VOV4.Xơ Đăng - Tung 2 hâi lơ 22 – 23/4, a pơlê kong kơdrâm Ƀuôn Ma Thuột, kong pơlê Dak Lak hiăng tơkŭm po tơdroăng “Hâi leh hok tro 3 lĕm’’ râ Tơnêi têa hơnăm 2023.

VOV4.Xơ Đăng - A peăng kong ngo, tíu ki ai hên kuăn pơlê hdroâng kuăn ngo rêh ối maluâ ai tơdjêp internet, xúa mâu tơdroăng ki chiâng tơpui, pơtroh ing điê̆n tưh vâ pêi cheăng ƀă tí tăng tơdroăng ing măng. La kuăn pơlê xuân ối troh a Vi ƀan hnê ngăn tơring, cheăm vâ chêh tối, pro mâu hlá mơ-éa ƀă tơdroăng ki pro tiah hmâ.

VOV4.Xơ Đăng - “Đảng viên prôk hdrối, pơlê tơnêi têa prôk kơ’nâi’’, mê cho rơkong hnê dêi Pôa Hồ mơnhên hnoăng djâ prôk hdrối dêi khu kăn ƀô̆ đảng viên. Plĕng rơkong hnê dêi Pôa Hồ, mâu hơnăm hdrối, đảng viên K’Boer, Kăn pơkuâ hnê ngăn chi ƀô̆ thôn B’Dơr, cheăm Lộc An, tơring Bảo Lâm (Lâm Đồng) hiăng mơnhông mơdêk hnoăng prôk hdrối a Lâm Đồng.

VOV4.Xơ Đăng – Măng tĭng hdrối Vi ƀan hnê ngăn Kuô̆k hô̆i hiăng po roh hôp tơpui tơno ‘na luât a khế 4, am mâu kăn veăng tơpui tối ‘na luât vâ pơtroh ăm Kuô̆k hô̆ a hneăng hôp má 5. Tơpui tơno ‘na Luât tê mơdró tơnêi tơneíu, xua mê, kal thế hlê plĕng nhên pơla ngế ki tí tăng rôe tơnêi ƀă mơngế ki kal vâ tăng tế tơnêi.

VOV4.Xơ Đăng - Kơxo lơ 14/4, pơlê kong kơdrâm Kon Tum, kong pơlê Kon Tum hiăng tơkŭm pôu ngăn ƀă ‘mế 8 to kơxêng kiâ mố đô̆i hlâ tung rôh tơplâ xâ Mih tŏng xo tơnêi têa.

VOV4.Xơ Đăng - Kơxo lơ 11/4, pôa Hầu Lềnh, Ngế xiâm, Kăn pơkuâ Vi ƀan Hdroâng kuăn ngo Hầu A Lềnh hiăng troh lăm pôu pêi cheăng, rơkâu Têt Chol Chnăm Thmây kơ vâi krâ kuăn pơlê Khmer a Pơlê kong kân Hồ Chí Minh.

VOV4.Xơ Đăng - Kơxê măng lơ 10/4, pôa Vương Đình Huệ, kăn xiâm hnê ngăn Kuô̆k hô̆i hiăng trâm mâ Khu kăn cho mâu Ngế ki tro kroăng phâk ‘na tơdroăng kal kí ƀă mâu ngế ki tro kroăng phâk dêi Pơlê kong kân Hồ Chí Minh.

VOV4.Xơ Đăng - Ngoh Y Al Trei (hdroâng kuăn ngo M’Nông, a cheăm Yang Tao, tơring Lắk, kong pơlê Dak Lak đi đo châ kuăn pơlê tối cho ‘’kăn ƀô̆ djâ troăng’’. Ƀă hnoăng cheăng cho Kăn phŏ hnê ngăn Chi ƀô̆, kăn pơkuâ ƀuôn Bhôk, ngoh Y Al Trei đi đo thăm pêi pro pơkâ mâu râ tung tơdroăng rêh ối.

VOV4.Xơ Đăng – Hơnăm hdrối mê hía nah, ai lối chât ngế đảng viên a mâu đông gak tơkăng kong dêi kong pơlê Quảng Nam châ xoăng hnoăng cheăng pơkuâ ngăn, tŏng kum mâu rơpŏng a tíu tơkăng kong. Ing mê, kum kuăn pơlê mơnhông pêi cheăng kâ - rêh ối, veăng kum kring vế, rak ngăn thăm mơdêk tơrŭm pơla khu lêng ƀă kuăn pơlê.

VOV4.Xơ Đăng - Măng tĭng hdrối hiăng po Hôp mâu kăn Kuô̆k hô̆i veăng hnê tối 7 tơdroăng tơkêa bro ki pơtroh ăm Kuô̆k hô̆i a rôh hôp má 5, Kuô̆k hô̆i hneăng 12. Mâu kăn hiăng veăng hnê tối a mâu tơdroăng tơkêa bro Luât tơnêi ki (‘mâi hơ’lêh), mâu tơdroăng hnê tối a hneăng hôp mê ai pơxúa ‘nâng.