VOV.Bahnar - Anih tơm Chĭnh trĭ chih iŏk păng lăng ‘lơ̆ng tơdrong hơmet ăn ‘lơ̆ng, kơchăng đơ̆ng Quân ủy Trung ương, dôm anih jang kơpal păng kơdră đảng, khŭl jang đảng rim tơring lơ̆m Đảng bộ Khŭl lĭnh.

VOV.Bahnar -Anih tơm Tư pháp pơgơ̆r Lêh tơbăt 80 sơnăm Năr joăt joe anih jang Tư pháp Việt Nam (28/8) păng Hop akŏm pơjei băl ‘mêm kơ teh đak anih jang Tư pháp ‘măng mă 6.

VOV.Bahnar – Khul kơdră  teh đak ‘nao tơlĕch tơdrong Tơchơ̆t găh Trong jang kiơ̆ tơdrong Tơchơ̆t kơsô̆ 189 sơnăm 2025 đơ̆ng Quốc hội, chih hơdăh 1,2 trong jang, tơdrong tơgŭm gĭt kăl vă tơlĕch jên man Hnam kơmăy unh điên hat nhân Ninh Thuận. 

VOV.Bahnar – Lơ̆m ‘măng năm ngôi tơ̆ teh đak Nepal đơ̆ng ‘năr 23-25/8, pơgê ‘năr 24/8, tơ̆ anih tơm Kathmandu, Phŏ Kơdră teh đak bơ̆n yă Võ Thị Ánh Xuân hlôi pơma đam hăm Phŏ Kơdră tơm teh đak Nepal Ram Sahaya Prasad Yadav.

VOV.Bahnar – Kơdră teh đak Lương Cường pơma truh tơdrong chĕp kơ̆l pơgơ̆r đơ̆ng Đảng Cộng sản Việt Nam, Mặt trận Tổ quốc Việt Nam hơnơ̆ng vei kơjăp hơnăp jang chinh trĭ tơm, jĭ bơbŭng hnam atŭm, mât 1 ƀơ̆r đon đơ̆ng đĭ đăng kon pơlei lơ̆m tơpôl, dôm hơdrĕch hơdrung, tơdrong lui khop, bơngai Việt Nam lơ̆m teh đak păng tơ̆ teh đak đe, pơjing jơhngâm pran tih tên đơ̆ng tơguăt đĭ đăng hơdrĕch hơdrung.

VOV.Bahnar – Kơmăng 'năr brei (24/8), Thủ tướng teh đak bơ̆n Phạm Minh Chính năm truh Anih pơgơ̆r jang tơ̆ tơring kơ Jơnŭm pơgơ̆r teh đak tơ̆ Anih tơm pơgơ̆r khul linh Kuân khu 4, dêh char Nghệ An, kơtă pơgơ̆r tơdrong jang tơjră hăm 'mi kial kơsô̆ 5.

VOV.Bahnar - Hop akŏm bơngai tang măt Đảng ƀô̆ Anih vei lăng kon pơlei dêh char Đắk Lắk jăl jang đơ̆ng 2025 - 2030 đei pơgơ̆r đang ‘lơ̆ng. ‘Nâu jĭ tơdrong tôch gĭt kăl chih tơbăt jăl trong jang tŏk, tưk tơiung hơnăp jang tơƀôh trong chong glung đơ̆ng Đảng ƀô̆ Anih vei lăng kon pơlei dêh char vă hơnhăk Đắk Lắk jing tơring jang tŏk pran ‘nao kơ Tây Nguyên păng tơring tơter đak dơsĭ găh pơbăh kơ Tơring tŏk bŏk.

VOV. Bahnar - Hơnih jang Pơdă “Tơdrong jơnei teh đak-Jăl trong 80 sơnăm iung yak Pơm tơm kơdih-Rơngei hiôk hian-Hơnŭk hơnoa”tơ̆ Hơnih tơm Pơdă teh đak (tơ̆ Đông Anh, Hà Nội) ‘noh mĭnh lơ̆m dôm tơdrong pơgơ̆r đei lơ kon pơlei gô chang hloh. Vang tơgop lơ̆m ‘Măng pơdă hăm dôm tơdrong chă pơdă dôm tơdrong iŏk đei jơnei kơ Radiô Nơ̆r pơma Việt nam lơ̆m ‘măng iung tơblăh pơm rơngei hơdrĕch hơdrung, tơ iung pơjing teh đak, Radiô Nơ̆r pơma Việt Nam ‘meh vă tơgop lơ̆m tơdrong jơnei atŭm kơ ‘măng pơdă teh đak.

VOV.Bahnar - Jơ̆p lơ̆m teh đak tôch hưch hanh oei hue lăng truh Lêh tơbăt 80 sơnăm Kăch mang khei 8 păng Quốc khánh (2/9), tơ̆ Anih pơtâp pơhrăm Khul linh teh đak 4 (Sơn Tây, Hà Nội), dôm khul linh vang yak pơrŏ oei hăt pơtâp dôm ƀai mă hơtuch. Kŭm hăm dôm khul linh, đe kăn ƀô̆, linh Kanh sat đak dơsĭ Việt Nam oei hơnơ̆ng adrin pơtâp pơhrăm, khŏm jang đang ‘lơ̆ng tơdrong jang A80 – mĭnh lơ̆m dôm tơdrong chinh trĭ, joh ayŏ kơ dŏ xoang gĭt kăl kơ hơdrĕch hơdrung.

VOV.Bahnar - Jang kiơ̆ nơ̆r pơrô̆ đơ̆ng Trung ương găh tơdrong pơm tơplih kơtheh đang viên đơ̆ng hla bơar pơklep plastic jing kơtheh như̆a (composite) đei pơklep kơchip, dôm năr ou ki, Kŏng ang dêh char Dak Lăk hlôi iung jang kơtang, bơ̆ jang hloi lơ̆m jơ pơdơ̆h vă keh đang tơtom.