VOV4.Bahnar – Pơgê (07/2), Phó Thủ tướng Trần Hồng Hà kŭm hăm Khul jang đơ̆ng Khul kơdră teh đak truh hơlen năng tơdrong jang xa păng pơlung, jet gia pơma nuh hăm dôm unh hnam rong ka hơdang tơ̆ apŭng Vân Đồn (Quảng Ninh) pŭ răm đơ̆ng ‘mi kial kơsô̆ (Yagi) adrol ki.

VOV4.Bahnar – Kơsơ̆ brei (7/2), truh Hop akŏm pơjao tơdrong jang đơ̆ng Kơdră Anih Dăr hơlen kơ Trung ương, Tổng Bí thư Tô Lâm athei: Jăh tơlĕch hơdăh tơdrong tơm vă dăr hơlen lơ̆m jăl hrei ‘nâu găh dăr lăng, tang găn, pơtho tơƀôh bơ̆ jang; hơtŏk tơdrong chih răk, băt hơdăh rim tơdrong "Ưh kơsĭ xek tơlang lơ kăn ƀô̆ ‘nŏh đei jơnei ôh". 

VOV4.Bahnar - Pơgê (07/02), Phŏ Thủ tướng Trần Hồng Hà vang truh pơm Lêh tơlĕch jang “Têt pơtăm ‘long ling lang ƀlŏk hơdơ̆r kơ ƀok Hồ” pơyan puih mak Ất Tỵ 2025 tơ̆ tơring Dơnâu Hồ Yên Trung, pơlei tơm Uông Bí, dêh char Quảng Ninh.

VOV4.Bahnar – Pơgê 'năr brei (7/2), Thanh uy Đà Nẵng pơgơ̆r Hop akŏm kan ƀô̆ dơnơm jơ̆p pơlei tơm kiơ̆ pơkăp kơtă păng trư̆k tuyê̆n, jang kiơ̆ Tơchơ̆t 57 năr 22/12/2024 đơ̆ng Anih tơm Chĭnh trĭ gah hơtŏk khua hŏk, kŏng ngê̆, tơplih 'nao gơh hơgei păng tơplih kơsô̆ kơ teh đak.

VOV4.Bahnar – Kơsơ̆ 'năr brei (7/2) tơ̆ Anih jang Trung ương Đảng, pơgơ̆r hop akŏm pơjao sơnong jang ăn kơdră anih jang Trung ương Đảng.

VOV4.Bahnar – Kơsơ̆ năr 7/2, tơ̆ Anih jang kơ Jơnŭm pơgơ̆r teh đak, Thủ tướng teh đak bơ̆n Phạm Minh Chính hlôi sơng Kơdră tang măt ăn teh đak Pakistan tơ̆ Việt Nam Kohdayar Marri ƀơ̆t Kơdră tang măt pơtơm jăl jang tang măt.

VOV4.Bahnar – Pơgê năr 7/2, Tĭnh uy Đăk Nông pơgơ̆r akŏm pơma dơnuh hăm dôm bơngai hŏk kơjung, bơngai jang joh ayŏ, bơngai jang ƀăo ƀơ̆t Puih mak Ất Tỵ 2025 păng pơjao tơmam hơpah ăn tak phâm hơgei gah hơnăn "Hŏk pơhrăm păng pơm kiơ̆ đon bơnôh, trong pơm jang Hồ Chí Minh".

VOV4.Bahnar – Kơchĕng ah năr 13/2 âu kơnh, 17 apŭng, thĭ xah, pơlei tơm tơ̆ dêh char Gia Lai gô pơm lêh pơjao jê̆ 2.900 tơdăm năm pơm linh.

VOV4.Bahnar – Drâm kơsơ̆ brei 6/2, Thủ tướng Phạm Minh Chính sơng Kơdră chĕp kơ̆l Anih vei lăng choh jang xa păng phe ƀa Liên hợp quốc (FAO). 

VOV4.Bahnar - Đà Lạt - Lâm Đồng đei lơ tơdrong ‘lơ̆ng vă choh jang xa hăm kơmăy kơmŏk ‘nao, lơ̆m noh đei hloi pơkao Đà Lạt jĭ hơnăn đei ư hơnhang. Mă lei, tơ̆ hơnăp tơdrong mât jang hơdoi păng tĕch mơdro jơ̆p plei teh, tơdrong jang pơtăm pơkao tơ̆ tơring âu oei pŭ lơ tơdrong kơhret đơ̆ng tơdrong pơjei băl tôch dêh, kơjă tĕch ưh đei sơđơ̆ng, anih răt ưh kơ sơđơ̆ng păng pơjei ưh kơ pran kơtă tơ̆ tơring hloi. Vă pơkao jing anih jang xa kơjăp ‘lơ̆ng, kĕ pơjei hăm apŭng plenh teh, dêh char Lâm Đồng oei pơjing trong jang, hơmet ming trong pơtăm păng pơih "chơ khoă" jang hăm kơmăy kơmŏk ‘nao tơ̆ anih âu, adrin hơnhăk tĕch pơkao tơ tĕh đak đe truh 50% tơplih ăn lăp 11% nhen hrei ‘nâu.