VOV4.Xơ Đăng - Kơxo hâi lơ 14/1, jâ Trương Thị Mai, ngế cheăng tung khu xiâm Kal kí, Kăn hnê ngăn Đảng, Ngế pơkuâ khu tơrŭm cheăng xiâm ƀă khu kăn lăm pôu, hbru tơmeăm Têt ăm mâu kŏng nhân, mơngế pêi cheăng a kơpong hngêi kơmăi Phú Hội, tơring Đức Trọng, Lâm Đồng.

VOV4.Xơ Đăng – Măng tĭng hdrối, kơnôm ai tơdroăng pơkuâ ngăn dêi Kăn xiâm hnê ngăn Kuô̆k hô̆i Vương Đình Huệ, Vi ƀan xiâm hnê ngăn Kuô̆k hô̆i hiăng tơkŭm Roh hop má 29. A Roh hôp mê, Vi ƀan xiâm hnê ngăn Kuô̆k hô̆i ăm hlo hên tơdroăng ki kal, tung mê ai hnoăng hbrâ ăm Hneăng hôp ôh tá pơkâ hdrối roh má 5, ăm mâu kăn tơpui tối ‘na Luât tơnêi tíu (‘mâi rơnêu) ƀă Luât pêi cheăng dêi Khu ăm mung liăn (‘mâi rơnêu), ăm mâu kăn veăng tơpui tối ‘na tơdroăng pơkâ, túa cheăng, troăng hơlâ ki xiâm vâ tah lôi ki xahpá, tơvâ tơvân, thăm mơdêk tơdroăng ki pêi pro hnoăng cheăng xiâm dêi tơnêi têa.

VOV4.Xơ Đăng - Tá hâi teăm châ 4 măng tĭng xếo mê kô troh hâi Têt Lo Hơnăm nếo Giáp Thìn, Pơla hdrối kố nah, Khu xiâm pơkuâ hnê ngăn, Ngế pro xiâm hnê ngăn Chin phuh pơrá ai hlá mơ-éa hnê tối ‘na tơdroăng tŏng kum tơmeăm Têt ăm kuăn pơlê vâ koh tơdah Lo hơnăm nếo, rơnó hơngui hơniâp ro, phâi tơtô. Rêm khu râ xiâm, kơvâ cheăng, mâu kong pơlê, pơlê kong kân, tơring, cheăm xuân hiăng hbrâ pêi pro hên mâu tơdroăng cheăng kum tơmeăm Têt ăm mơngế kơtiê, mâu vâi krâ, mâu ngế ai hnoăng tơnêi têa. Khu chêh hlá tơbeăng cheăng tung Rơ’jíu Việt Nam hiăng chêh tối ‘na tơdroăng pêi pro mê a kong pơlê Dak Lak.

  VOV4.Xơ Đăng - Thiê̆u tă Quân nhân ki hmâ rơkê Lê Thị Minh Thủy (Khu ki vê kơchuâ têa kơxĭ chuăn rơlốu lơgât ƀă hriăn ngăn têa kơxĭ, Khu xiâm tí tăng ‘nâi plĕng Khu lêng tuk) hiăng rơtế ƀă khu ki rah chêh lối hrĭng kơtâ têa kơxĭ lơgât kơxô̆; kơchuâ bro mâu kơmăi ki bro mâu tíu chêh ‘măn hlá mơéa ki kal tơnêi tơníu ƀă mơjiâng lơgât tơnêi tơníu dró têa kơxĭ ƀă hên ki ê. Mâu tơdroăng cheăng ôh ti xê pâ thế pêi krâu, nhên, tro mê ối cho hnoăng cheăng ki ka, veăng kum hnoăng cheăng rak vế hnoăng pơkuâ têa kơxĭ, chuăn dêi Tơnêi têa.

VOV4.Xơ Đăng -  Hrĭng kơxuô tơmeăm ki kơnâ hiăng châ diâp ăm mâu rơpŏng kuăn pơlê ai tơdroăng rêh ối pá puât tung tơring Čư Kuiñ ối tung tơdroăng Kơchơ Têt tuăn pâ hơnăm 2024 xua Khu lo tŏng veăng kong pơlê Dak Lak pêi pro.

