VOV4.Xơ Đăng - Tung măng tĭng hdrối, mâu kong pơlê kơpong Tây Nguyên hiăng tơkŭm po hneăng hôp Hô̆i đong hnê ngăn a mơ’nui hơnăm, tơkŭm vêh mơnhên ‘na tơdroăng rak vế, pêi pro hnoăng cheăng mơnhông pêi cheăng kâ-rêh ối pơlê pơla hơnăm 2023, po troăng hơlâ, hnoăng cheăng hơnăm 2024. Tối tơbleăng a mâu roh hôp mê ăm hlo xuân u ối hên tơdroăng pá puât, ai mâu tơdroăng ki vâ mơnhông pêi cheăng kâ-rêh ối pơlê pơla tá hâi teăm tro tiô pơcháu. A roh hop kố, mâu kăn hiăng tơpui tối, tơdrăng tung vêh séa ngăn ‘na hnoăng cheăng ki pêi pro tung hơnăm 2023, veăng tơpui tối ăm tơdroăng xiâm vâ mơdêk dêi hơnăm 2024. Chêh xo tơdjuôm dêi Khu chêh hlá tơbeăng VOV Tây Nguyên ai mơnhên ‘na tơdroăng mê.

VOV4.Xơ Đăng - Sap ing hâi lơ 5 troh lơ 19/12, a kong pơlê Khammouan, peăng Tơdế kong têa Lếo, Hneăng hôp pơla Việt Nam- Lếo  Pơlê kong kân Hồ Chí Minh tơrŭm ƀă hngêi trung Đại học Y khoa Phạm Ngọc Thạch ƀă  Vi ƀan ngăn ‘na Mơngế Việt Nam a kong têa ê pơlê kong kân Hồ Chí Minh tơkŭm po khăm, xing xoăng pơkeăng tê kơtê hlối hbru tơmeăm ăm mơngế ki rêh ối a kong têa ê ƀă mơngế ki xơpá a kố.

VOV4.Xơ Đăng - Ƀă hdroâng kuăn ngo ki iâ mơngế, mâu túa tơlá tung xo ŏng mế ki xiâm cho ing khôi túa, vêa vong, môi tiah: tơdroăng ki “rum”, leăm ăm xo kơdrâi, xo kơnốu, tơkêa hdró ŏng mế, pơklât thế xo dêi pó tiô túa ki vâ tê rôe, tuăn hiâm tơmiât to tơdroăng ai kuăn krâm, cháu kơdrâm, ai ngế ‘nâ tối ai kuăn cháu pơtối hdroâng hdrê, rĕng pơkŏng vâ ai tơ’nôm mơngế pêi chiâk pêi deăng, tơdroăng ki tơmiât pơkoăng tung hdroâng hdrê cho vâ pơtối rak vế kế tơmeăm tung hdroâng hdrê, ôh tá hía kế tơmeăm ăm hdrông hdrê vâi ki ê... Kố cho ki xiâm khoh pro vâi droh rơtăm thâ rĕng xo dêi pó, xo dêi pó achê môi jâ pôa, môi mơheăm chhá.

VOV4.Xơ Đăng - Kơxo hâi lơ 8/12, khu pêi cheăng dêi Khu xiâm pơkuâ ‘na chiâk deăng ƀă mơnhông thôn pơlê xua Ngế pro xiâm phŏ hnê ngăn tơnêi têa Nguyễn Quốc Trị pro ngế pơkuâ djâ khu kăn lăm pôu, hơlêm rơpŏng ai ngế hlâ cho kăn ƀô̆ rak ngăn kong Kopong kong kân Ea Sô (Dak Lak) tro vâi pĕng hlâ tung pơla dế pêi hnoăng cheăng.

VOV4.Xơ Đăng - Kơxê hâi lơ 7/12, a tíu pêi cheăng Kăn xiâm hnê ngăn tơnêi têa, Kăn xiâm phŏ hnê ngăn tơnêi têa Võ Thị Ánh Xuân hiăng pơkuâ hôp Hô̆i đong Kring Liăn ‘măn kơdĭng tŏng kum vâi hdrêng Việt Nam tơmâng tơbleăng tơdroăng hiăng pêi pro dêi Liăn ‘măn kơdĭng tung hơnăm 2023 ƀă tối tơbleăng pơkâ hơnăm 2024.

