VOV4.Xơ Đăng - Tơdrêng ƀă kring vế, gak tơkăng kong tơnêi têa, mâu hơnăm hdrối; Khu xiâm mối đô̆i gak tơkăng kong Dak Lak pêi tro tơdroăng veăng kum tung rêh ối dêi kuăn pơlê a tơkăng kong. Mâu tơdroăng hbru ăm hdrê păn, hdrê pêt, phon rơvât, kuăn păn dêi đông mố đô̆i gak tơkăng kong, păn roăng jâ nôu Việt Nam khên tơnôu, mơnhông o lăm hriâm a hngêi trung, pro hngêi tuăn pâ “Hngêi tơtô tíu tơkăng kong” hiăng kum hên mâu rơpŏng kơtiê xơpá tơniăn tung rêh ối. Hơngui Giáp Thìn vâ chê troh, pin rơtế lăm troh a tíu tơkăng kong Dak Lak tăng ‘nâi tơdroăng phiu ro koh tơdah Hơngui a mâu pơlê cheăm tơkăng kong ing ƀai chêh ‘’Rơnó Hơngui pâ dêi rơpó tung mâu hngêi tơtô a tíu tơkăng kong Dak Lak”.

VOV4.Xơ Đăng - Môi rơnó Hơngui nếo hiăng troh a tíu tơkăng kong dêi kong pơlê Dak Nông. Tơdrêng ƀă hnoăng cheăng kring vế, gak ngăn hnoăng pơkuâ, kăn ƀô̆, lêng tíu tơkăng kong dêi kong pơlê Dak Nông xuân hiăng dế tơkŭm po tơdah Têt ƀă vâi krâ-nhŏng o tung pơlê pơla. Xua mê, Têt thăm rế tơtô, tơrŭm pơla khu lêng ƀă kuăn pơlê.

VOV4.Xơ Đăng - Kơxê lơ 5/2, a Hngêi Kuô̆k hô̆i, xua tơdroăng ki pơkuâ po dêi Kăn xiâm hnê ngăn Kuô̆k hô̆i Vương Đình Huệ, Vi ƀan pơkuâ Kuô̆k hô̆i po rôh hôp séa ngăn ‘na mâu tơdroăng ki ối tung hnoăng pơkuâ.

VOV4.Xơ Đăng - Luât tơnêi tíu (‘mâi hơ’lêh) nếo châ Kuô̆k hô̆i tối tơbleăng a hneăng hôp ôh ti ai pơkâ hdrối ki xêt khât sap ing hâi lơ 1/1/2025. Tung roh ‘mâi rơnêu kố, Luât ai hên troăng pơkâ châ chêh bro tối tiô hnoăng ki kring vế ki pơxúa hên khât ăm kuăn pơlê. Lại Hoa - Ngế chêh hlá tơbeăng ai chêh tối ‘na tơdroăng mê.

VOV4.Xơ Đăng - Kơxo hâi lơ 4/2,  a Pơlê kong kân Cần Thơ, Ngế pro xiâm hnê ngăn tơnêi têa Phạm Minh Chính lăm pôu hbru tơmeăm ăm mâu rơpŏng ai hnoăng, rơpŏng kơtiê xơpá, kŏng nhân mơngế pêi cheăng, mâu hơnăm hiăng krâ, vâi hdrêng kơtiê xơpá drêng troh Têt lo hơnăm nếo Giáp Thìn.

VOV4.Xơ Đăng - Kơxê hâi lơ 2/2, a pơlê kong kơdrâm Thủ Đức, Pơlê kong kân Hồ Chí Minh, po trâm mâ Têt tơkŭm dêi rơpó - Hơngui pâ, xua Măt trâ̆n tơnêi têa Việt Nam , Khu xiâm ngăn mơngế pêi cheăng Việt Nam pơlê kong kơdrâm Thủ Đức tơrŭm tơkŭm po.

VOV4.Xơ Đăng - Peăng xêi hâi lơ 2/2, Ngế pro xiâm hnê ngăn Chin phuh Phạm Minh Chính, Kăn xiâm hnê mơno ‘na hơ’lêh túa chêh bro hlá mơ-éa dêi Chin phuh pơkuâ ngăn roh hôp má 7 dêi Khu xiâm hnê mơhno vâ mơnhên tối tơdroăng ki tơƀrê tung chêh bro hlá mơ-eá, tiâ mơnhên tơdroăng cheăng hơnăm 2023 ƀă pơkâ hnoăng cheăng hơnăm 2024.

VOV4.Xơ Đăng - Tiô tơdroăng ăm ‘nâi ing Vi ƀan hnê ngăn tơring Čư̆ Kuiñ, kong pơlê Dak Lak, roh Têt Lo hơnăm nếo Giáp Thìn 2024 kố ai vâ chê 9 rơpâu ngế ki ai hnoăng tơnêi têa, rơpŏng xahpá a tơring châ xo hnoăng tơmeăm Têt, tâi tâng kơxô̆ liăn ki diâp ăm mê ai 3 rơtal 750 rơtuh liăn.

VOV4.Xơ Đăng -  Rêm ngế droh rơtăm cho môi “ngế teăng mâ’’ ki tơbleăng mâu tơdroăng kơnía túa lĕm tro ton nah dêi hdroâng kuăn ngo ƀă pú hmâ tung tơnêi têa ƀă kong têa ê ‘nâi.

VOV4.Xơ Đăng - Pơla hdrối kô nah, Kăn xiâm hnê ngăn Kuô̆k hô̆i Vương Đình Huệ, rơkâu Têt mâu rơpŏng kuăn pơlê ki kơtiê xơpá, mâu ngế ai hnoăng tơnêi têa, mâu kăn ƀô̆, mâu lêng tơplâ, mâu rơpŏng kơtiê, mâu ngế tro trếo ‘mêi a rơxông tơplâ nah, kŏng nhân, mơngế ki pêi cheăng ai tơdroăng rêh ối xơpá a kong pơlê Gia Lai ƀă pơtroh ăm 300 kơxu tơmeăm Têt ăm kong pơlê Dak Lak.