VOV4.Xơ Đăng - Pêi pro tơdroăng trâm mâ kuăn pơlê hdrối vâ po hneăng hôp 5, Kuô̆k hô̆i hneăng 15, Khu kăn Kuô̆k hô̆i kong pơlê Dak Lak hiăng trâm mâ kuăn pơlê a mâu tơring Ea Kar, Krông Ana, Ƀuôn Đôn, Ea Súp, M’Drak ƀă Krông Pač.

VOV4.Xơ Đăng - Klêi kơ’nâi trâm mâ kuăn pơlê hdrối Hneăng hôp má 5, Kuô̆k hô̆i má 15, hdrối kố nah, jâ Võ Thị Ánh Xuân, Kăn xiâm phŏ hnê ngăn tơnêi têa rơtế ƀă mâu kăn Kuô̆k hô̆i kong pơlê An Giang hiăng trâm mâ kuăn pơlê tơmâng hên mâu tơdroăng kuăn pơlê pói rơhêng vâ.

VOV4.Xơ Đăng - Kong pơlê Lâm Đồng kơdo mơ-eăm troh hơnăm 2030 ah kô mơjiâng pro nếo vâ chê 3 rơpâu toăng hngêi pơlê pơla ăm kuăn pơlê ki pêi lo liăn iâ.

VOV4.Xơ Đăng - Sap hâi lơ 4/5/2023, yă tê ‘ngré on tơhrik ai 1,920 liăn/kWh. Kơlo ‘mâi hơ’lêh tâk 3% tâng vâ pơchông ƀă yă on tơhrik nôkố.

VOV4.Xơ Đăng - Hiăng 48 hơnăm sap ing rôh châ tơleăng lĕm (29/4/1975-29/4/2023), lối 40 hơnăm mơjiâng tơring chuăn rơlố, troh nôkố, tơring Trường Sa, kong pơlê Khánh Hòa hiăng mơ-eăm xông rơdêi. Tơring Trường Sa, kong pơlê Khánh Hòa dế rế hía rế pêi pro hnoăng cheăng châ Pơkâ 09/2022 dêi Khu xiâm pơkuâ tơdroăng kal kí.

VOV4.Xơ Đăng - Khu xiâm ngăn ‘na cheăng pêi, mô đô̆i rong ƀă pơlê pơla dế xo rơkong veăng hnê tối dêi kuăn pơlê ‘na hlá mơ-éa pơkâ ‘na Luât Ƀaoh hiêm pơlê pơla (‘mâi hơ’lêh). Mâu tơdroăng ki hơ’lêh mê, mơjiâng bro tơ’nôm tung tơdroăng tơkêa bro Luât roh kố ai 5 tơdroăng cheăng xiâm, chiâng 18 tơdroăng ki hơ’lêh nếo.

VOV4.Xơ Đăng - Klêi kơ’nâi 48 hơnăm châ tơleăng lĕm, kơpong tơnêi Tây Nguyên hiăng ai mâu tơdroăng ki hơ’lêh khât. Pakĭng tơdroăng tơmâng ngăn ‘no liăn cheăng dêi Đảng ƀă Tơnêi têa, mâu rơxông kuăn pơlê tung kơpong hiăng mơ-eăm tơkâ luâ xơpá.

VOV4.Xơ Đăng - Cho kong pơlê ai kơdrâm hdroâng kuăn ngo rêh ối, Sóc Trăng đi đo tơtrŏng thăm ‘mot mơngế hdroâng kuăn ngo mot Đảng. Ôh tá xê to mơjiâng ăm ai hên kơxô̆ mơngế đảng viên ki nếo, ki kal, khu đảng viên mê kô athế mơ’no dêi hnoăng cheăng mơnhông cheăng kâ – rêh ối pơlê pơla tung hdroâng kuăn ngo.

VOV4.Xơ Đăng - Pơla hdrối kố nah, pôa Trần Thanh Mẫn, Kăn xiâm phŏ hnê ngăn Kuô̆k hô̆i rơtế ƀă khu kăn pêi hnoăng cheăng hiăng lăm pêi cheăng a mâu kong pơlê ‘na rak vế, pêi pro tiô Tơdroăng pơkâ dêi Kuô̆k hô̆i hơ’lêh nếo ‘na kơxop hlá mơ-eá hriâm phôh thong. Kố cho tơdroăng ki châ hên kuăn pơlê tung lâp tơnêi têa rơhêng vâ ‘nâi plĕng.

VOV4.Xơ Đăng - Kơxo hâi lơ 23/4, a Pơlê kong kân Cần Thơ, pôa Võ Văn Thưởng, Kăn hnê ngăn tơnêi têa veăng leh ƀă tối tơbleăng a Leh mơhnhôk pêi pro Khế Tŏng kum dêi râ tơnêi têa hơnăm 2023.