VOV4.Xơ Đăng - Troh a kơpong kong ngo Kon Chiêng, tơring ‘Mang Yang, tối troh inâi pôa Hip - krâ pơlê mê bố bố xuân hâk pâ ƀă nhuô̆m kơ pôa. Ƀă hiâm mơno eăng lĕm ƀă tuăn hlê rơdâ, pôa Hip hiăng djâ kuăn pơlê tơkâ hluâ pá puât vâ ai tơdroăng rêh ối phâi hơtô, tơmiât hên troăng mơhnhôk ki tro, ƀeăn ƀĕng rơkê ‘na troăng pơkâ, troăng tơdjâ dêi Đảng, troăng prôk, luât dêi tơnêi têa tung pơtâng tối, mơhnhôk, kum kuăn pơlê pơ’lêh troăng tơmiât, troăng pêi vâ  mơ-eăm hluăn ing kơtiê. Pôa châ pơto pơtih môi tiah mơná chêm ki kân djâ troăng ahdrối tung pơlê.

VOV4.Xơ Đăng - Kơmăng lơ 3/12, a Hà Nội, Khu xiâm pơkuâ ngăn pơkeăng ƀă khăm pơlât ƀă Khu pơkuâ râng kơxô̆ liăn kơdĭng tŏng kum mơngế ŭm tung châ ‘’Kơxo ah lĕm eăng’’ tơkŭm po tơdroăng trâm mâ mơđah tơbleăng ngê̆ thuât, xo liăn ki mê vâ tŏng kum mơngế ŭm tung châ kơtiê. Kăn xiâm phŏ hnê ngăn Kuô̆k hô̆i Trần Quang Phương troh veăng ngăn.

VOV4.Xơ Đăng - Kơxo hâi lơ 2/12, a Hà Nội hiăng po roh hôp kân hneăng 13 Kŏng đoân Việt Nam hneăng hơnăm 2023-2028 tá tơdroăng ki veăng ai mâ dêi lối 1 rơpâu 100 ngế teăng mâ ăm 11 rơtuh ngế đoân viên kong đoân, mơngế pêi cheăng tung lâp tơnêi têa.

VOV4.Xơ Đăng - Tung pơla 3 hơnăm hdrối, kong pơlê Gia Lai hiăng ‘nâi ai lối 2.200 on veăng xo dêi rơpó tá hâi tro hơnăm, tung mê vâ chê 97% on veăng xo dêi rơpó tá hâi tro hơnăm cho hdroâng kuăn ngo. Pro klâi vâ kơdroh tơdroăng ki xo dêi rơpó tá hâi tro hơnăm, xo dêi rơpó ối môi mơheăm chhá? Kố cho tơdroăng ki mâu khu râ pơkuâ cheăng a Gia Lai hiăng rơtế veăng pơkâ hên troăng hơlâ tung mê ai tơbleăng tơdroăng tơkêa ‘na “Kơdroh xo dêi rơpó tá hâi tro hơnăm ƀă xo dêi rơpó ối môi mơheăm chhá tung kơpong hdroâng kuăn ngo pơla hơnăm 2021 – 2025” ối tung tơdroăng pơkâ dêi tơnêi têa mơnhông cheăng kâ rêh ối pơlê pơla kơpong hdroâng kuăn ngo ƀă peăng kong ngo pơla hơnăm 2021 – 2030.

VOV4.Xơ Đăng - “Việt Nam hiăng pêi châ tơƀrê hên tơdroăng ki kal tung mơdêk hnoăng pơkuâ ngăn dêi hdroâng kuăn ngo”. Mê cho tơdroăng ki Ngế pro xiâm phŏ hnê ngăn tơnêi têa- hlối pro Phŏ pơkuâ Vi ƀan kuăn ngo Y Thông, Ngế xiâm pơkuâ khu kăn Việt Nam a hneăng hôp  hôp rôh má 111 dêi Vi ƀan ngăn ‘na hlá mơ-éa luât  lâp plâi tơnêi  ‘na tah lôi tŭm tơdroăng ki lơ pơrah pơla hdroâng kuăn ngo kô ƀă kuăn ngo tá ki pơxá (CERD) nếo po hôp a Geneva, kong têa Swis.