VOV4.Xơ Đăng - Tơring Sa Thầy cho tơring apoăng dêi kong pơlê Kon Tum kêi đeăng tơdroăng pro chiâng môi ngế pôu râng hnoăng cheăng Kăn pơkuâ hnê ngăn Chi ƀô̆ hlối pro kăn pơkuâ thôn ƀă Kăn pơkuâ Chi ƀô̆ hlối pro Kăn pơkuâ tơdroăng Mât trâ̆n thôn, tiô hiêm mơno pơkâ 21 hâi lơ 16/6/2022 dêi Khu pơkuâ xiâm Đảng hneăng má 13 ‘na thăm pro krá tơniăn mơjiâng khu cheăng Đảng ƀă mơdêk ki rơkê dêi khu ngế đảng viên tung hneăng nếo. Tơdroăng pro chiâng môi ngế pôu râng hnoăng cheăng hiăng pro iâ mơngế pêi cheăng tung kơ koan, mơdêk châ tơƀrê tung pơkuâ, pêi pro mâu hnoăng cheăng kal kí. Ƀai ‘’Châ tơƀrê tơdroăng pro chiâng môi ngế pôu râng hnoăng cheăng Kăn pơkuâ hnê ngăn Chi ƀô̆ hlối pro kăn pơkuâ.

VOV4.Xơ Đăng - Măng tĭng hdrối, pơtối roh hôp má 6 Kuô̆k hô̆i hneăng 15, mâu kăn hiăng tơpui tơno ‘na mâu tơdroăng ki châ trâm kuăn pơlê, tiâ mơnhên, tơleăng mâu tơdroăng ki chêh tối tung hlá đơn ƀă tơleăng mơnhên mâu tơdroăng ki kuăn pơlê xăm tối, xăm tơkêng. Mâu kăn Kuô̆k hô̆i pâ thế, Chin phuh kal athế seá mơnhên ngăn, pro mơnhên mâu tơdroăng vâ tơleăng mâu tơdroăng ki kuăn pơlê hiăng xăm tơkêng, xăm hôu hiăng ton, pá puât ó tiah mê.

VOV4.Xơ Đăng - Pêi pro tiô tơdroăng mơhnhôk tơ’noăng “Xua mâu kơtiê - ôh tá lôi ngế ki lâi pá rŏng’’, tung mâu hơnăm hdrối Vi ƀan Măt trâ̆n tơnêi têa Việt Nam kong pơlê Dak Lak hiăng tơbleăng ai pơxúa tơdroăng cheăng, kum mơngế kơtiê mơnhông tơniăn tung rêh ối, tung mê ai veăng pêi tơdroăng veăng tŏng kum pro hngêi ối. Hên hngêi ki nếo pro mê teăng a hngêi xi kơchoh, hiăng kum mâu rơpŏng kơtiê tâ tơtô tâ tung tơdroăng hơ-ui pâ dêi kuăn pơlê.

VOV4.Xơ Đăng - Tung mâu hơnăm a chê kố, khu pơkuâ tơdroăng kal kí rêm râ hiăng tơmâng ngăn hên troh hnoăng cheăng túa pơkâ, hnê cheăng, hnê tơ’nôm mâu tơdroăng ki pơxúa, pôk tơ’nôm kăn ƀô̆ kơpong hdroâng kuăn ngo; ai hên troăng hơlâ tŏng kum ƀă mâu kăn ƀô̆ kơdrâi cho hdroâng kuăn ngo. Laga, hnoăng cheăng kăn ƀô̆ kơdrâi, kăn ƀô̆ hdroâng kuăn ngo nôkố xuân tá hâi pêi pro châ tiô tơdroăng ki pơkâ thế. Kal ai tơdroăng pơkâ tung la ngiâ ƀă troăng pkâ tơƀrê, malối cho tung hnoăng cheăng tơpui kâ, tơrŭm ƀă kong têa ê. Ƀai chêh a kơ’nâi kố kô tối ‘na tơdroăng mê:

