VOV4.Xơ Đăng - Kơxo lơ 22/11, Khu hnê mơhno 515 kong pơlê Gia Lai hiăng tơkŭm pơtroh lêng pêi pro dêi hnoăng cheăng tí tăng, tơkŭm kơxêng kiâ mố đô̆i Khu ki pleăng dêi hnoăng ƀă khu ki rơkê Việt Nam hlâ tung mâu rôh tơplâ a Kul.

VOV4.Xơ Đăng - Krâ pơlê, ngế ki kuăn pơlê loi tơngah cho ngế tơpui châ kuăn pơlê tơmâng, ai ivá tơdjâk kal khât tung pơlê pơla dêi kuăn pơlê hdroâng kuăn ngo. A tơring Čư̆ Mgar, kong pơlê Dak Lak hên krâ pơlê, ngế ki kuăn pơlê loi tơngah ối cho đảng viên hên hơnăm Đảng. Ôh tá xê to “kông tơdjêp” pơtâng tối djâ troăng pơkâ, troăng tơdjâ dêi Đảng, troăng hơlâ dêi Tơnêi têa troh ƀă kuăn pơlê, vâi ối cho mâu ngế djâ troăng ahdrối ‘na hiâm mơno tŏng kum tơdjêp vâ djâ tơrŭm tung pơlê pơla.

VOV4.Xơ Đăng - Pơtối tơdroăng tơpui a rôh hôp 2 hdrôh dêi rôh hôp má 6, măng tĭng hdrối, Vi ƀan pơkuâ cheăng Kuô̆k hô̆i veăng hnê tối tung hlá mơ-éa Pơkâ séa ngăn chuyên đề “Tơdroăng tơbleăng pêi mâu pơkâ dêi Kuô̆k hô̆i ‘na mâu tơdroăng pơkâ dêi tơnêi têa ‘na mơjiâng thôn pơlê nếo pơla hơnăm 2021-2025, xăm kơklêa kơdroh kơtiê krá ton pơla hơnăm 2021-2025, mơnhông cheăng kâ - rêh ối kơpong hdroâng kuăn ngo ƀă kong ngo pơla hơnăm 2021-2030”. Vi ƀan pơkuâ cheăng Kuô̆k hô̆i pơkâ thế tơkŭm tăng troăng tâk ki xơpá ‘na kơxô̆ liăn vâ ‘no pêi ăm 3 tơdroăng pơkâ dêi tơnêi têa, malối cho liăn ‘no pêi cheăng liăn hrê  rêm hâi.

VOV4.Xơ Đăng -  Kơxê lơ 19/11, a Hà Nội, Khu xiâm pơkuâ hnê hriâm ƀă hnê mơjiâng tuăn ngôa rơkê, Kŏng đoân hnê hriâm Việt Nam tơkŭm po Leh kheăn kơdeăn thái cô, kăn ƀô̆ pơkuâ kơhnâ rơkê hơnăm 2023.

VOV4.Xơ Đăng - Kơxo lơ 16/11, Khu kăn ki pêi dêi hnoăng cheăng dêi Khu xiâm cheăng tung Tơnêi têa xua pôa Phan Đình Trạc – Ngế cheăng tung Khu xiâm kal kí, kăn pơkuâ ngăn tíu xiâm Đảng, ngế xiâm ngăn khu cheăng tơnêi têa hiăng veăng ai mâ a hâi mơdĭng tơrŭm tâi tâng hdroâng kuăn ngo a pơlê Ó, cheăm Ia Sao, tơring Ia Grai, kong pơlê Gia Lai.

VOV4.Xơ Đăng - Kơxo lơ 16/11, a Hà Nội, Khu xiâm ngăn cheăng pêi Mố đô̆i tro rong ƀă rêh ối pơlê pơla tơrŭm ƀă mâu khu xiâm kơvâ cheăng ki ai tơdjâk troh tơkŭm po Rôh hôp mơgêi, mơnhên tối tơdroăng tơbleăng pêi pro mâu Pơkâ dêi Ngế pro xiâm hnê ngăn Chin phuh ‘na vâi hdrêng.

