VOV4.Xơ Đăng – Klêi pơxiâm po rôh hôp má 7, Kuô̆k hô̆i hneăng 15 hiăng hôp tơpui ‘na mâu kăn ki pêi cheăng. Tung mê, tơdroăng tâ phĭu rah xo Kăn xiâm hnê ngăn Kuô̆k hô̆i ƀă Kăn xiâm hnê ngăn tơnêi têa châ mâu kăn ƀă kuăn pơlê tung lâp tơnêi têa tơmâng khât vâ ‘nâi plĕng.

VOV4.Xơ Đăng - “Tơdroăng pơkâ ‘na yă tơnêi kal thế pơhlêh mâu pơkâ ki hiăng châ pêi pro mơnhên ăm hlo gá tro, pêi pro tơniăn, ƀă mâu luât pơkâ ki nếo, tơƀrê tung Luât Tơnêi hơnăm 2024’’.

VOV4.Xơ Đăng - Hâi lơ 20/5, a pơlê kong xiâm Hà Nội hiăng pơxiâm po hneăng hôp má 7, Kuô̆k hôi hneăng 15. Pơla hdrối kố nah, a mâu roh trâm mâ kuăn pơlê, mâu kăn Kuô̆k hô̆i a kơpong Tây Nguyên hiăng tơmâng xo hên tơdroăng ki kal ki kuăn pơlê hiăng tối. Tung mê, ai hnoăng cheăng hbrâ mơdât kâ kơluâ, kâ kơhveăm ƀă tơdroăng ki mơ’no liăn mơjiâng pro troăng prôk mê cho 2 tơdroăng ki kal xiâm a mâu roh trâm mâ kuăn pơlê a kong pơlê Lâm Đồng ƀă Dak Lak tung măng tĭng hdrối.

VOV4.Xơ Đăng - Kơxê lơ 17/5, pôa Phạm Minh Chính, Ngế pro xiâm hnê ngăn tơnêi têa pơkuâ roh hôp ‘na tơdroăng po rơdâ, pêi pro Tơdroăng tơkêa bro ‘’Mơ’no liăn mơjiâng ki vâ iâ 1 rơtuh toăng hngêi pơlê pơla ăm mâu ngế ki pêi lo liăn iâ, kŏng nhân kơpong hngêi kơmăi kơmok hneăng hơnăm 2021 – 2030’’.

VOV4.Xơ Đăng - Kŏng an kong pơlê Dak Lak rơtế ƀă kăn pơkuâ tơring hiăng bro klê 270 toăng hngêi tơrŭm diâp ăm mâu rơpŏng xơpá.

VOV4.Xơ Đăng - A roh trâm mâ ƀă kuăn pơlê a hneăng hôp má 7, Kuô̆k hô̆i hneăng XV dêi Khu kăn teăng mâ Kuô̆k hô̆i kong pơlê Lâm Đồng pơla hdrối mê hía nah, kuăn pơlê a cheăm Đồng Nai Thượng, tơring Cát Tiên, kong pơlê Lâm Đồng hiăng tối tơbleăng tơdroăng ki ôh tá bê têa, vâ tôh klâng chiâk tung pơla kố, rế hía kong rế tô mơdrăng, khăng khoăng. Kuăn pơlê pâ thế Tơnêi têa thâ rĕng ai troăng hơlâ vâ mơjiâng mâu rơchôa, hno têa, long hdoăng têa vâ bê têa ăm kuăn pơlê ôu hum, roh jíu ƀă tôh klâng chiâk.

VOV4.Xơ Đăng - Pêi pro tiô tơdroăng pêi cheăng hdrối roh hôp má tơpah, Kuô̆k hô̆i hneăng 15, kơxê hâi lơ 9/5, Khu kăn Kuô̆k hô̆i kong pơlê Gia Lai tơkŭm po 3 tíu trâm mâ kuăn pơlê a mâu tơring Đăk Pơ, Ia Pa, ƀă ‘Mang Yang.

VOV4.Xơ Đăng - Khu lo tŏng veăng kong pơlê Gia Lai pêi pro Khế tŏng kum mơngế pá puât 2024 ƀă dó inâi “Troăng prôk tŏng kum mơngế pá puât - Pơcháu tơdah tuăn pâ”, mơhnhôk tơdroăng “Rơtuh pơ-eăng chêng tuăn pâ” ƀă pơkâ xiâm kum hên ngế ai tơdroăng rêh ối pá puât a kong pơlê Gia Lai ƀă mâu kong pơlê Tây Bắc.

VOV4 Xơ Đăng - Kơxo lơ 8/5, Khu lo tŏng veăng kong pơlê Dak Lak tơrŭm ƀă Vi ƀan hnê ngăn pơlê kong kơdrâm Ƀuôn Ma Thuột tơkŭm po leh tơbleăng Khế tŏng kum hơnăm 2024 ai inâi: “Troăng prôk tŏng kum – Diâp xo tơdroăng pâ hơ-ui”.

VOV4.Xơ Đăng - Kơnôm mơjiâng tơdroăng pêi pro tơtro ƀă troh tơdroăng nốkố, mơhnhôk tá khu cheăng kal kí rơtế thăm veăng tung roh tơdroăng, xua mê tơdroăng pêi pro kơdroh kơtiê rĕng, cheăng kâ krá tơniăn a mâu kong pơlê Tây Bắc hiăng châ tơƀrê hên, kơxô̆ rơpŏng kơtiê kơdroh rơdêi, kum mâu pơlê chôa ‘lâng pêi pro mâu pơkâ mơnhông rĕng, krá tơniăn.