VOV4.Xơ Đăng - Viƀan kong pơlê Kon Tum hiăng pơkâ tơbleăng tơdroăng ki thâ ƀă tơmeăm ki rơnêu pro tíu tơhnah tơhnâp, tơ’nhê troăng kân kong pơlê 674 nếo Yaly – thôn Tam An, cheăm Sa Sơn – Ya Mô, pơlê Rẽ, cheăm Mô Rai ƀă tơmeăm rơnêu rơchôa long Đăk Ngao 1, tơring tơkăng kong Sa Thầy.

VOV4.Xơ Đăng - Pơ’lêh nếo tơdroăng pê pro ƀă tơdroăng hnê tối cho mâu túa pêi dêi tơring kong ngo Nam Đông, kong pơlê Thừa Thiên Huế vâ mơdêk ki tơƀrê tung hnê tối ƀă tơdroăng hlê plĕ tơniăn ‘na troăng prôk ăm hok tro tung cheăm tơring.

VOV4.Xơ Đăng – Tung mâu hâi achê kố, ki hlê plĕng ‘na luât prôk drô troăng dêi mâu ngế hok tro, malối hok tro râ má péa ƀă râ má pái hâi hlê ôh. A tơring Bắc Yên, kong pơlê Sơn La, tơdroăng hok tro hâi teăm tro hơnăm, tá ai ƀâng vế rơxế la xuân ối kơto rơxế hon đa lăm hriâm a hngêi trung, ôh tá truâ muâk râk ko, chơ 3 ngế, prôk pơtăng mơgăn troăng, ‘nâ hía kơto têi, kơto pơkrip kơto ƀagai pro vâ to kơtong..., cho tơdroăng ki hmâ hlo ha drô troăng kân tơring Bắc Yên. Mot hơnăm hriâm  2023-2024, khu kăn sat gak troăng prôk tơring Bắc  Yên  hiăng tơrŭm ƀă mâu hngêi trung mơdêk hnê tối  ‘na luât prôk drô troăng ăm mâu hok tro.

VOV4.Xơ Đăng - Pơtối rôh hôp pơla 2 Rôh dêi Hneăng hôp má 6, kơxo lơ 15/11, Vi ƀan pơkuâ Kuŏk hô̆i ăm rơkong veăng tơpui tối ‘na kơxop hlá mơéa Pơkâ séa ngăn ‘na tơdroăng ki tơbleăng pêi pro mâu Pơkâ dêi Kuô̆k hô̆i ‘na mâu Tơdroăng pơkâ tơnêi têa.

VOV4.Xơ Đăng - Kơxo lơ 15/11, Vi ƀan Măt trâ̆n tơnêi têa Việt Nam kong pơlê Dak Lak tơbleăng khế Xua vâ kum mâu kơtiê hơnăm 2023.

VOV4.XơĐăng - Rak vế, pêi pro tơdroăng cheăng xiâm dêi tơnêi têa ‘na rak vế ki tơdâng tơ’mô pơla vâi kơdrâi ƀă vâi kơnốu, ƀă mơnhông mâu tơdroăng tŏng kum vâi kơdrâi, vâi hdrêng a mâu kong  pơlê kơpong Tây Nguyên, mê hiăng ai troh hrĭng Kâu lăk ƀô̆ “Mâu kăn ki djâ tơdroăng hơ’lêh nếo” châ mơjiâng bro. Mâu Kâu lăk ƀô̆ ki kố hiăng veăng kum thăm mơdêk ki hloh hlê, rơkê plĕng dêi pơlê pơla ‘na rak ki tơdâng tơ’mô pơla khu vâi kơdrâi ƀă vâi kơnốu.

VOV4.Xơ Đăng - Hâi lơ 14/11, Khu râng liăn hbrâ mơdât hlâ rong Châu Á (AIP) bă Khu rak tơniăn Troăng prôk kong pơlê Gia Lai ƀă mâu khu tơrŭm cheăng, tơbleăng tơdroăng tơkêa “Troh hngêi trung tơniăn” hơnăm hriâm 2023 – 2024 a hngêi trung Râ má môi Hà Bầu, cheăm Hà Bầu, tơring Đak Đoa.

VOV4.Xơ Đăng - Khu kăn ƀô̆ pơkuâ cho vâi kơdrâi mâu râ đi đo kơdo mơ-eăm, ƀeăn ƀĕng, veăng kum hên tung tơdroăng mơjiâng Đảng, khu cheăng kal kí, mơnhông cheăng kâ – rêh ối cheăng kâ – pơlê pơla. Kăn ƀô̆ kơdrâi đi đo rơtế, kum, pôu râng hnoăng cheăng ƀă khu râ kăn pơkuâ mâu pơlê tơkâ hluâ pá puât, pơloăng mơnúa. Mâu tơdroăng mê kal châ mơdêk luâ tâ kơ mê nếo, ki rơhêng vâ tối tung Khu pơkuâ vâi kơdrâi hdroâng kuăn ngo. Tơdroăng hâi kố, ngin ai ƀai chêh tối ‘na tơdroăng mê:

VOV4.Xơ Đăng - Tơdroăng cheăng ki hơ’lêh nếo tung roh hôp má 1 Kuô̆k hô̆i má 6, Hneăng 15 cho tơdroăng cheăng ki êng tiâ ai 2 hâi tơdế, roh hôp kố châ tơkŭm po tơdrăng khât, tơkŭm, hơniâp ro, ƀă pôu râng dêi hnoăng cheăng. Hên mâu kăn ai tối tiah kố, tơdroăng ki hơ’lêh tung êng tiâ, ga ai hên kơvâ cheăng, peăng tiâ mơnhên dêi mâu khu xiâm, kơvâ cheăng ƀă mâu Ngế pro xiâm hnê ngăn hiăng tơdrăng khât, tro, ‘ló mâu tơdroăng ki hiâm mơno pói rơhêng vâ dêi kuăn pơlê, pôu râng hnoăng cheăng, ing mê, ‘măn chôu ăm tơdroăng ki lĕm tro tung tơdroăng cheăng dêi Kuô̆k hô̆i, xuân môi tiah vâ tơtro ƀă tơdroăng pói rơhêng vâ dêi kuăn pơlê.

VOV4.Xơ Đăng - Maluâ tơdroăng hnê mơhno tối ‘na Luât prôk troăng troh a vâi krâ-nhŏng o kơpong kong ngo, kopong a’ngêi hiăng châ khu râ kơvâ cheăng ai todjâk dêi kong pơlê Khánh Hoà rak vế, pêi pro mơ-eăm khât, laga, kuăn pơlê akố xuân ối trâm hên tơdroăng ki xía vâ, ôh tá tơniăn drô troăng prôk.