VOV4. Xơ Đăng - A Hà Nội, Vi ƀan hdroâng kuăn ngo pơkuâ po, tơrŭm rơtế ƀă Khu xiâm ngăn hnê hriâm ƀă hnê mơjiâng tuăn ngoâ rơkê, Tíu xiâm Đoân Droh rơtăm Kŏng san Hồ Chí Minh tơkŭm po tơdroăng khĕn kơdeăn ô eăng 143 ngế hok tro, sinh viên, droh rơtăm hdroâng kuăn ngo ki kơhnâ rơkê rôh má 10, hơnăm 2023.

VOV4.Xơ Đăng - Drêng Têt Lo hơnăm nếo 2024, Khu xiâm lo tŏng veăng Việt Nam hiăng tơbleăng tơdroăng “Pơtroh tơmeăm kum Têt” tung lâp tơnêi têa.

VOV4.Xơ Đăng - Pêi pro tơdroăng pêi cheăng hơnăm 2023, măng tĭng hdrối, Khu hnê mơhno 35 Tơnêi têa tơkŭm po Hneăng hôp lâp tơnêi têa mơgêi 5 hơnăm pêi pro Pơkâ kơxô̆ 35-NQ/TW, hâi lơ 22/10/2018 dêi Khu xiâm kal kí hneăng má XII ‘na ‘’Thăm gâk kring tơdroăng tơmiât pêi dêi Đảng, tơplâ mơdât mâu tơdroăng ki ôh tá tro, hêng hôu dêi pó tung rơxông nếo’’ ƀă mơgêi tơdroăng pêi cheăng hơnăm 2023, pêi pro hnoăng cheăng hơnăm 2024. Kăn xiâm hnê ngăn tơnêi têa Võ Văn Thưởng, Kăn xiâm pơkuâ Khu hnê mơhno 35 dêi Tơnêi têa veăng hnê mơhno Hneăng hôp.

VOV4.Xơ Đăng - Tơdroăng hơ’muăn mâu vâi phô̆m xông kân rĕng xo on veăng maluâ ôh tá xê nếo ai la xuân tá hâi teăm tâi tơdroăng ki mê a tơring Đức Cơ, kong pơlê Gia Lai, ing mê, khoh pro chiâng ai tơdroăng ki pá puât ăm rơpŏng hngêi ƀă pơlê pơla. Drêng hlo ai tơdroăng ki păng ‘nâng mê, tơring Đức Cơ hiăng kơdo mơ-eăm rak vế, pêi pro adrêng mâu troăng hơlâ vâ kơdroh tah tơdroăng ki thâ rĕng xo on veăng drêng mâu vâi o tá hâi teăm tro hơnăm kêi.

VOV4.Xơ Đăng - Hâi lơ 24/12/2023, Ngế pro xiâm hnê ngăn Chin phuh hiăng ai Hlá Mơ-éa pơtroh ki kal ‘na tơdroăng hbrâ ví kong hngíu râ ton xŏn.

VOV4.Xơ Đăng - Tung mâu hơnăm achê pơla kố, tơdroăng cheăng kơmăi kơmok ƀă mơjiâng pro kơphô̆ dêi Việt Nam hiăng tâk rĕng, tơniăn tơdroăng ai on tơhrik tối krê, kố cho tơdroăng ki kal khât tơxâng ƀă tơdroăng ki vâ hơ’lêh chiâng tơdroăng cheăng kâ tơ’lêi, krá tơniăn. Hvái ngăn hơnăm 2023 ai hên tơdroăng ki vâ tối ƀă kơvâ on tơhrik a tơnêi têa pin. Ƀai chêh: “Kring vế tơniăn on tơhrrik-môi tung mâu tơdroăng xiâm tung pơkuâ ngăn dêi Chin phuh hơnăm 2023”, .

VOV4.Xơ Đăng - Peăng xê hâi lơ 22/12, a Hà Nội, Khu xiâm ngăn Kŏng an ƀă Khu xiâm ngăn tơdroăng pêi cheăng Việt Nam tơkŭm po Roh hôp hâk kơdeăn mâu ngế ki rơkê kơhnâ cho kŏng nhân, mơngế pơkuâ, mơngế cheăng ai hiăng ai hnoăng rơkê păng ‘nâng tung hnê mơhnhôk tâi tâng kuăn pơlê kring vế, gak ngăn tơniăn tơdroăng rêh ối Tơnêi têa hneăng hơnăm 2018-2023.

VOV4.Xơ Đăng - Pro đông a cheăm tơkăng kong Thuận Hạnh, tơring Dak Song, kong pơlê Dak Nông, mâu hơnăm hdrối nah, đông mố đô̆i gâk tơkăng kong Dak Song hiăng tơrŭm krá tơniăn ƀă khu râ Đảng, khu kăn pơkuâ cheăm, tơring ƀă kuăn pơlê rêh ối, pêi cheăng kâ a kơpong tơkăng kong kơhnâ veăng tung tơdroăng tâi tâng kuăn pơlê rak vế hnoăng pơkuâ, gâk kring tơkăng kong tơnêi têa, mơjiâng ivá cheăng tâi tâng kuăn pơlê krá tơniăn. Ngế chêh hlá tơbeăng cheăng tung Rơ’jíu Việt Nam kơpong Tây Nguyên ai ƀai chêh ‘na tơdroăng mê.

VOV4.Xơ Đăng - Măng tĭng hdrối, Roh hôp má 28 Vi ƀan hnê ngăn Kuô̆k hô̆i hiăng ăm mâu kăn veăng hôp, tơpui tối ‘na Hnoăng cheăng xiâm dêi hơnăm 2024 dêi Vi ƀan hnê ngăn Kuô̆k hô̆i ƀă hnối ăm mâu kăn veăng tơpui tối tung hlá mơ-eá tối tơbleăng hnoăng cheăng ki tiâ mơnhên, pêi pro xua ing tuăn mơno kuăn pơlê pói rơhêng vâ dêi Kuô̆k hô̆i khế 10 ƀă khế 11 hơnăm kố. Khu chêh hlá tơbeăng Rơ’jíu Việt Nam ai chêh tối ‘na tơdroăng mê.

VOV4.Xơ Đăng - Kơxo lơ 14/12, Khu pơkuâ cheăng Đảng kong pơlê Dak Nông tơkŭm po hneăng hôp mơgêi 10 hơnăm pêi pro tơdroăng tơkêa bro mơjiâng khu cheăng ki xiâm tung kơpong hdroâng kuăn ngo ƀă kheăn kơdeăn, pơ-ôu pơ-eăng mâu ngế ki kơhnâ rơkê.