VOV4.Bahnar - 50 sơnăm adrol sơ̆, tơ̆ tơring thŭng thong Cheo Reo, Phú Bổn (dang ei ‘nŏh dôm apŭng Phú Thiện, Ia Pa, Krông Pa păng thĭ xăh Ayun Pa, tỉnh Gia Lai), khul linh păng kon pơlei bơ̆n 1 jơhngâm vang iung tơblăh, pơm ăn tơdrong kơdŭn linh đơ̆ng Quân đoàn 2 khul linh Ngụy Sài Gòn tơ̆ trong 7 jing 1 tơdrong răm tôch krưp krĕnh jô̆ hloi găh trong pơgơ̆r tơblăh păng trong vă jang đunh đai. Ƀlep ƀât tơbăt 50 sơnăm tơblăh jơnei Trong 7 – Đak krong Bờ, tơblăh iŏk rơngei dêh char Gia Lai, vang chă hơlen năng dôm anih tơblăh đei ư hơnhang, tơƀâp dôm bơngai vang iung tơblăh pơjing đei tơdrong jơnei tih tên sơ̆.

VOV4.Bahnar - Kơsơ̆ ‘năr 14/3, tơ̆ Anih jang Trung ương Đảng, Tổng Bí thư Tô Lâm hlôi sơng ƀok Nate Franklin, bơngai pơjing păng Kơdră Grŭp jang Pacifico Energy (PE), Mi.

VOV4.Bahnar - Apŭng groi kông Ba Tơ, dêh char Quảng Ngãi jĭ tơring pơjing đei khul yu kĭch Ba Tơ kơtang nuih mơng (12/3/1945). Sơnăm 2013, apŭng Ba Tơ đei 5 xăh păng thĭ trơ̆n đei Thủ tướng teh đak chih tơbăt jĭ Tơring Sơđơ̆ng ‘lơ̆ng kơ Trung ương tơ̆ Quảng Ngãi lơ̆m khei ‘năr tơblăh ayăt Phalăng. Đơ̆ng tơring tôch pơmat tat, truh dang ei tơring kăn kư̆ sơđơ̆ng ‘lơ̆ng âu hlôi jang tŏk tôch pran.

VOV4.Bahnar - Kơdră chĕp pơgơ̆r Nô̆i vŭ Phạm Thị Thanh Trà tơbăt, năr 14/3, Hơnih tơm Chinh trĭ drơ̆ng nơ̆r trong jang hơmet ming dơ̆ng hơnih bơ̆ jang păng pơjing trong jang khul kơdră chĕp pơgơ̆r tơring 2 kâp, lơ̆m ou trong vă jang hơgrop mĭnh ƀar dêh char, hŭt apŭng, hơgrop lơ tơring.

VOV4.Bahnar – Kơsơ̆ măng năr 14/3, Thủ tướng teh đak bơ̆n Phạm Minh Chính sơng ƀok Wouter Van Wersch, Phŏ Kơdră pơgơ̆r jang lơ̆m apŭng plenh teh kơ Anih jang Airbus – Anih jang pơm tơlĕch gre păr hơgei hloh lơ̆m apŭng plenh teh tŏk bŏk oei tơmang păng pơm jang tơ̆ Việt Nam.

VOV4.Bahnar - Lơ̆m ‘măng iung năm tơmang tơ̆ teh đak Hoa Kỳ vang năm hop akŏm mă 69 kơ Hơnih jang vei lăng năng tông drŏ kăn kơ Jơnŭm jang mŭk drăm-tơpôl Liên hợp quốc, Kơ iĕng Kơdră chĕp pơgơ̆r Kuô̆k hô̆i Nguyễn Thị Thanh ‘nao đei tơƀơ̆p hăm rim Thượng nghị sỹ Marsha Blackburn hăm Thượng nghị sỹ Peter Welch.

VOV4.Bahnar - Pơgê ‘năr 14/3, tơ̆ Hơnih Tơplih ‘nao pơcheh hơgei kơ Teh đak, Hà Nội, Thủ tướng Phạm Minh Chính vang truh Hop akŏm trong jang tơgŭm “Việt Nam kơchăng hơtŏk tơiung anih jang Kơmăy kơmŏk bán dẫn păng tơdrong gơh hơgei lơ̆m chăl ‘nao”.

VOV4.Bahnar - ‘Năr 13/3, tơ̆ Anih jang kơ Khul kơdră teh đak, Thủ tướng Phạm Minh Chính sơng bơngai tang măt ăn teh đak Mi tơ̆ Việt Nam Marc E. Knapper pơma nuh găh dôm tơdrong pơ ‘nhŏ jang hơdrol vă hơtŏk tơdrong jang hơdoi 2 pang.

VOV4.Bahnar – Kơsơ̆ năr 13/3, gre păr juăt chơ Tổng Bí thư Tô Lâm atŭm hăm Hơkăn ƀok păng khul kơpal teh đak bơ̆n vih truh Hà Nội, pơtôch 'lơ̆ng rŏ 'măng năm tơmang kơpal teh đak Indonesia păng Singapore.

VOV4.Bahnar – Đơ̆ng rŏng 5 năr pơgơ̆r akŏm hăm lơ tơdrong jang kăp gĭt, kơmăng năr 13/3, tơ̆ Cham akŏm 10/3 dêh char Đăk Lăk hlôi pơgơ̆r Lêh pơtôch kơ Lêh akŏm Kaphê Buôn Ma Thuột 'măng mă 9.