VOV4.Xơ Đăng - Pôa Trần Lưu Quang, Ngế pro xiâm phŏ hnê ngăn tơnêi têa, Kăn hnê ngăn Hô̆i đong tơrŭm tối tơbleăng hnê hriâm luât Tơnêi têa pơkuâ po rôh hôp.

VOV4.Xơ Đăng - Bắc Kạn ai tâi tâng ƀăng tơnêi kong chiâng xêh lối 272 rơpâu ha, tung mê, hên kơpong kong rak kơnhŏng têa dế châ kuăn pơlê rak ngăn. Laga, ai môi tơdroăng ki khât, kơxô̆ liăn kum ăm tơdroăng rak ngăn kong bu iâ luâ râ mê pro kuăn pơlê ôh tá tơniăn tung rêh ối ƀă ôh tá hmiân tuăn rak ngăn kong.

VOV4.Xơ Đăng - Mơ’nui măng tĭng hdrối, Khu kăn pơkuâ cheăng dêi Khâu xiâm ngăn ‘na tơmeăm khoăng kong kế, hyôh kong prâi hiăng ai roh pôu pêi cheăng ƀă Vi ƀan hnê ngăn mâu kong pơlê kơpong Tây Nguyên ƀă 2 kong pơlê cho Ninh Thuận, Bình Thuận ‘na tơmâng xo rơkong veăng hnê tối ‘na mơjiâng Luât tơnei tíu (‘mâi rơnêu).

VOV4.Xơ Đăng - Khu tơrŭm kuăn pơlê pêi chiâk deăng kong pơlê Dak Lak nôkố ai 190.000 ngế, tung mê, 12.152 ngế cho đảng viên, tơdâng ƀă 6,4%. Ki hên đảng viên pơrá mơhno hnoăng djâ troăng ahdrối tung pêi chiâk deăng mơnhông cheăng kâ, thăm veăng hên tung tơdroăng tŏng kum khu pú ki ê vâ pêi kâ, veăng kum mơjiâng thôn pơlê nếo.

VOV4.Xơ Đăng - Klêi kơ’nâi vâ chê 40 hơnăm hơ’lêh, tơnêi têa pin hiăng mơjiâng tíu tê mơdró tơnêi tíu, tung mê ai tơnêi pêi chiâk deăng, tơnêi pro tíu pêi cheăng kơmăi kơmok, tê mơdró, tơnêi pro hngêi ối ƀă kơphô̆ a thôn pơlê. Tung pơkâ dêi Luât tơnêi tíu roh kố vâ mơnhông pêi cheăng kâ dêi tơnêi têa ƀă tơrŭm ƀă lâp plâi tơnêi.

VOV4.Xơ Đăng - Khu kăn Kuô̆k hô̆i Việt Nam xua pôa Trần Thanh Mẫn, kăn xiâm phŏ hnê ngăn Kuô̆k hô̆i pro kăn pơkuâ khu kăn kố hiăng veăng hôp a Leh pơxiâm po Hneăng hôp Hô̆i đong Khu tơrŭm Kuô̆k hô̆i lâp plâi tơnêi IPU rôh má 146 a pơlê kong xiâm Manama dêi Bahrain.

VOV4.Xơ Đăng - Hâi lơ 9/3, a Hà Nội, Khu xiâm pơtâng tối tơdroăng kal tiô troăng hyôh um tơvi, rơ’jíu internet rơtế ƀă Khu ngăn tơdroăng Khôp Chin phuh tơrŭm tơkŭm po mơhno Hlá tơbeăng “Tơdroăng loi tĭng tiô khôp ƀă troăng hơlâ ‘na loi tĭng tiô khôp a Việt Nam”.

VOV4.Xơ Đăng - Hâi lơ 8/3, Vi ban kong pơlê Dak Lak tơkŭm hôp tơpui tơno tơmâng xo tơdroăng veăng hnê tối dêi kuăn pơla ƀă tơdroăng chêh ‘na luât tơnêi (‘mâi hơ’lêh).

VOV4.Xơ Đăng - Vâ pơtâng tối troăng hơlâ nếo, mâu troăng tơmiât pêi nếo dêi Đảng ‘na tăng rah mơngế mot Đảng hiăng châ pro troh lâp lu tung kăn ƀô̆, đảng viên, tung pơlê pơla. Tơdrêng amê, tối mâu tơdroăng pêi pro ki ôh tá hâi tro, ôh tá ‘nhó lĕm, ing mê, kum mơnhông cheăng Đảng, khu cheăng kal kí rế hía rế krúa lĕm ó rơdêi.

VOV4.Xơ Đăng - A mâu tơring peăng kong ngo, kơpong tơkăng kong kong pơlê Quảng Nam, túa “Kuăn roăng Đông mố đô̆i gak tơkăng kong” dêi Mố đô̆i gak tơkăng kong Quảng Nam hiăng xo păn roăng, kum tơ’lêi hlâu ăm lối hrĭng ngế kuăn ‘nĕng xơpá châ hriâm tâp tơniăn.