VOV4. Bahnar - Năr 3/12, Thủ tướng Teh đak Phạm Minh Chính năm dăr lăng păng bơ̆ jang găh Tơdrong vă jang Tơnô̆ 3 kơ Tơdrong vă jang Cham gre păr apŭng plĕnh teh Long Thành.

VOV4.Bahnar - Kơsơ̆ brei 3/12, Tổng Bí thư Tô Lâm, Bí thư Quân ủy Trung ương năm ngôi păng bơ̆ jang tơ̆ Anih ‘măn răk tơmam Jơhnơr arih kơ Khul linh Việt Nam.

VOV4.Bahnar -  Kơsơ̆ brei 3/12, Kơdră chĕp kơ̆l Ban Nội chính Trung ương Phan Đình Trạc kŭm hăm Khul tang măt Quốc hội dêh char Lâm Đồng tơƀâp bơngai tăh hla tơ̆ xăh Đưng K’Nớ, apŭng Lạc Dương.

VOV4.Bahnar – Pơgê brei (3/12), tơ̆ Hà Nội, Kơdră teh đak bơ̆n, ƀok Lương Cường, Kơdră Anih pơgơ̆r Hơmet ming tư phap Trung ương kŭm hăm Khul jang đơ̆ng Trung ương bơ̆ jang hăm Anih tơm dăr hơlen kon pơlei.

VOV4.Bahnar - Pơgê 3/12, tơ̆ dêh char Đồng Nai, Thủ tướng Phạm Minh Chính năm hơlen lăng păng bơ̆jang găh Tơdrong jang pơm Cham gre păr apŭng plĕnh teh Long Thành păng trong gre kơdâu hrĕnh Biên Hòa - Vũng Tàu.

VOV4.Bahnar - Jang kiơ̆ tơdrong jang tơƀơ̆p pơma dơnuh hăm bơngai tăh hla đơ̆ng rŏng ‘Măng hop akŏm mă 8, Quốc hội jăl XV, pơgê brei (3/12) Tổng Bí thư Tô Lâm kŭm hăm dôm bơngai tang măt anih jang pôk rơih kơsô̆ 1, Khŭl tang măt Quốc hội pơlei tơm Hà Nội hlôi đei jơ tơƀơ̆p pơma dơnuh hăm lơ lap bơngai tăh hla lơ̆m 3 quận Ba Đình, Hai Bà Trưng păng Đống Đa vă roi tơbăt pơtôch ‘măng hop akŏm păng tơl dôm nơ̆r apĭnh đơ̆ng bơngai tăh hla gơih truh Quốc hội.

VOV4.Bahnar - Lơ̆m khei năr ou ki, mĭnh ƀar ‘nu kang ƀô̆ chĕp pơgơ̆r dêh char Lâm Đồng đei jơhngơ̆m đon ưh kơ ‘lơ̆ng, pơm glăi tơdrong tơchơ̆t kơ Đảng, Khôi luơ̆t Teh đak, pơm kơnê̆ truh tơdrong bơ̆ jang ‘lơ̆ng kơ Đảng, pơm ăn jơhngơ̆m đon ưh gan lui yom lơ̆m kang ƀô̆, đang viên păng kon pơlei. Vă atŏk kơtang iung jang ‘lơ̆ng, hơmet pơ ‘lơ̆ng dôm tơdrong ưh kơ ‘lơ̆ng hơ iă ou, Khul kơdră chĕp pơgơ̆r Đảng dêh char Lâm Đồng tơlĕch Nơ̆r athei jang kiơ̆ 34, năr 20/04/2024 găh 3 tơdrong kăl jang, 4 tơdrong kăl veh ver lơ̆m kang ƀô̆, đang viên.

VOV4.Bahnar - Pơgê năr 2/12, Khul kơdră chĕp pơgơ̆r Đảng dêh char Dak Lăk pơgơ̆r blŭng a hop akŏm ‘măng mă 27.

VOV4.Bahnar - Năr brei (2/12), Kơdră chĕp pơgơ̆r Teh đak Lương Cường, Kơdră chĕp pơgơ̆r Hơnih chĕp pơgơ̆r Hơmet ming Tư pháp Trung ương bơ̆ jang hăm Hơnih tơm Xek tơlang găh bơ̆ jang kơ hơnih ou lơ̆m khei năr ou ki.

VOV4.Bahnar - Kơsơ̆ brei (2/12), lơ̆m ‘măng năm tơmang teh đak Singapore, Kơdră chĕp pơgơ̆r Kuô̆k hô̆i Trần Thanh Mẫn hlôi pơma dơnuh hăm Thủ tướng Singapore Lawrence Wong.