VOV4.Xơ Đăng - Drêng ai tơdroăng ki tơxiăn tơpâm tung rơpŏng hngêi, gá kô cho hbáu ki ôh tá la lâi chiâng prê  lĕm, chiâng tơdjâk troh tơdroăng ki hơniâp ro tung rơpŏng dêi rêm ngế pin ƀă hên tơdroăng ki ê. Tiah mê, drêng trâm tơdroăng xiăn pâm tung rơpŏng hngêi, pin kal pro klâi vâ châ rak vế hluăn ing tơdroăng ki xiăn pâm tung rơpŏng hngêi? Mâu ngế ki ‘nâi tơdroăng xiăn pâm dế trâm hôm châ luât rak vế drêng pơsăm tối vâi há lơ ôh? Kơ koan ki lâi tơdah xo tơdroăng ki pơsăm tối? Thak sih – Luật sư Đỗ Đăng Khoa, Khu Luật sư pơlê krâm 7, Pơlê kong kân Hồ Chí Minh kô tiâ mơnhên mâu tơdroăng kơ-êng mê.

VOV4.Xơ Đăng - Tung péa hâi lơ 21 ƀă 22/11 , a Pơlê kong kân Hải Phòng, Khu xiâm ngăn hnê hriâm ƀă hnê mơjiâng tuăn ngôa rơkê tơkŭm po Hôp tơpui ‘na tơdroăng ƀă troăng rơhlâ mơdêk ki tơƀrê tung hnê mâu ngế ôh tá ‘nâi chư ăm kuăn pơlê hdroâng kuăn ngo.

VOV4.Xơ Đăng - Kơxo lơ 22/11, Khu hnê mơhno 515 kong pơlê Gia Lai hiăng tơkŭm pơtroh lêng pêi pro dêi hnoăng cheăng tí tăng, tơkŭm kơxêng kiâ mố đô̆i Khu ki pleăng dêi hnoăng ƀă khu ki rơkê Việt Nam hlâ tung mâu rôh tơplâ a Kul.

VOV4.Xơ Đăng - Krâ pơlê, ngế ki kuăn pơlê loi tơngah cho ngế tơpui châ kuăn pơlê tơmâng, ai ivá tơdjâk kal khât tung pơlê pơla dêi kuăn pơlê hdroâng kuăn ngo. A tơring Čư̆ Mgar, kong pơlê Dak Lak hên krâ pơlê, ngế ki kuăn pơlê loi tơngah ối cho đảng viên hên hơnăm Đảng. Ôh tá xê to “kông tơdjêp” pơtâng tối djâ troăng pơkâ, troăng tơdjâ dêi Đảng, troăng hơlâ dêi Tơnêi têa troh ƀă kuăn pơlê, vâi ối cho mâu ngế djâ troăng ahdrối ‘na hiâm mơno tŏng kum tơdjêp vâ djâ tơrŭm tung pơlê pơla.

VOV4.Xơ Đăng - Pơtối tơdroăng tơpui a rôh hôp 2 hdrôh dêi rôh hôp má 6, măng tĭng hdrối, Vi ƀan pơkuâ cheăng Kuô̆k hô̆i veăng hnê tối tung hlá mơ-éa Pơkâ séa ngăn chuyên đề “Tơdroăng tơbleăng pêi mâu pơkâ dêi Kuô̆k hô̆i ‘na mâu tơdroăng pơkâ dêi tơnêi têa ‘na mơjiâng thôn pơlê nếo pơla hơnăm 2021-2025, xăm kơklêa kơdroh kơtiê krá ton pơla hơnăm 2021-2025, mơnhông cheăng kâ - rêh ối kơpong hdroâng kuăn ngo ƀă kong ngo pơla hơnăm 2021-2030”. Vi ƀan pơkuâ cheăng Kuô̆k hô̆i pơkâ thế tơkŭm tăng troăng tâk ki xơpá ‘na kơxô̆ liăn vâ ‘no pêi ăm 3 tơdroăng pơkâ dêi tơnêi têa, malối cho liăn ‘no pêi cheăng liăn hrê  rêm hâi.

VOV4.Xơ Đăng -  Kơxê lơ 19/11, a Hà Nội, Khu xiâm pơkuâ hnê hriâm ƀă hnê mơjiâng tuăn ngôa rơkê, Kŏng đoân hnê hriâm Việt Nam tơkŭm po Leh kheăn kơdeăn thái cô, kăn ƀô̆ pơkuâ kơhnâ rơkê hơnăm 2023.