VOV4.Bahnar - Tơdrong tơgŭm pơgơ̆r jang đơ̆ng Đảng păng Khul Kơpal t/đ hăm tơdrong hơtŏk tôm tơring Tây Nguyên; tơdrong hơdrin đơ̆ng dôm tơring lơ̆m tơdrong tơroh tĕch pơdro, vă iŏk jang mŭk drăm hlôi đei kơ tơring pơtăm tơmam dơnơm păng hơtŏk tơmang pơhiơ̆.

VOV4.Bahnar - Sơnăm 2023 đei năng jĭ 1 sơnăm đei lơ tơdrong ‘lơ̆ng hăm anih chă tơmang lăng, mă loi ‘nŏh hơmet pơ ‘lơ̆ng trong tơgŭm hăm lơ tơmam, tơdrong pơvih pơvăn, đei dơ̆ng lơ đon pơcheh ‘nao rơgei, đei lơ tơdrong ăn ƀôh tơplih ‘lơ̆ng lơ̆m tơdrong chă tơmang lăng. ‘Nâu jĭ dôm tơdrong gĭt kăl vă anih chă tơmang lăng lơ̆m teh đak jang tŏk pran lơ̆m sơnăm 2024.

VOV4.Bahnar – Sơnăm 2023 jing sơnăm kơ dôm dêh char Tây Nguyên ƀơm lơ tơnap tap lơ̆m pơm kiơ̆ sơnong jang hơtŏk mŭk drăm tơpôl. Jên mong kơ teh đak tơ̆ dôm dêh char adoi ưh đei jơnei nhen sơkơ̆t, dôm tơdrong asong jang adar, hơvơn asong jang đei yua kơđeh. Chŏng mă lơ̆m dôm tơnap tap noh, iŏk yua kơ rim kon pơlei Tây Nguyên adoi oei hơtŏk hơdah. Noh jing gơnơm đơ̆ng pơyan jang đei yua lơ tĕch kơjă kăp.

VOV4.Bahnar - Sơnăm 2023, lơ̆m apŭng plenh tĕh đei lơ tơdrong jur tŏk, ưh sơđơ̆ng, mă lei Việt Nam oei jing 1 anih ang hơdăh lơ̆m rim tơdrong jang. Lơ̆m sơnăm âu ki, hlôi pơgơ̆r đei lơ tơdrong chinh trĭ, tơpôl tôch gĭt kăl. Radio nơ̆r pơma Việt Nam chă rơih đei 10 tơdrong gĭt kăl hlŏh lơ̆m teh đak sơnăm 2023.

VOV4.Bahnar - Gơnơm đei lơ tơchơ̆t asong jang đơ̆ng Đảng păng Khul Kơpal teh đak tơgŭm ăn Tây Nguyên, lơ̆m sơnăm 2023, mă mŭk drăm tơpôl lơ̆m jâ̆p teh đak tam mă kơjung, mă lei mŭk drăm – tơpôl tơring Tây Nguyên hlôi đei lơ tơplih, tơdrong hơrih kon pơlei đei hơtŏk, lơ tơmam choh pơtăm lơ̆m sơnăm nhen kaphê, sâu riêng tĕch hăm kơjă kăp, kon pơlei chơt hơ-iă sơđơ̆ng jơhngơ̆m pơm jang, tơdrong hơrih phĭ tơtŏ tŏk bŏk oei ang bang lơ̆m rim bơbŭng hnam kon pơlei lơ̆m khei năr yak ah sơnăm ‘nao 2024.

VOV4.Bahnar - Kơsơ̆ 28/12, Thủ tướng Phạm Minh Chính, Kơdră Anih jang teh đak găh tơplih kơsô̆ (Anih jang) pơgơ̆r ‘măng Hop akŏm ‘măng mă  7 vă pơtôch tơdrong jang sơnăm 2023 păng tơlĕch trong jang, hơnăp jang tơm sơnăm 2024 đơ̆ng Anih jang.

VOV4.Bahnar - Tơ̆ hnam Kuôk hô̆i, Kơdră Kuôk hô̆i Vương Đình Huệ hlôi vang akŏm păng iung pơma pơgơ̆r tơ̆ Hop akŏm pơtôch tơdrong jang sơnăm 2023 păng tơlĕch jang hơnăp jang sơnăm 2024 kơ Đảng bộ anih bơ̆ jang Kuôk hô̆i, anih jang Kuôk hô̆i păng Kŏng đoan Anih jang Kuôk hô̆i. 

VOV4.Bahnar - Kơsơ̆ brei 28/12, tơ̆ Anih jang kơ ƀok Kơdră teh đak, Anih pơvih ăn Kơdră teh đak pơgơ̆r Hop akŏm pơtôch tơdrong jang sơnăm 2023 păng tơlĕch tơdrong jang lơ̆m sơnăm 2024.

VOV4.Bahnar - Pơgê 28/12, Thủ tướng Phạm Minh Chính truh Hop akŏm pơtôch tơdrong jang tơ̆ Anih vei lăng trong nơnăm.

VOV4.Bahnar – Pơgê năr 27/12, Anih jang gah Kon kông dêh char Đăk Lăk pơgơ̆r Sơkơ̆t 3 sơnăm (2021 - 2023) pơm kiơ̆ Tơdrong jang “Hơtŏk pran tơroi tơbăt, tang găn păng tơjră ma tuý lơ̆m tơring kon pơlei kon kông păng groi kông”.