng hôp tơbleăng Kơlo têk chu Châ tơƀrê pơkuâ ƀă pơkuâ tơdroăng kal kí râ kong pơlê (PAPI) hơnăm 2023.

VOV4.Xơ Đăng - Kơ’nâi VOV chêh tối hên tơdroăng ‘na têa krúa ki mơjiâng pro tơdjuôm a Dak Lak pơtê ôh tá xúa, a hneăng hôp khu chêh hlá tơbeăng tiô khế kơxê hâi lơ 1/4, Kăn xiâm Vi ƀan hnê ngăn kuăn pơlê dêi kong pơlê Dak Lak pơkâ thế kơvâ cheăng thâ tăng ngăn, ăm liăn vâ ’mâi rơnêu pro mâu tíu mơ’no têa krúa a tíu ki hiăng tơ’nhiê vâ kuăn pơlê ai têa krúa vâ xúa. 

VOV4.Xơ Đăng - Kơxo lơ 1 khế 4, a Hà Nội, Kơ koan xiâm riân kế tơmeăm khoăng (ối tung Khu xiâm pơkâ túa cheăng ƀă mơ’no liăn cheăng) tơkŭm po leh lo lăm séa ngăn pơ’leăng mâ mơngế ƀă hngêi ối tung dế hneăng hơnăm 2024.

VOV4.Xơ Đăng - Măng tĭng hdrối, xông tơpui a leh mơgêi Roh hôp mâu kăn lâp tơnêi têa ‘na hnoăng cheăng Hô̆i đong kuăn pơlê mâu kong pơlê, pơlê kong kân ối tung tíu xiâm Tơnêi têa hơnăm 2023 ƀă pơkâ pêi pro hnoăng cheăng hơnăm 2024, pôa Vương Đình Huệ, Kăn xiâm hnê ngăn Kuô̆k hô̆i tối nhên, ing tơdroăng ki ai păng ‘nâng dêi tơná, Hô̆i đong hnê ngăn pơtối mơdêk hên tâ nếo hnoăng cheăng, achê tâ nếo ƀă pôu râng dêi hnoăng cheăng ăm tơdroăng mơjiâng luât ƀă mâu troăng hơlâ, troăng pơkâ, maluâ cho mâu luât ki ai tơdjâk troh tơdroăng pêi cheăng kâ, rêh ối pơlê pơla.

VOV4.Xơ Đăng - Đảng ủy - Khu pơkuâ ngăn Kuân đoân 3 nếo tơkŭm po kân krip rôh trâm mâ tơbâ 49 hơnăm Hâi mơjiâng. Veăng ai mâ rôh trâm mâ kố ai Trung tươ̆ng Nguyễn Doãn Anh, Ngế cheăng tung Tíu xiâm Đảng, kăn phŏ tí tăng ‘nâi plĕng ăm Khu lêng kuăn pơlê Việt Nam; Trung tươ̆ng Trần Minh Đức, kăn pơkuâ Khu xiâm Kih thuât; kăn dêi mâu kơ koan Khu xâm pơkuâ ngăn lêng; Đảng ủy, Khu pơkuâ ngăn Kuân đoân 3, hlối cho kăn pơkuâ Kuân đoân 3 hneăng hdrối.