VOV4.Bahnar – Pơgê ‘năr brei (20/12) tơ̆ Hà Nội, Đảng uy Kŏng an Trung ương pơgơ̆r Hop akŏm sơkơ̆t tơdrong jang, hơlen lăng dơ̆ng tơdrong mă jơnŭm pơgơ̆r pơm kiơ̆ sơnong jang chĭnh trĭ sơnăm 2023; tơlĕch trong jang, sơnong jang ăn sơnăm 2024; sơkơ̆t tơdrong đei jơnei lơ̆m pơm kiơ̆ Tơchơ̆t kơsô̆ 12 đơ̆ng Anih tơm Chĭnh trĭ; tơgop nơ̆r gah dôm hla bar chih akŏm pơtruh ăn Hop akŏm Kŏng an jâ̆p teh đak ‘măng mă 79.

VOV4.Bahnar – Kơsơ̆ ‘năr brei (20/12), Thủ tướng teh đak bơ̆n Phạm Minh Chính năm hơpong păng pơm jang hăm Hŏk viê̆n Kuôk phŏng ƀơ̆t tơbăt 79 sơnăm Năr tơ-iung pơjing Khul linh kon pơlei Việt Nam, 34 sơnăm Năr Tôm kon pơlei vei sơđơ̆ng teh đak (22/12).

VOV4.Bahnar - Tơbăt 79 sơnăm Năr pơjing Khul Ƀô̆ đô̆i kon pơlei Việt Nam, 34 sơnăm Năr lêh Kon pơlei vang vei lăng teh đak, pơgê năr 20/12, tơ̆ pơlei tơm Đà Nẵng, Hơnih Đảng, Jơnŭm vei lăng kon pơlei, Hơnih vei lăng kon pơlei, Hơnih bơ̆ jang MTTQVN pơlei tơm Đà Nẵng pơgơ̆r tơƀơ̆p mŭh măt hloh 2.000 ‘nu yŏng, sỹ kuan Ƀô̆ đô̆i kơlong Đại tá, Thượng tá păng kơdră chĕp pơgơ̆r Trung đoàn păng hơtŏ năm tơ̆ kơpal.

VOV4.Bahnar - Kơsơ̆ brei (19/12), tơ̆ Hà Nội, Đại tướng Tô Lâm, Kơdră jang lơ̆m Anih tơm Chinh trĭ, Kơdră tơm vei lăng Công an sơng Bơngai tang măt ăn New Zealand tơ̆ Việt Nam, yă Tredene Dobson truh tơƀâp ƀât tôch jăl jang tơ̆ Việt Nam.

VOV4.Bahnar - Pơgê brei (19/12), tơ̆ Hà Nội, Kơdră teh đak Võ Văn Thưởng vang truh păng iung pơma tơ̆ Hop akŏm bơngai tang măt lơ̆m teh đak Khŭl Sinh viên Việt Nam ‘măng mă XI jăl jang 2023-2028, năr akŏm tih kơ sinh viên Việt Nam lơ̆m păng ‘ngoăih teh đak, tơƀôh tơdrong hơpơi ‘meh, đon hơdrin đơ̆ng sinh viên Việt Nam lơ̆m tơdrong jang pơjing păng vei lăng Teh đak.

VOV4.Bahnar - Pơgê brei (19/12) tơ̆ Hà Nội, Tổng Bí thư Nguyễn Phú Trọng truh akŏm păng iung pơma ƀât blŭng Hop akŏm jang tơbôl ‘măng mă 32 hăm hơnăn “Hơtŏk hơnăp jang năm hơdrol, pơjing anih jang tơbôl tôm tơdrong, gơ̆h hơgei, pran kơjăp, bơ̆ jang đei tơdrong Tơchơ̆t đơ̆ng Hop akŏm mă 13 kơ Đảng”.

VOV4.Bahnar - Ƀlep ƀơ̆t tơbăt 79 sơnăm Năr pơjing Khŭl lĭnh kon pơlei Việt Nam (22/12), Kơdră teh đak Võ Văn Thưởng hlôi năm ngôi, hơlen lăng khŏm iung jang đơ̆ng Ƀô̆i đô̆i đặc công tơ̆ Binh chủng Đặc công.

VOV4.Bahnar - Lơ̆m lơ̆m năm bơ̆ jang, truh hop akŏm tih tơbăt 50 sơnăm tơdrong pơvei ASEAN-Nhật Bản, Thủ tướng Phạm Minh Chính năm ngôi tơ̆ unh hnam nhap Thủ tướng Abe Shinzo.

VOV4.Bahnar - Lơ̆m jơ năr Hop akŏm bơngai tang măt lơ̆m teh đak Khŭl Sinh viên Việt Nam ‘măng mă XI, pơgê 19/12, tang măt dôm khŭl bơngai tang măt vang truh Hop akŏm hlôi năm soh nhang ƀlŏk hơdơ̆r tơ̆ rup man Bắc Sơn păng vang pơm lêh roi tơbăt tơdrong jang đei, mơ̆t hơpong tơ̆ pơsat Ƀok Hồ.

VOV4.Bahnar – Kơsơ̆ năr 18/12, Kơdră teh đak bơ̆n Võ Văn Thưởng hlôi sơng Phŏ Thủ tướng Lào Kikeo Khaykhamphithoune (Ki-kẹo Khảy khăm phị thun) tŏk bŏk oei tơmang păng pơm jang tơ̆ Việt Nam.