VOV.Bahnar - Lơ̆m khei ‘năr lơ̆m teh đak tơbăt 80 sơnăm Kach mang Khei 8 păng Quốc khánh 2/9, Kơdră Quốc hội Trần Thanh Mẫn hlôi vang akŏm Tơdrong jang “Vih hăm tơm a - yak truh tơ̆ hơnăp kơnh” tơ̆ xăh Tân Trào, dêh char Tuyên Quang.

VOV4.Bahnar - Pơgê năr 18/8, Tổng Bí thư Tô Lâm pơm tơm jơ tơƀơ̆p muh măt rim kang ƀô̆ kĕch mang so, kơdră so Trung ương Đảng, Kơdră so chĕp pơgơ̆r rim hơnih bơ̆ jang, hơnih jang Đảng, Mặt trận Tổ quốc Việt Nam păng rim hơnih jang chinh trĭ-tơpôl Trung ương.

VOV4.Bahnar - Dôm sơnăm ou ki, Khul kŏng ang rim hơnih hlôi iung jang ‘lơ̆ng hơnăp jang kăl lơ̆m vei lăng năng tông tơdrong hơrih sa sơđơ̆ng dơ̆ng kơjăp ăn kon pơlei, adoi tơlĕch jang jơnei rim tơdrong jang đĭ đăng kon pơlei vang vei lăng sơđơ̆ng Teh đak. Gơnơm đơ̆ng noh, tơdrong hlôh vao păng hơnăp jang kơ kon pơlei rim hơdrung roi năr roi tŏk kơtang, hơdrin iung jang tang găn khul pơm glăi, vei kơjăp tơgoăt tơgoăl pôm nơ̆r ƀơ̆r đon păng sơđơ̆ng tơpôl đơ̆ng tơring hloi. Tơ̆ tơring Ea Ktur, dêh char Dak Lăk-tơring kon pơlei kon kông hlôi yak hloh dơnuh hin, hơdrin jang sa, hơrih sa phĭ tơtŏ dơnŏ ‘lơ̆ng dơ̆ng kơjăp, jĭ tơƀôh hơdăh ăn tơdrong tơklep kơjăp đơ̆ng khul kŏng ang păng kon pơlei.

VOV.Bahnar - ‘Năr 17/8, tơ̆ phường Pleiku, dêh char Gia Lai, Khul tĕch mơdro oei mơlôh kơ Việt Nam pơgơ̆r pơma nih ăn Tơring găh Pơbăh kơ tơring Tŏk bŏk păng Tây Nguyên lơ̆m hop akŏm Anih jang mŭk drăm kơdih Việt Nam 2025, hăm tơdrong vang akŏm đơ̆ng dang 200 anih tĕch mơdro.

VOV.Bahnar - Pơgê 17/8, tơ̆ Hà Nội, Tổng Bí thư Tô Lâm vang truh pơm lêh tơbăt 80 sơnăm Năr joăt joe Kŏng an kon pơlei (19/8) păng 20 sơnăm Năr Đĭ đăng kon pơlei vei lăng sơđơ̆ng teh đak.

VOV.Bahnar - Đơ̆ng rŏng 1 khei 1 puăt iung bơ̆ jang, tơ̆ lơ tơring tơ̆ dêh char Lâm Đồng oei đei tơdrong proh hơmet kang ƀô̆ “ưh kơ trŏ lăp, hơnăp jang ưh kơ ƀlep” –  “đei tơring rơkăh, đei tơring ưh kơ măh” kang ƀô̆ joăt jang. Tơdrong mă ou pơm ăn bơ̆ jang kơ khul kơdră chĕp pơgơ̆r tơring tim mă iŏk đei jơnei nhen hơpơi ‘meh vă. Ƀôh hơdăh tơdrong tim mă gan lăp ou, dêh char Lâm Đồng tŏk bŏk tơlĕch lơ trong jang găh proh hơmet kang ƀô̆ vă sơđơ̆ng bơ̆ jang ‘lơ̆ng ăn khul kơdră chĕp pơgơ̆r rim tơring.

VOV.Bahnar - Đơ̆ng rŏng kơ tmơ̆t hơdai anih bơ̆jang, lơ pơlei pơla tơ̆ tơring hơtăih hơtŏ kơ Đắk Lắk ‘măng mă blŭng đei mơ̆t hơdai “Hnam hơdai tih” - anih bơ̆jang ‘nao hăm tôm anih jang kăl, kơmăy kơmŏk, pơvih pơvăn teh đak păng tơdrong hiôk tơklep hơdai tơpôl. Đơ̆ng tơdrong ưh kơ gan pơ̆n, dang ei kră pơlei, hơdruh tơdăm, kang ƀô̆ tơring tă kơ chhôk ‘nă, vang hơdai băl chih đei tơdrong tơplih đơ̆ng jơhngơ̆m pran pôm nơ̆r ƀơ̆r đon.

VOV.Bahnar - Tơdrong jang “Pơtho kon pơlei gơh yua kơmăy kơsô̆” tơ̆ Dak Lăk tŏk bŏk tơlĕch jang jơ̆p lơ̆m 102 tơring, phường lơ̆m dêh char. Hăm kon pơlei rim pơlei pơla, tơdrong đei iŏk yoa mă blŭng mưh vang jang kiơ̆ tơdrong âu ‘noh đei kai tơmơ̆t VNeID lơ̆m điên thoăi kơdih păng chă pơm hla ar tôch hiôk lơ̆m điên thoăi kơdih. Lơ tơdrong hiôk nai kŭm roi năr roi tơbăt hơdăh ‘moi kiơ̆ khul bơ̆ jang kơmăy kơmŏk kơsô̆ pơlei pơla.

VOV.Bahnar - Pơgê 14/8 tơ̆ xăh Tân Trào, Tuyên Quang pơgơ̆r Năr Đĭ đăng kon pơlei vei lăng sơđơ̆ng Teh đak sơnăm 2025 păng et hơtŏk Rup man “Ƀok Hồ tơ̆ Tân Trào”.

VOV.Bahnar – Kơsơ̆ ‘năr (14/8), tơ̆ Hà Nội, Anih tơchĕng hơlen Khoa hŏk tơpôl Việt Nam pơgơ̆r, kŭm hăm Anih pơtho tơƀôh păng krao hơvơn kon pơlei Trung ương, Hnam hŏk Chính trị quốc gia Hồ Chí Minh păng plt Hà Nội pơgơ̆r Hop akŏm khoa hŏk teh đak hăm hơnăn “Kăch mang khei 8 păng Quốc khánh 2/9- Kơjă kăp gĭt kơ chăl arih păng jơhngâm pran ling lang”.