VOV4.Xơ Đăng - Pơla hdrối kố nah, a Pơlê kong xiâm Hà Nội hiăng po Hneăng hôp mâu kăn lâp tơnêi têa Khu ngăn mố đô̆i hơnăm hiăng krâ Việt Nam rôh má 7 hneăng hơnăm 2022 – 2027. Akố, hên mâu kăn hiăng môi tuăn khât ƀă loi tơngah, Khu pơkuâ hneăng ki nếo kô ai hên tơdroăng ki hơ’lêh nếo, mơdêk cheăng kâ.

VOV4.Xơ Đăng - Hngêi arak liăn kum rêh ối pơlê pơla kong pơlê Lâm Đồng tơrŭm ƀă mâu khu tơrŭm cheăng kal kí – rêh ối pơlê pơla tung kong pơlê tơkŭm po Măng tĭng pơtroh liăn kơdĭng tơdjuôm ivá kum mơngế kơtiê hơnăm 2023.

VOV4.Xơ Đăng - Ƀă troăng prôk, ôh tá lôi kơbố ối pá rŏng, pơla hdrối kố nah, mâu khu râ pơkuâ hnê ngăn Đảng, khu kăn pơkuâ kong pơlê Gia Lai hiăng pơkâ pêi pro adrêng mâu troăng hơlâ tung hnoăng cheăng xiâm dêi tơnêi têa ‘na kơdroh kơtiê tơniăn. Tơdroăng kố hiăng kum ăm lối rơpâu rơpŏng hdroâng kuăn ngo châ hluăn ing kơtiê rêm hơnăm vâ châ tơniăn.

VOV4.Xơ Đăng - Khu xiâm pơkuâ cheăng pêi Mô đô̆i rong ƀă Rêh ối pơlê pơla nếo ai tối ‘na tơdroăng tơniăn ‘na tŏng kum ăm tơdroăng rêh ối dêi mâu ngế ai hnoăng tơnêi têa ƀă mơngế pêi cheăng roh Têt Quý Mão hơnăm 2023.

VOV4.Xơ Đăng - Hơ’lêh nếo tung cheăng seá ngăn rế hiá rế pêi pro châ rơhéa khât, tơƀrê, tơtro tiô hiâm mơno pói rơhêng vâ dêi kuăn pơlê, mê cho môi tung 10 hnoăng cheăng ki kân xiâm dêi Kuô̆k hô̆i hơnăm 2022. Ƀă hên mâu tơdroăng ki hơ’lêh nếo tung pơkâ pêi pro, hnoăng cheăng mơnhên ngăn dêi Kuô̆k hô̆i hiăng kum pro hơ’lêh tung séa mơnhên ngăn, môi

VOV4.Xơ Đăng - Rêh ối a kong pơlê ki hmâ pêi chiâk deăng  hên vâi kơdrâi a kong pơlê Dak Lak hiăng khên hơ’lêh túa pêi chiâk vâ mơnhông pêi cheăng kâ. Kơnôm ai tơdroăng veăng kum dêi rêm râ vâi kơdrâi kong pơlê, mê vâi hiăng chôa ‘lâng hơ’lêh tuăn tơmiât, tơdroăng tăng rah xo ki tơtro, mơdêk  pêi lo liăn ngân ăm rơpŏng hngêi. 

VOV4.Xơ Đăng - Pơla hdrối kố nah, pơtối mơdêk hnoăng cheăng cho ngế pú hmâ ƀă mơngế kơtiê, Hngêi rak liăn kum mâu kơtiê dêi Gia Lai hiăng pơkâ pêi pro hên tơdroăng  tŏng kum ăm mâu rơpŏng  kơtiê, ki rơhêng vâ tối cho hdroâng kuăn ngo, veăng kum rak vế, pêi pro lĕm tro mâu tơdroăng ki xiâm tung kơdroh kơtiê, mơjiâng thôn pơlê nếo.

VOV4.Xơ Đăng - Hơnăm nah, kơnôm hnê mơhno krâ dêi Chin phuh ƀă tơdroăng mơ-eăm dêi vâi krâ kuăn pơlê mâu hdroâng kuăn ngo mê tơdroăng rêh ối dêi vâi krâ kuăn pơlê tơniăn. Tơdroăng mê, châ pêi pro a mâu pơlê Tây Nguyên.

VOV4.Xơ Đăng - Hơnăm 2023 cho môi tung mâu hơnăm ki tơxâng chôu vế ó má môi tung hvêa chêng ki mơnhông dêi mâu kong pơlê a Tây Nguyên, drêng mâu kong pơlê pơkâ, mơ’no, pêi pro mâu tơdroăng kơxô̆ 23 dêi Khu xiâm ngăn cheăng kal kí ‘na mơnhông Pêi cheăng kâ pơlê pơla kơpong Tây Nguyên chiâng kơpong ki pêi cheăng kâ kân ó rơdêi.

VOV4.Xơ Đăng - Hâi lơ 17/1, Khu hnê mơhno tŏng kum Têt Quý Mão hơnăm 2023 kong pơlê Dak Lak (Khu hnê mơhno 1017) hiăng pơkâ tơ’nôm 600 rơtuh liăn vâ rak ngăn Têt ăm mâu rơpŏng ai hnoăng tơnêi têa, mâu ngế tro trếo ‘mêi da cam ƀă mâu ngế ki ê dêi kong pơlê.