VOV4.Xơ Đăng - Hơnăm 2023 cho môi tung mâu hơnăm ki tơxâng chôu vế ó má môi tung hvêa chêng ki mơnhông dêi mâu kong pơlê a Tây Nguyên, drêng mâu kong pơlê pơkâ, mơ’no, pêi pro mâu tơdroăng kơxô̆ 23 dêi Khu xiâm ngăn cheăng kal kí ‘na mơnhông Pêi cheăng kâ pơlê pơla kơpong Tây Nguyên chiâng kơpong ki pêi cheăng kâ kân ó rơdêi.

VOV4.Xơ Đăng - Hâi lơ 17/1, Khu hnê mơhno tŏng kum Têt Quý Mão hơnăm 2023 kong pơlê Dak Lak (Khu hnê mơhno 1017) hiăng pơkâ tơ’nôm 600 rơtuh liăn vâ rak ngăn Têt ăm mâu rơpŏng ai hnoăng tơnêi têa, mâu ngế tro trếo ‘mêi da cam ƀă mâu ngế ki ê dêi kong pơlê.

VOV4.Xơ Đăng - Pôa Đặng Hoàng Giang, Kăn pơkuâ djâ Khu râ kăn teăng mâ Việt Nam a Khu lâp kong têa hiăng ai roh pêi cheăng ƀă jâ Najat Maalla M’jid, Teăng mâ dêi Kăn xiâm chêh tôm xo rơkong Khu lâp kong têa ngăn ‘na hbrâ mơdât pâm xiăn vâi hdrêng.

VOV4.Xơ Đăng - Kơxo lơ 16/1, pôa Vương Đình Huệ, Kăn xiâm hnê ngăn Kuô̆k hô̆i troh pôu, rơkâu Têt, diâp tơmeăm ăm khu lêng kring vế, rơpŏng ki ai hnoăng tơnêi têa, kuăn pơlê hdroâng kuăn ngo,kŏng nhân, mâu ngế pêi cheăng ai tơdroăng rêh ối xơpá a tơring Bát Xát, kong pơlê Lào Cai.

VOV4.Xơ Đăng - Pôa Lê Minh Khái, Ngế pro xiâm phŏ hnê ngăn tơnêi têa nếo kĭ mâu pơkâ xing xoăng phái ing kơxô̆ liăn ‘măn kơdĭng dêi tơnêi têa ăm 5 kong pơlê: Tuyên Quang, Trà Vinh, Dak Nông, Quảng Bình, Nghệ An tung roh Têt Lo hơnăm nếo Quý Mão ƀă drêng tá hâi troh rơnó pôe xo báu hơnăm 2023.

VOV4.Xơ Đăng - Tiô kơ tơdroăng “Ôh tá lôi ăm kơbố pá rŏng”, tung mâu hâi ki kố, khu kăn pơkuâ ngăn cheăng, mâu râ, kơvâ pêi ƀă khu mơdró kâ, mâu ngế ki ai tuăn pâ dêi kong pơlê Dak Lak dế tơkŭm po hên mâu tơdroăng ki hbru tomeăm Têt ăm mâu rơpŏng kơtiê xahpá. Tơdroăng cheăng pêi pro kố, hiăng kum ăm lối rơpâu ngế kuăn pơlê rơpŏng kơtiê a Dak Lak.

VOV4.Xơ Đăng - Kơxê lơ 15/1 pôa Phạm Minh Chính, Ngế pro xiâm hnê ngăn tơnêi têa lăm pôu Nôu Việt Nam Khên tơnôu Lâm Thị Mèn (89 hơnăm, ối a cheăm Quy Thuận, tơring Quảng Hòa, kong pơlê Cao Bằng.

VOV4.Xơ Đăng - Klêi kơ’nâi mơgêi hneăng hôp ki ôh tá ai pơkâ hdrối roh má 2, Kuô̆k hô̆i hneăng 15, mê pôa Vương Đình Huệ, Kăn xiâm hnê ngăn Kuô̆k hô̆i hiăng hnê thế rêm râ, kơvâ cheăng, mâu kơ koan tung khu pơkuâ ngăn dêi tơnêi têa rak vế, pêi pro thâ rĕng, tơdrêng mâu Luât, Tơdroăng pơkâ ki nếo châ tối tơbleăng.

VOV4.Xơ Đăng - Ƀă tơdroăng ki kơdo mơ-eăm ôh tá lôi rơpŏng ki lâi ôh tá ai tơmeăm kâ Têt, mâu hâi hdrối mê hía nah, khu kăn pơkuâ, mâu râ, rêm kơvâ cheăng a kơpong Tây Nguyên hiăng ai hên tơdroăng cheăng tŏng kum kế tơmeăm Têt ăm mâu ngế ki ai tơdroăng rêh ối xahpá.

VOV4.Xơ Đăng - Mâu hâi ki kố, mâu kơ koan, mâu tíu pơkuâ cheăng ki pro nhŏng o, mâu khu râ ki hơ-ui kum dế rơtế ƀă mâu khu râ, kơvâ cheăng, mâu tơring, cheăm tơkŭm po hên tơdroăng lăm pôu kơ-êng, hbruô tơmeăm, tŏng kum kế khoăng Têt ăm mâu kơtiê ƀă mâu rơpŏng hngêi ki xahpá a kong pơlê Dak Nông.