VOV4.Bahnar - Sơnăm hŏk ‘nao pơtơm truh. Kŭm hăm hŏk tro lơ̆m tĕh đak, đe ŏh hŏk tro bơngai kon kông tơ̆ apŭng hơtăih yăih Đam Rông, dêh char Lâm Đồng năm hŏk dơ̆ng, hăm tơdrong hơmet ‘lơ̆ng tôm tơdrong đơ̆ng hnam trưng păng tơpôl.

VOV4.Bahnar - Rim kră pơlei, bơngai đei kon pơlei yom (lơ̆m au đei lơ đảng viên) tơ̆ Gia Lai ling lang jĭ bơngai pơm jŭk yŭk trong hơlau ăn tơdrong tơplĭh jơhngơ̆m đon tơchĕng, trong jang lơ̆m tơring kon kông. Đe sư đei lăng nhen lĕ dôm “ ‘long tih” bing yơ̆p rơngơp ăn pơlei pơla. Lơ sơnăm au ki, dôm bơngai kon pơlei yom, kră pơlei ‘nŏh gơng tơroh kloh klĕch hơnhăk rim trong bơ̆ jang đơ̆ng Đảng, Khôi luơ̆t Teh đak truh hăm kon pơlei.

VOV4.Bahnar - Au ki, Thủ tướng Teh đak Phạm Minh Chính hlôi vang năm Hop akŏm trư̆k tuyên pơtôch sơnăm hŏk 2022-2023 păng hơmet ăn hŏk pơhrăm sơnăm hŏk ‘nao 2023-2024.

VOV4.Bahnar – Adrol kơ pơtơm sơnăm hŏk 'nao, Khul Kơpal kơ Anih tơm Pơtho Pơhrăm kơyuơ Ƀô̆ trương Nguyễn Kim Sơn chĕp kơ̆l hlôi năm hơlen tơdrong hơmet ăn sơnăm hŏk 'nao păng năm asong tơmam kơ đe hŏk tro tơring ataih yaih kơ dêh char Đăk Nông.

VOV4.Bahnar - Yak mơ̆t lơ̆m sơnăm hŏk ‘nao 2023-2024, hơdai hăm vei sơđơ̆ng găh tơdrong jang joăt jang, anih jang pơtho pơhrăm Dak Lak tŏk bŏk hơdai hăm khŭl kơdră rim tơring lơ̆m dêh char hơnơ̆ng hơvơn rim kon jên, tơmam vă man ‘nao, hơmet ming anih jang tơmam drăm hnam trưng, lăm hŏk, răt tơmơ̆t dơ̆ng bơ̆n tơmam pơtho hŏk pơm lăp hăm ‘meh vă hŏk pơhrăm đơ̆ng hŏk tro.

VOV4.Bahnar – Sơnăm hŏk pơtơm, mă lei đe hŏk tro tơ̆ tơring tơnap tap, tơring kon kông năm hŏk tơ̆ lăm ưh đei tôm hơnơ̆ng jing tơdrong pơngơ̆t hăm bơngai jang pơtho pơhrăm tơ̆ Đăk Lăk. Dôm năr âu, kăn ƀô̆, bơngai pơtho tơ̆ dôm hnam trưng, ‘nguaih kơ hơmet ƀai pơtho oei hăt hot năm truh rim hnam, chă hơvơn mĕ ƀă đe oh hŏk tro hăm tơdrong hơpơi ‘meh đe oh năm truh hŏk tơ̆ hnam trưng tôm tong.

VOV4.Bahnar – Lơ̆m tŏk bŏk sơnăm 2023 đei lăng jing khei năr tơnap tap hloh kơ dôm dêh char Tây Nguyên. Mă lei, đơ̆ng khei 8 pơyan hla ruih, mŭk drăm Tây Nguyên đei ƀôh hơtŏk hơ-iă, tơgop hơtŏk tơdrong hơrih kon pơlei, pơjing jơhngơ̆m pran ăn tơdrong keh đang dôm tơchơ̆t jang mŭk drăm tơpôl lơ̆m minh sơnăm.

VOV4.Bahnar - Lơ̆m jơ ‘năr chơt hơ iă ‘nă hal kơ dôm năr Têt pơm tơm kơdih, bơ̆n chă pơma dơnuh dơ̆ng tơdrong joăt joe kĕch mang păng ƀlŏk hơdơ̆r kơ Ƀok Hô kơdră chĕp pơgơ̆r gơ̆h hơgei kơ teh đak. Kon pơlei Tây Nguyên tôch hưch hanh hơmanh bơnê kơ tơdrong ‘noh.

VOV4.Bahnar - Kiơ̆ yok rok jơ̆ng joăt joe kĕch mang, ‘ngoăih tơdrong lăng ba tơmơ̆t jên jang đơ̆ng Đảng păng Teh đak, kon pơlei Tây Nguyên hơdrin đĭ jơhngơ̆m tơ iung pơjing hơrih sa ‘nao.

VOV4.Bahnar -  Kon pơlei rim hơdrung oei tơ̆ tơring Tây Nguyên đei tơdrong joăt ‘nŏh tơgoăt dih băl kơjăp, kiơ̆ kĕch mang iung tơblăh pơrăm hŭt ayăt, păng tơchă rôp pơgoh khul linh Fulro. Mưh kơtơ̆ng ang găh tơdrong pơm tơsul tơsăl ưh sơđơ̆ng tơdrong chinh trĭ tơ̆ Đăk Lăk, rim kră pơlei tơ̆ Tây Nguyên hlôi tơbăt jơhngơ̆m đon ưh kơlăp, tơjră kơtang, păng krao hơvơn kon pơlei pơla tơgoăt tơgoăl dih băl mĭnh nơ̆r ƀơ̆r đon kơjăp hlŏh dơ̆ng vang iung tơjră phă pơrăm dôm bơngai chă pơm tơdrong.