VOV4.Xơ Đăng - Tơdrêng ƀă troăng hơlâ, túa cheăng kơdroh kơtiê dêi Đảng, Tơnêi têa, kong pơlê Gia Lai hiăng mơhnhôk tâi tâng khu râ cheăng kal kí pơkâ pêi pro hên troăng hơlâ ki tơtro ƀă ki ai păng ‘nâng dêi tơrêm pơlê cheăm, tơring, kum rơpŏng kơtiê kâi châ mơnhông pêi chiâk deăng, thăm pêi lo liăn ngân, mơnhông tơdroăng rêh kâ ối, kơnôm tiah mê, kơxô̆ rơpŏng kơtiê hiăng chôa ‘lâng kơdroh a tơrêm hơnăm. Krê a hơnăm 2023, lâp kong pơlê ai lối 9 rơpâu rơpŏng hluăn kơtiê, tung mê, ai lối 8 rơpâu rơpŏng kuăn ngo, veăng kum kơdroh kơxô̆ rơpŏng kơtiê rế hiá rế iâ.

VOV4.Xơ Đăng - Kơnôm tơdroăng tơtro\ng tung hnê tơdjâ tăng rah mơngế rơkê kơhnâ mot đảng, ki rơkê dêi đảng viên nếo mot cho mơngế hdroâng kuăn ngo a tơring Lắk, kong pơlê Dak Lak rế hía rế châ tơtêk, tơƀrê. Tơdroăng kố ôh tá xê to kum rak tơniăn khu cheăng kal kí, mơdêk ivá pơkuâ, ivá tơplâ dêi khu pơkuâ hnê ngăn Đảng [a\ đảng viên mê ối chôa ‘lâng mơdêk mơnhông cheăng kâ – rêh ối pơlê pơla, mơdêk tơdroăng rêh ối, mơnhong pêi lo kế tơmeăm khoăng, mơdêk hiâm mơno hloh hlê ăm kuăn pơlê.

VOV4.Xơ Đăng - A hneăng hôp kân Khu sinh viên Việt Nam roh má 11 po a khế 12 hơnăm 2023 pơla hdrối kố nah, hên mâu ngế sinh viên hiăng mơhno hiâm tuăn pói rơhêng vâ, tuăn mơno khên rơkê dêi sinh viên Việt Nam tung hnoăng cheăng mơjiâng [ă kring vế Tơnêi têa. Pói rơhêng vâ ai mâu troăng prôk ki rơkê vâ mơjiâng Tíu xiâm dêi Khu sinh viên ó rơdêi.

VOV4.Xơ Đăng - Tiô tơdroăng pơkâ hdrối Hneăng hôp ôh tá ai pơkâ hdrối roh má 5, Kuô̆k hô̆i mơnhên ngăn tiô kơ tơdroăng Tơkêa bro Luât tơnêi tíu (‘mâi rơnêu). Maluâ ti mê, Vi ƀan hnê ngăn ‘na Cheăng kâ dêi Kuô̆k hô̆i tối tiah kố: hnoăng cheăng cho hên, hâi khế hơnăm pêi pro ga thâ rĕng, tơdroăng pơtroh ăm Kuô̆k hô̆i têk kŏng cho tơdroăng ki pơloăng mơnúa. Kăn xiâm hnê ngăn Kuô̆k hô̆i Vương Đình Huệ ai tối nhên tiah kố: Ôh tá pro mơdon tơdroăng Luât tơnêi tíu (‘mâi rơnêu). Chêh tối dêi Lại Hoa, Ngế chêh hlá tơbeăng cheăng tung Rơ’jíu Việt Nam ai mơnhên tối ‘na tơdroăng mê.

VOV4.Xơ Đăng - Ƀă tơdroăng pơkâ ôh tá la lâi pơtê pơ’lêh nếo, hơnăm 2023, tơdroăng cheăng séa ngăn dêi Kuô̆k hô̆i hiăng châ tơbleăng pêi tơdrêng, tung tâi tâng, Kuô̆k hô̆i hiăng xúa hên mâu tơdroăng séa ngăn dêi Kuô̆k hô̆i châ luât pơkâ mê cho séa ngăn tối tơbleăng dêi kơ koan tơnêi têa; kơ-êng ƀă tiâ rơkong kơ-êng; séa ngăn chuyên đề; xo phĭu rah xo;... tơbleăng troh lâp lu tơdroăng kơhnâ pêi pro, veăng pơ’lêh tâi tâng tá tơdroăng hlê plĕng, hnoăng cheăng pêi dêi rêm râ mâu kơvâ cheăng ƀă tơdroăng châ séa ngăn.

