VOV.Bahnar - Lơ̆m ‘măng iung năm tơmang teh đak Việt Nam păng vang năm rim ‘măng pơgơ̆r tơbăt 80 sơnăm Kĕch mang Khei Tơhngam jơnei păng Quốc khánh teh đak Cộng hòa xã hội chủ nghĩa Việt Nam, tơ̆ Hơnih bơ̆ jang Khul kơdră chĕp pơgơ̆r Teh đak, Bí thư Mă blŭng Trung ương Đảng Cộng sản, Kơdră chĕp pơgơ̆r teh đak Cuba Miguel Diaz Canel hlôi năm pơma dơnuh hăm Thủ tướng Teh đak Phạm Minh Chính.

VOV.Bahnar - Tơ̆ phương Pleiku, Hơnih vei lăng kon pơlei dêh char Gia Lai ‘nao pơgơ̆r Hop akŏm pơtrŭt tơmơ̆t jên jang sơnăm 2025. Tơ̆ ou, dêh char hlôi pơjao 60 tơdrong tơchơ̆t trong ăn tơmơ̆t jên jang, hla bơar drơ̆ng nơ̆r apĭnh tơmơ̆t jên jang păng kĭ pơkăp hla bơar ƀlŏk hơdơ̆r jang hơdoi, hăm kon jên tơmơ̆t jang 4 ti 700 triu USD.

VOV.Bahnar - Vă hơmet ăn sơnăm hŏk ‘nao, hơnih tĕch mơdro hla ar hŏk păng tơmam hŏk pơhrăm, hơbăn ao hŏk tro tŏk pran. Tơdrong răt tơmam tơ̆ dôm hơnih tĕch hla ar, tơmam hŏk pơhrăm păng hơbăn ao ăn hŏk tro tơƀôh hơdăh tơdrong tơtŏ đon ăn tơdrong hŏk pơhrăm kơ đe kon mon hơdrol kơ năr mơ̆t hŏk sơnăm hŏk ‘nao. 

VOV4.Bahnar - ‘Năr brei (3/9), Anih vei lăng kon pơlei dêh char Gia Lai hlôi ăn, pơtruh 1,2 ‘nu bơngai jang teh đak đơ̆ng dôm anih jang năm bơ̆jang tơ̆ dôm xăh păih Pơmơ̆t kơ dêh char vă tơgŭm, hơmet pơ ‘lơ̆ng pơmat tat, hơmet ‘lơ̆ng dôm tơdrong đei ƀôh lơ̆m kơplăh bơ̆jang khŭl kơdră chĕp kơ̆l tơring 2 tăl.

VOV4.Bahnar - Tơ̆ Hà Nội, Khŭl jang hơdai dôm anih jang tơbôl Việt Nam pơgơ̆r, jang hơdai hăm Anih tơm jang tơbôl pơgơ̆r ‘măng “Tơƀơ̆p muh măt ƀlok hơdơ̆r kơ bôl buăl apŭng plĕnh teh ƀlep ƀơ̆t tơbăt 80 sơnăm Quốc khánh teh đak Cộng hòa xã hội chủ nghĩa Việt Nam”. 

VOV.Bahnar - Drơ̆ng nơ̆r krao hơvơn đơ̆ng Tổng Bí thư Ban Chấp hành Trung ương Đảng Cộng sản Trung Quốc, Kơdră teh đak Cộng hòa nhân dân Trung Hoa Tập Cận Bình, Kơdră teh đak bơ̆n ƀok Lương Cường păng khŭl tang măt gĭt kăl Việt Nam vang truh pơm lêh tơbăt.

VOV.Bahnar – Năr 3/9, tơ̆ Anih jang Trung ương Đảng, Khul pơm jang kơsô̆ 4 kơ Anih tơm Chinh trĭ kơyuơ Kơdră juăt jang Ƀan ƀĭ thư Trần Cẩm Tú pơgơ̆r pơm jang hăm Anih jang Tĭnh uy Ninh Bình, Đăk Lăk păng Lào Cai.

VOV.Bahnar – Ƀơ̆t tơbăt 80 sơnăm Kuôk khănh teh đak Cộng hòa xã hội chủ nghĩa Việt Nam (2/9), Kơdră kơ dôm teh đak Cộng hòa Dân chủ Nhân dân Lào, Cộng hòa Nhân dân Trung Hoa, teh đak Campuchia, Cộng hòa Cuba, Liên bang Nga, Cộng hòa Dân chủ Nhân dân Triều Tiên, Cộng hòa Ấn Độ, Mông Cổ hlôi pơtruh kơthơ hơ-iă hăm Khul kơdră Đảng, Teh đak Việt Nam.

VOV.Bahnar – Kơmăng 'năr brei (2/9), Kơdră teh đak bơ̆n Lương Cường păng Khul Kơpal tang măt ăn Việt Nam hlôi truh cham gre păr apŭng plenh teh tơ̆ anih tơm Bắc Kinh, pơtơm năm akŏm Lêh tơbăt 80 sơnăm tơblah jơnei phát xít đơ̆ng kon pơlei apŭng plenh teh păng pơm jang tơ̆ Trung Quốc đơ̆ng năr 2 truh năr 4/9/2025 kiơ̆ nơ̆r hơvơn đơ̆ng Tổng Bí thư Ƀan châ̆p hanh Trung ương Đảng Cộng sản Trung Quốc, Kơdră teh đak Cộng hòa nhân dân Trung Hoa Tập Cận Bình.

VOV.Bahnar – Dôm năr pơdơ̆h lêh Quốc khánh 2-9, tơ̆ anih jang pơm hơmet ming pơ ‘lơ̆ng trong gre 28B- trong gre tơm tơƀưh kơ dôm tơring jang mŭk drăm tơm kơ dêh char Lâm Đồng oei bơ̆ jang tôch hrĕnh.