VOV4.Bahnar - Năm truh ‘măng tơbăt 79 sơnăm Năr pơjing Khul linh kon pơlei Việt Nam (22/12), ‘năr brei (5/12), Kơdră teh đak Võ Văn Thưởng năm hơpong păng bơ̆ jang hăm Anih chĕp kơ̆l khul linh Quân khu 5, tơring tôch gĭt kăl găh tơdrong jang chinh trĭ, mŭk drăm, vei sơđơ̆ng teh đak, jang tơbôl kơ tơring Tŏk bŏk – Tây Nguyên.

VOV4.Bahnar - Lăp đơ̆ng rŏng kơ ‘măng pơgơ̆r pơih blŭng Hop akŏm kơdră kơpal Kuôk hô̆i 3 teh đak Campuchia – Lào – Việt Nam ‘măng mă mônh, pơgê ‘năr 5/12, Kơdră Kuôk hô̆i Vương Đình Huệ hlôi đei ƀai iung pơma tơ̆ jơ hop akŏm đĭ đăng.

VOV4.Bahnar - Khul pơgơ̆r jang kơ tơring Tây Nguyên ‘nao pơgơ̆r hop akŏm ‘măng mă 2 găh tơdrong Tơprŏh hơmet trong jang ăn tơring Tây Nguyên đơ̆ng 2021-2030, trong vă jang truh sơnăm 2050. Hop akŏm tôch gĭt kăl vă bơ̆ jang đei yoa hơnăp jang đơ̆ng Khul pơgơ̆r jang kơ tơring, vang pơma nuh hơmet pơ ‘lơ̆ng dôm tơdrong oei tơhlăk, “chĭt găn” trong jang tŏk oei đei dang ei păng tơlĕch đon pơhnŏng, trong pơgơ̆r jang tơ̆ hơnăp kơnh; hơtŏk tơdrong jang hơdoi lơ̆m tơring, đơ̆ng tơring hăm dôm tơring nai vă gơ̆h tưk tơiung Tây Nguyên “Rơgŏh – ‘lơ̆ng hơiă – Kơjăp đunh”.

VOV4.Bahnar – Lơ̆m tơdrong pơkăp năm Hop akŏm kơpal Kuôk hô̆ 3 teh đak Campuchia – Lào – Việt Nam, năr 4/12, Kơdră Kuôk hô̆i Vương Đình Huệ hlôi truh hơpong minh ƀar đe Kơdră so sơ̆ kơ teh đak Lào.

VOV4.Bahnar – Pơgê năr 4/12, Anih jang Tơmang pơhiơ̆ pơlei HCM pơtơm Giĕng lêh Tơmang pơhiơ̆ ‘măng mă 3 hăm hơnăn “Jơk lơ̆m rim trong yak”.

VOV4.Bahnar – Pơgê năr 4/12, Đại tướng Phan Văn Giang – jang lơ̆m Anih tơm Chĭnh trĭ, Ƀô̆ trương Anih tơm Pơgơ̆r linh pơm Lêh sơng păng pơma đam hăm Ƀô̆ trương Anih tơm Pơgơ̆r linh Malaysia Dato’ Seri Utama Haji Mohamad Bin Haji Hasan.

VOV4.Bahnar - Tơdrong hơgăt athei hơlen năng pơrang jĭ, hơlen tơdrong rơgŏh hăm tơpu sem pleng đơ̆ng Việt Nam vă tĕch tơ̆ teh đak Trung Quốc đei tơmât yoa hlôi pơih đei tơdrong ‘lơ̆ng găh tơdrong tĕch mơdro xa ăn dôm tơring rong sem pleng. Tơ̆ Đắk Lắk, lơ̆m 1 sơnăm âu ki, lơ tơ ‘ngla hnam rong sem pleng păng anih tĕch mơdro tơmam pơm đơ̆ng tơpu sem pleng hlôi hơmet ‘lơ̆ng lơ tơmam vă tĕch mơdro kiơ̆ trong tơm mưh Việt Nam pơm đang hla ar kiơ̆ nơ̆r athei. 

VOV4.Bahnar - Pơgê 4/12, Kơdră Kuôk hô̆i Vương Đình Huệ păng Khŭl tang măt kơpal Kuôk hô̆i teh đak bơ̆n hlôi truh tơ̆ Anih tơm Vientiane pơtơm vang truh Hop akŏm kơdră kơpal Kuôk hô̆i Campuchia-Lào-Việt Nam.

VOV4.Bahnar - Ƀlep ƀơ̆t vang truh Hop akŏm tih bơ̆jang găh hơyuh tŏ ‘mi kial apŭng plĕnh teh (COP28), Thủ tướng Phạm Minh Chính hlôi tơƀơ̆p Kơdră teh đak Cộng hòa Cuba Miguel Díaz-Canel.

VOV4.Bahnar – Tơdrong teh hơlih ah jih đak krong Krông Nô, jăl ro găn dêh char Đak Nông roi năr roi hli hlơt, pơm hiong teh choh jang kơ kon pơlei. Tơdrong hrŭ 'mong gah răm ƀơm lơ tơnap tap. Tơdrong mă âu pơm ăn kon pơlei pơngơ̆t kơ đon ƀơ̆t athei gô đunh.