VOV4.Xơ Đăng - “Kơpong xiâm dêi trếo ‘mêi dioxin” cho inâi ki hên kuăn pơlê a kong pơlê hmâ khĕn kơpong tơraih tơƀai A So, cheăm Đông Sơn, tơring A Lưới, kong pơlê Thừa Thiên Huế. Tung pơla ton khế hơnăm tơplâ, tơraih tơƀai A So hiăng tro tơdjâk ó khât dêi trếo ‘mêi dioxin. Ing môi tíu ki tro trếo ‘mêi dioxin, tơraih tơƀai A So nôkố hiăng châ mơdrếo lĕm kong prâi tơnêi tơníu krúa, tơniăn, kum kuăn pơlê tơniăn tung rêh ối ƀă pêi cheăng kâ.

VOV4.Xơ Đăng - Kơxê lơ 1/1, a Hậu Giang, Kăn xiâm hnê ngăn tơnêi têa Võ Văn Thưởng veăng a Leh hiăng bro klêi, pơcháu 1.400 toăng hngêi Tơrŭm, môi tơdroăng ki koh tơdah 20 hơnăm mơjiâng kong pơlê Hậu Giang hâi lơ (01/01/2004 - 01/01/2024).

VOV4.Xơ Đăng - Tung pơla kố nah, tơdroăng mơnhông đảng viên ƀă mơngế tiô khôp a kong pơlê Dak Lak hiăng châ tơƀrê hên, kum pơ’lêh tơtro tung đảng viên, mơdêk hnoăng pơkuâ, ivá tơplâ dêi khu pơkuâ cheăng Đảng. Ing mê, ivá tơrŭm môi tuăn tâi tâng mâu hdroâng kuăn ngo, tơdroăng tiô khôp rế hía rế châ mơdêk, kum mơdât khu ngế ‘mêi ki tí tăng pro tơ‘nhê tơnêi têa, xua vâi hêng hôu tơnêi têa, vâi ki ‘mêi mê xúa xo ing tơdroăng khôp vâ tí tăng pro tơklâ, pro ôh tá môi tuăn tung pơla khu hdroâng mơngế.

VOV4.Xơ Đăng – A hneăng hôp má 6, Kuô̆k hô̆i hneăng 15 pơla hdrối kố nah hiăng mơdoh chôu phut vâ mơnhên ‘na tơdroăng “Pơkâ pêi pro mâu tơdroăng pơkâ dêi Kuô̆k hô̆i ‘na mâu Hnoăng cheăng xiâm dêi tơnêi têa. A mâu kong pơlê tung kơpong Tây Nguyên, hneăng hôp mơ’nui hơnăm 2023 xuân ai mơnhên ngăn ‘na tơdroăng kố. Ing mê ăm hlo, ing tíu xiâm tơnêi têa troh a kong pơlê dế tơkŭm ‘no ivá vâ tah lôi ki xahpá, tơvâ tơvân, kum ăm Hnoăng cheăng tơnêi têa châ pêi pro tơƀrê, châ plah a tơdroăng ki pơkâ mê, ing mê, kum hiâm tuăn loi tơngah ƀă ai tơdroăng hơniâp ro dêi kuăn pơlê.

VOV4.Xơ Đăng - Hên hơnăm hdrối, pakĭng hnoăng cheăng rak vế krá tơniăn hnoăng pơkuâ gâk kring tơkăng kong, Mố đô̆i gâk tơkăng kong, kong pơlê Gia Lai ối tơrŭm ƀă khu pơkuâ Đảng, khu kăn pơkuâ ƀă mâu kơvâ cheăng, khu pú hên a tơring cheăm kum kuăn pơlê mơjiâng thôn pơlê nếo.