VOV4.Xơ Đăng - Vi ƀan kuăn pơlê kong pơlê Dak Lak nếo tơbleăng pơkâ pêi xing xoăng kơxô̆ liăn lăm pôu ƀă diâp kơxuô tơmeăm ăm khu pú hên, ngế krê tung roh Têt Lo hơnăm nếo Giáp Thìn hơnăm 2024.

VOV4.Xơ Đăng - Tơdrêng ƀă troăng hơlâ, túa cheăng kơdroh kơtiê dêi Đảng, Tơnêi têa, kong pơlê Gia Lai hiăng mơhnhôk tâi tâng khu râ cheăng kal kí pơkâ pêi pro hên troăng hơlâ ki tơtro ƀă ki ai păng ‘nâng dêi tơrêm pơlê cheăm, tơring, kum rơpŏng kơtiê kâi châ mơnhông pêi chiâk deăng, thăm pêi lo liăn ngân, mơnhông tơdroăng rêh kâ ối, kơnôm tiah mê, kơxô̆ rơpŏng kơtiê hiăng chôa ‘lâng kơdroh a tơrêm hơnăm. Krê a hơnăm 2023, lâp kong pơlê ai lối 9 rơpâu rơpŏng hluăn kơtiê, tung mê, ai lối 8 rơpâu rơpŏng kuăn ngo, veăng kum kơdroh kơxô̆ rơpŏng kơtiê rế hiá rế iâ.

VOV4.Xơ Đăng - Kơnôm tơdroăng tơtro\ng tung hnê tơdjâ tăng rah mơngế rơkê kơhnâ mot đảng, ki rơkê dêi đảng viên nếo mot cho mơngế hdroâng kuăn ngo a tơring Lắk, kong pơlê Dak Lak rế hía rế châ tơtêk, tơƀrê. Tơdroăng kố ôh tá xê to kum rak tơniăn khu cheăng kal kí, mơdêk ivá pơkuâ, ivá tơplâ dêi khu pơkuâ hnê ngăn Đảng [a\ đảng viên mê ối chôa ‘lâng mơdêk mơnhông cheăng kâ – rêh ối pơlê pơla, mơdêk tơdroăng rêh ối, mơnhong pêi lo kế tơmeăm khoăng, mơdêk hiâm mơno hloh hlê ăm kuăn pơlê.

VOV4.Xơ Đăng - A hneăng hôp kân Khu sinh viên Việt Nam roh má 11 po a khế 12 hơnăm 2023 pơla hdrối kố nah, hên mâu ngế sinh viên hiăng mơhno hiâm tuăn pói rơhêng vâ, tuăn mơno khên rơkê dêi sinh viên Việt Nam tung hnoăng cheăng mơjiâng [ă kring vế Tơnêi têa. Pói rơhêng vâ ai mâu troăng prôk ki rơkê vâ mơjiâng Tíu xiâm dêi Khu sinh viên ó rơdêi.

VOV4.Xơ Đăng - Tiô tơdroăng pơkâ hdrối Hneăng hôp ôh tá ai pơkâ hdrối roh má 5, Kuô̆k hô̆i mơnhên ngăn tiô kơ tơdroăng Tơkêa bro Luât tơnêi tíu (‘mâi rơnêu). Maluâ ti mê, Vi ƀan hnê ngăn ‘na Cheăng kâ dêi Kuô̆k hô̆i tối tiah kố: hnoăng cheăng cho hên, hâi khế hơnăm pêi pro ga thâ rĕng, tơdroăng pơtroh ăm Kuô̆k hô̆i têk kŏng cho tơdroăng ki pơloăng mơnúa. Kăn xiâm hnê ngăn Kuô̆k hô̆i Vương Đình Huệ ai tối nhên tiah kố: Ôh tá pro mơdon tơdroăng Luât tơnêi tíu (‘mâi rơnêu). Chêh tối dêi Lại Hoa, Ngế chêh hlá tơbeăng cheăng tung Rơ’jíu Việt Nam ai mơnhên tối ‘na tơdroăng mê.