VOV4.Xơ Đăng - Pơtối roh pêi cheăng a kong pơlê Kon Tum, kơxê lơ 5/5, jâ Võ Thị Ánh Xuân, Teăng Kăn xiâm hnê ngăn tơnêi têa rơtế khu râ kăn pêi cheăng Tơnêi têa hiăng troh lăm pôu, diâp kơxuô tơmeăm rơpŏng ai hnoăng, rơpŏng kơtiê ƀă vâi hdrêng ai tơdroăng rêh ối pá puât a tơring Kon Rẫy.

VOV4.Xơ Đăng - Pơla hdrối kố hía nah, Khu kăn pơkuâ hnê ngăn Kuô̆k hô̆i mâu kong pơlê tung kơpong Tây Nguyên hiăng tơkŭm trâm mâ kuăn pơlê ahdrối Hneăng hôp má 7, Kuô̆k hô̆i hneăng 15. A mâu roh trâm mâ, kuăn pơlê ki rêh ối tung kơpng hiăng tối nhên, pâ thế hên mâu tơdroăng ki kal.

VOV4.Xơ Đăng - Hâi lơ 3/5, a Hngêi Kuô̆k hô̆i, Vi ƀan ngăn ‘na khôi túa lĕm tro, Hnê hriâm tơkŭm po Roh hôp tâi tâng roh má 7, tơpui tơno tung Tơdroăng pơkâ pêi plah tơnêi têa ‘na mơnhông khôi túa lĕm tro hneăng hơnăm 2025 – 2035.

VOV4.Xơ Đăng - Kơxo lơ 3/5, Khu pơkuâ hnê ngăn Đảng Kon Tum tơkŭm po Rôh hôp mơgêi 3 hơnăm pêi pro Rôh mơhnhôk “pro hơ’lêh túa tơmiât, túa pêi dêi kuăn pơlê hdroâng kuăn ngo, pro ăm kuăn pơlê hdroâng kuăn ngo mơ-eăm hluăn kơtiê krá ton”.

VOV4.Xơ Đăng - Koh phiu roh roh leh 1/5, a mâu kong pơlê Tây Nguyên ƀă lâp tơnêi têa pơrá pêi pro hên tơdroăng ki kơnâ vâ tŏng kum ăm đoân viên, mơngế pêi cheăng ai tơdroăng rêh ối pá puât.

VOV4.Xơ Đăng - Hâi lơ 17/4 kô nah, a rôh hôp má 32, Vi ƀan pơkuâ Kuô̆k hô̆i hiăng môi tuăn pơtroh ăm kuô̆k hô̆i séa ngăn, pơkâ troăng rơhlâ ‘no liăn pêi tơdroăng Tơkêa bro ‘no liăn mơjiâng pro troăng kân tơdrăng lĕm Peăng Kơnhóng - Peăng Hdroh peăng mâ hâi Lu pơla troăng Gia Nghiã  (Dak Nông) - Chơn Thành (Bình Phước) a rôh hôp má 7  la ngiâ. Kố cho tơdroăng tơkêa bro troăng ki xiâm, kô ôh tá ai xếo troăng ki hâ ho , kô ai troăng lĕm, cho xiâm ki vâ mơnhông cheăng kâ - rêh ối, tơniăn ‘na cheăng lêng kring gak  kơpong peăng Mâ hâi lo ‘na hdroh tơnêi têa ƀă Tây Nguyên.

VOV4.Xơ Đăng - Kơxo hâi lơ 26/4, a Tíu xiâm ngăn Túa lĕm tro pêi cheăng tơrŭm pơla Việt -Xô dế po Leh mơhnhôk Khế pro tơniăn krúa pêi cheăm ƀă Khế kŏng nhân hơnăm 2024.

VOV4.Xơ Đăng - Mâu khu tơdroăng ‘na cheăng pêi, mơdêk pêi lo liăn, tơdroăng rêh ối ăm mâu ngế pêi cheăng cho tơdroăng ki xiâm châ kuăn pơlê pơlê kong kơdrâm Ƀuôn Ma Thuột tối a rôh trâm mâ kuăn pơlê dêi Khu kăn Kuô̆k hô̆i kong pơlê Dak Lak.

VOV4.Xơ Đăng - Thiê̆u tă Hoàng Tiến Dũng (42 hơnăm), ngế cheăng dêi quan lưk Khu pơkuâ ngăn lêng pơlê kong krâm Ƀuôn Hồ (Dak Lak) ôh ti pơtê tơdroăng hriâm ƀối, hriăn ngăn, tơmiât bro vâ pêi klêi hnoăng cheăng châ pơcháu. Ƀă tơdroăng ki dế hâk vâ ‘na kong ngê̆ thong tin, ngoh hiăng chêh phần mềm ‘Pơkuâ ngăn kơvâ pháu hnêa ‘mrâm răng”, “Pơkuâ chêh inâi vâ bro mố đô̆i ƀă kuăn pơlê hbrâ rơnáu vâ bro mố đô̆i”. Mâu phần mềm ƀă ứng dụng xua ngoh ƀă mâu vâi pú bro hiăng ƀă dế châ xúa tung hên hĭn tíu pêi cheăng, veăng kum mơdêk ki tơƀrê dêi hnoăng cheăng rak ngăn Tơnêi têa.

VOV4. Xơ Đăng -  Kơxo lơ 23/4, ăm rơkong tơpui apoăng ‘na kơxop mơéa Tối tơbleăng klêi kơ’nâi séa ngăn tơdroăng kal “Tơdroăng pêi pro troăng hơlâ,luât ‘na rak vế tơniiăn troăng prôk ing hơnăm 2009 troh tâi hơnăm 2023”, Vi ƀan pơkuâ Kuô̆k hô̆i pơkâ thế: Tơkŭm mâu kơxô̆ liăn vâ ‘no liăn bro  mâu hngêi trăng troăng klông; kơjo kum xing xoăng kơxô̆ liăn vâ rak vế ‘mêng rơnêu troăng prôk ƀă tŏng kum mâu tơdroăng ki tá hâi hlo hleăng ‘na tơklô̆m rơxế a troăng.