VOV4.Xơ Đăng - Vâ tơniăn tơdâng tơdroăng mơjiâng pro ƀă kal vâ, tê ăm kuăn pơlê ki lăm rôe, Vi ƀan kuăn pơlê kong pơlê Dak Lak pêi pro tơdroăng tơniăn yă kơchơ mơdró mâu tơmeăm ki kal xúa rêm hâi roh mơ’nui hơnăm 2023 ƀă Têt Lo hơnăm nếo Giáp Thìn 2024.

VOV4.Xơ Đăng - Pơla sap nôkố troh Têt ôh pá ton xếo, tâng Kuô̆k hô̆i ai rôh hôp ki ôh tá xê tiah hmâ mê kô po a măng tĭng tơdế khế 1/2024. Vâ mơdêk rĕng tơdroăng cheăng hbrâ, Vi ƀan pơkuâ cheăng Kuô̆k hô̆i kô hôp tơ’nôm mâu rôh ki ôh tá xê tiah hmâ.

VOV4. Xơ Đăng - Kơxo hâi lơ 12/12, Khu kăn Kuô̆k hô̆i kong pơlê Gia Lai tơkŭm hôp trâm mâ kuăn pơlê klêi rôh hôp má tơdrốu, Kuô̆k hô̆i hneăng 15 a cheăm Ia Hrŭ, tơring Chư Pưh.

VOV4.Xơ Đăng - Ƀă tâi tâng kơxô̆ liăn mơ’no lối 408 rơpâu rơtal liăn, 3 hnoăng cheăng xiâm Tơnêi têa châ pơtroh môi tơdroăng ki pơkâ kân po rơdâ vâ rêm ngế kuăn pơlê châ hluăn ing kơtiê klêi kơ’nâi 2 hơnăm pêi pro tiô tơdroăng ki hiăng pơkâ. Maluâ ti mê, klêi kơ’nâi séa mơnhên ngăn dêi Kuô̆k hô̆i châ tối tơbleăng nếo achê kố: troh nôkố hiăng luâ tơdế troăng prôk la tơdroăng ki tơdjâ, pơkuâ xuân ối trâm hên xahpá.

VOV4.Xơ Đăng - Tung măng tĭng hdrối, mâu kong pơlê kơpong Tây Nguyên hiăng tơkŭm po hneăng hôp Hô̆i đong hnê ngăn a mơ’nui hơnăm, tơkŭm vêh mơnhên ‘na tơdroăng rak vế, pêi pro hnoăng cheăng mơnhông pêi cheăng kâ-rêh ối pơlê pơla hơnăm 2023, po troăng hơlâ, hnoăng cheăng hơnăm 2024. Tối tơbleăng a mâu roh hôp mê ăm hlo xuân u ối hên tơdroăng pá puât, ai mâu tơdroăng ki vâ mơnhông pêi cheăng kâ-rêh ối pơlê pơla tá hâi teăm tro tiô pơcháu. A roh hop kố, mâu kăn hiăng tơpui tối, tơdrăng tung vêh séa ngăn ‘na hnoăng cheăng ki pêi pro tung hơnăm 2023, veăng tơpui tối ăm tơdroăng xiâm vâ mơdêk dêi hơnăm 2024. Chêh xo tơdjuôm dêi Khu chêh hlá tơbeăng VOV Tây Nguyên ai mơnhên ‘na tơdroăng mê.

VOV4.Xơ Đăng - Sap ing hâi lơ 5 troh lơ 19/12, a kong pơlê Khammouan, peăng Tơdế kong têa Lếo, Hneăng hôp pơla Việt Nam- Lếo  Pơlê kong kân Hồ Chí Minh tơrŭm ƀă hngêi trung Đại học Y khoa Phạm Ngọc Thạch ƀă  Vi ƀan ngăn ‘na Mơngế Việt Nam a kong têa ê pơlê kong kân Hồ Chí Minh tơkŭm po khăm, xing xoăng pơkeăng tê kơtê hlối hbru tơmeăm ăm mơngế ki rêh ối a kong têa ê ƀă mơngế ki xơpá a kố.

VOV4.Xơ Đăng - Ƀă hdroâng kuăn ngo ki iâ mơngế, mâu túa tơlá tung xo ŏng mế ki xiâm cho ing khôi túa, vêa vong, môi tiah: tơdroăng ki “rum”, leăm ăm xo kơdrâi, xo kơnốu, tơkêa hdró ŏng mế, pơklât thế xo dêi pó tiô túa ki vâ tê rôe, tuăn hiâm tơmiât to tơdroăng ai kuăn krâm, cháu kơdrâm, ai ngế ‘nâ tối ai kuăn cháu pơtối hdroâng hdrê, rĕng pơkŏng vâ ai tơ’nôm mơngế pêi chiâk pêi deăng, tơdroăng ki tơmiât pơkoăng tung hdroâng hdrê cho vâ pơtối rak vế kế tơmeăm tung hdroâng hdrê, ôh tá hía kế tơmeăm ăm hdrông hdrê vâi ki ê... Kố cho ki xiâm khoh pro vâi droh rơtăm thâ rĕng xo dêi pó, xo dêi pó achê môi jâ pôa, môi mơheăm chhá.

VOV4.Xơ Đăng - Kơxo hâi lơ 8/12, khu pêi cheăng dêi Khu xiâm pơkuâ ‘na chiâk deăng ƀă mơnhông thôn pơlê xua Ngế pro xiâm phŏ hnê ngăn tơnêi têa Nguyễn Quốc Trị pro ngế pơkuâ djâ khu kăn lăm pôu, hơlêm rơpŏng ai ngế hlâ cho kăn ƀô̆ rak ngăn kong Kopong kong kân Ea Sô (Dak Lak) tro vâi pĕng hlâ tung pơla dế pêi hnoăng cheăng.

VOV4.Xơ Đăng - Kơxê hâi lơ 7/12, a tíu pêi cheăng Kăn xiâm hnê ngăn tơnêi têa, Kăn xiâm phŏ hnê ngăn tơnêi têa Võ Thị Ánh Xuân hiăng pơkuâ hôp Hô̆i đong Kring Liăn ‘măn kơdĭng tŏng kum vâi hdrêng Việt Nam tơmâng tơbleăng tơdroăng hiăng pêi pro dêi Liăn ‘măn kơdĭng tung hơnăm 2023 ƀă tối tơbleăng pơkâ hơnăm 2024.

VOV4.Xơ Đăng - Troh a kơpong kong ngo Kon Chiêng, tơring ‘Mang Yang, tối troh inâi pôa Hip - krâ pơlê mê bố bố xuân hâk pâ ƀă nhuô̆m kơ pôa. Ƀă hiâm mơno eăng lĕm ƀă tuăn hlê rơdâ, pôa Hip hiăng djâ kuăn pơlê tơkâ hluâ pá puât vâ ai tơdroăng rêh ối phâi hơtô, tơmiât hên troăng mơhnhôk ki tro, ƀeăn ƀĕng rơkê ‘na troăng pơkâ, troăng tơdjâ dêi Đảng, troăng prôk, luât dêi tơnêi têa tung pơtâng tối, mơhnhôk, kum kuăn pơlê pơ’lêh troăng tơmiât, troăng pêi vâ  mơ-eăm hluăn ing kơtiê. Pôa châ pơto pơtih môi tiah mơná chêm ki kân djâ troăng ahdrối tung pơlê.