VOV4.Bahnar – Pơgê ‘năr10/3, Tổng Bí thư Tô Lâm păng hơkăn ƀok kŭm hăm Khul tang măt ăn teh đak Việt Nam hlôi năm ngôi tơ̆ Ban Thư ký ASEAN tơ̆ anih tơm Jakarta.

VOV4.Bahnar – Lơ̆m tơdrong nuih mơng kơ dôm năr khei 3 kăp gĭt, tơbăt 50 sơnăm đei jơnei rơngei Tây Nguyên, năr 10/3, Phŏ Kơdră teh đak bơ̆n Võ Thị Ánh Xuân hlôi truh hơpong ngôi păng pơm jang tơ̆ dêh char Kon Tum.

VOV4.Bahnar - Năr ‘nâu (10/3), dêh char Đắk Lắk pơgơ̆r Lêh cheh phe Buôn Ma Thuột ‘măng mă 9, kŭm hăm tơbăt 50 sơnăm tơblăh iŏk rơngei plt, 50 sơnăm tơblăh jơnei Tây Nguyên, pơih trong ăn tơdrong tơblăh Hồ Chí Minh tôch gĭt kăl, iŏk rơngei đĭ đăng tơring Pơbăh, pơjing đei 1 teh đak kơjăp ‘lơ̆ng.

VOV4.Bahnar - Dôm sơnăm ou, kon pơlei rim hơdrung dêh char Dak Lăk chơt hơ iă ‘nă hal, hưch hanh hơmanh bơnê kơ yuơ hlôi tơgop pơm Jơnei rơngei Buôn Ma Thuột 50 sơnăm sơ̆. Kon pơlei jei chơt hơ iă ‘nă hal sơng kơkuh Pơm lêh Chehphe  Buôn Ma Thuột ‘măng mă 9 hăm tơdrong hơmŏ ‘noh “Hơnih truh kơ chehphe apŭng plĕnh teh”. Atŭm hăm dôm jơhngơ̆m đon ƀlŏk hơdơ̆r lơ̆m năr lêh gĭt kăl tơbăt 50 sơnăm Jơnei rơngei Buôn Ma Thuột, kon pơlei rim hơdrong oei tơ̆ Dak Lăk jei tơbăt jơhngơ̆m đon chơt hơ iă ‘nă hal păng hơmŏ dôm tơdrong jơnei kơtang đơ̆ng Pơm lêh chehphe Buôn Ma Thuột hơnhăk ăn.

VOV4.Bahnar -  Pơjing đei jơnei Buôn Ma Thuột, atŭm hăm hơnăp jang kơtang đơ̆ng Ƀô̆ đô̆i, đei tơdrong tơgop ưh kơ iĕ đơ̆ng rim khul jang chinh trĭ, kon pơlei rim hơdrung oei tơ̆ Dak Lăk. Mĭnh poăt anglŏ sơnăm hlôi hloh, dôm bơngai ƀôh kang bang kơ̆l oei hơrih đei đei hơrih sa păng iung tơblăh tơ̆ Buôn Ma Thuột, Dak Lăk oei chhưu jơhngơ̆m, mưh ƀlŏk hơdơ̆r dơ̆ng ‘măng iung tơblăh nuih mơng ‘noh sơ̆.

VOV4.Bahnar - Tơdrong tơblăh Tây Nguyên 1975 hăm tơdrong tơblăh pơih blŭng mât tơ̆ Buôn Ma Thuột ưh lăp 1 tơdrong tơblăh đei ư hơnhang đĕch mă oei jing 1 ƀai hŏk gĭt kăl găh tơdrong tơblăh tôch hơgei păng ưh kơ ê. Hăm đon pơhnŏng tơblăh iŏk rơngei Tơring pơbăh, tơdrong tơblăh âu hlôi iŏk yoa ‘lơ̆ng trong tơblăh đơ̆ng khul linh păng kon pơlei Việt Nam. Đơ̆ng dôm tơdrong tơhli vă tơblăh truh tơdrong vang tơblăh hơdai tôch rơgei dôm khul linh, tơdrong tơblăh Tây Nguyên ưh lăp tơblăh hŭt hơyăt đĕch mă oei pơm dơdrŏ rim khul linh lơ̆m apŭng plenh teh. Gơnơm tơdrong rơgei mưh pơgơ̆r tơblăh mă tơdrong Tơblăh Tây Nguyên hlôi tơblăh đei jơnei gĭt kăl, vang tơgop ‘lơ̆ng ăn tơdrong tơblăh jơnei pơyan Puih mak 1975.

VOV4.Bahnar – Kơsơ̆ brei (9/3) Tổng Bí thư Tô Lâm kŭm hăm hơkăn ƀok păng Khul tang măt ăn teh đak bơ̆n truh tơ̆ Jakarta năm ngôi tơ̆ teh đak Indonesia kiơ̆ nơ̆r krao đơ̆ng Kơdră tơm teh đak Indonesia Prabowo Subianto păng năm ngôi tơ̆ Ban Thư ký Asean kiơ̆ nơ̆r krao đơ̆ng Tổng Thư ký ASEAN Kao Kim Hourn.

VOV4.Bahnar – Kơsơ̆ brei 9/3, jơ hop akŏm mă 16 kơ Anih pơgơ̆r jang ăn teh đak găh dôm tơdrong jang tih, gĭt kăl kơ teh đak, tơdrong jang tih gĭt kăl tơ̆ anih vei lăng trong nơnăm bơ̆ jang hăm tơdrong pơgơ̆r đơng Thủ tướng Phạm Minh Chính.

VOV4.Bahnar – Lơ̆m 'măng tơmang Kơpal truh teh đak Indonesia, kơsơ̆ năr 9/3 tơ̆ anih tơm Jakarta, Ƀok Tổng Bí thư Tô Lâm hlôi sơng kơdră minh ƀar Anih jang mŭk drăm pran hloh kơ teh đak Indonesia păng năm akŏm Lêh tơbang trong gre păr kơ Vietnam Airlines đơ̆ng pơlei tơm Hồ Chí Minh păng Denpasar.

VOV4.Bahnar – Kơsơ̆ năr 7/3 tơ̆ Hà Nội, Ƀok Tổng Bí thư Tô Lâm pơgơ̆r pơm jang hăm Anih Tơchơ̆t trong jang kơ Trung ương gah minh ƀar trong pơm jang vă hơtŏk tơdrong jang mŭk drăm tơ-'ngla Việt Nam lơ̆m khei năr truh.