VOV4.Xơ Đăng - A kong pơlê Quảng Bình, vâi kơdrâi kơpong kong ngo xuân ối tơmiât troh hơnăm mê athế xo kơnốu, ai kuăn. Tâng kot mâ tung rơpŏng ki ai hên kuăn mê athế kơjo ăm kuăn kơnốu djâ lăm hriâm, kuăn kơdrâi athế ối a hngêi pêi cheăng. Ôh ti xê lot tung rơpŏng hngêi, mê vâi ối chiu pôu râng mâu khôi túa tơlá môi tiạ xo on veăng, vâi athế rơnêh hên kuăn vâ ai ngế pêi cheăng, ôh tá chiâng veăng hôp tơpui, pơkâ mâu tơdroăng ki ai pơxúa kal tung rơpŏng hngêi xuân môi tiah tung pơlê pơla.

VOV4.Xơ Đăng -  Ƀă hnoăng cheăng hnê pơtâp, hbrâ rơnáu tơplâ; pơkuâ ngăn, rak vế kơpong têa kơxĭ, chuăn rơlốu Nam Trung ƀô̆ sap ing Bình Định troh Bình Thuận, tung mê ai tá chuăn Trường Sa, Kơpong 4 khu lêng têa kơxĭ đi đo pêi klêi hnoăng cheăng ki Đảng ƀă kuăn pơlê pơcháu. Tơmiât troh atêa kơxĭ, chuăn rơlốu pơlê, mâu khu pú hên, mâu ngế krê ôh ti xê mơdoh tơdroăng ki tơmâng ngăn troh mâu kăn ƀô̆ lêng mê ối tá mâu nhŏng o ƀă kuăn pơlê tíu kố ing mâu tơdroăng ki pêi pro ai pơxúa.

VOV4.Xơ Đăng - Rơpŏng hngêi cho tế bào dêi pơlê pơla, cho tíu hơghiên ‘na hiâm mơno ƀă liăn ngân ăm rêm ngế tung rơpŏng, cho tíu vâ rêm ngế châ mơhno, tối hiâm mơno pâ nhuô̆m, tơpui tối ăm dêi rơpó; rơpŏng ối cho tíu ki tơmâng, rak vế ƀă pơtó mâu ki kơnía mơhno túa lĕm tro khôi hmâ dêi pơlê xiâm, tơnêi têa. Mâu tơdroăng pơkâ tro ki kơnía lĕm môi tiah hiâm mơno pâ nhuô̆m tơnêi têa, pâ nhuô̆m pơlê xiâm, pâ nhuô̆m, tơpui tối, tŏng kum dêi rơpó, môi hiâm mơno tơdrăng, hlê plĕng, rơhêng vâ hriâm, kơhnâ tơmiât mâu tơdroăng ki rơkê tung pêi cheăng, tơdroăng ki hlâ rêh, khên tơnôu tơkâ luâ mâu xơpá, pơloăng mơnúa ƀă hên ki ê châ mơjiâng, mơnhông ƀă rak vế tơbêng tung mâu rơpŏng.

VOV4.Xơ Đăng - Pơtối tơdroăng dêi rôh hôp pơla 2 Rôh dêi rôh hôp má 6, hâilơ (16/11)  Vi ƀan pơkuâ cheăng Kuô̆k hô̆i  ăm hnê tối a hên tơdroăng ki kal. Tung mê ai tơdroăng pơtroh tơmâng, ‘mâi hơ ‘lêh  tơdroăng Tơkêa luât tơnêi (‘mâi hơ’lêh) ƀă tơdroăng chêh tung hlá mơ-éa Luât Hngêi ối (‘mâi hơ’lêh).