VOV4.Bahnar - ‘Năr brei (2/12), Khŭl chĕp kơ̆l pơgơ̆r Đảng bộ dêh char Kon Tum jăl XVI hlôi pơgơ̆r Hop akŏm ‘măng mă 18.

VOV4.Bahnar - Kơsơ̆ 2/12, tơ̆ dêh char Bà Rịa- Vũng Tàu, Thủ tướng Phạm Minh Chính, Kơdră jơnŭm vei lăng tơring Hơlĕch Pơbăh pơgơ̆r Hop akŏm ‘măng mă 5 kơ Jơnŭm, hăm hơnăn: Mŭk drăm tŏk “2 kơsô̆” tơring Hơlĕch Pơbăh sơnăm 2025: "Long nol, tơdrong hiôk păng trong jang”.

VOV4.Bahnar - Tổng Bí thư Tô Lâm kŭm hăm khŭl tang măt Quốc hội dêh char đei jơ tơƀơ̆p pơma dơnuh hăm lơ lap bơngai tăh hla lơ̆m pơlei tơm Hưng Yên vă roi tơbăt pơtôch ‘măng hop akŏm mă 8 păng tơl nơ̆r dôm nơ̆r apĭnh đơ̆ng bơngai tăh hla gơih truh Quốc hội.

VOV4.Bahnar - Pơgê 2/12, tơ̆ dêh char Bà Rịa - Vũng Tàu, Thủ tướng Phạm Minh Chính vang truh Hop akŏm Logistics Việt Nam 2024, hăm hơnăn “Hơnih tĕch mơdro hiôk hian - trong jang ‘lơ̆ng pơtrŭt jang tŏk logistics”.

VOV4.Bahnar - Trung ương Khul drŏ kăn Việt Nam hlôi tơlĕch nơ̆r pơtho găh dôm trong jang, tơdrong jang 8 "Bơ̆ jang pơm hơtŏ băl kơplăh drŏ kăn hăm drŏ nglo păng sek tơlang dôm tơdrong kăl hăm drŏ kăn păng đe hơioh". Tơdrong ‘nâu đei lơ̆m Tơdrong jang tơm kơ teh đak atŏk tơiung mŭk drăm tơpôl tơ̆ tơring kon kông păng groi kông đơ̆ng 2021 – 2030. Jăl I tơlĕch jang đơ̆ng sơnăm 2021 truh 2025 tơ̆ 8 dêh char groi kông đei: Bắc Kạn, Thanh Hóa, Điện Biên, Lào Cai, Quảng Bình, Gia Lai, Bình Phước, Sóc Trăng păng akŏm jơhngâm jên, tơmam ăn dôm trong jang lơ̆m tơdrong jang 8 tơ̆ tơring đei rơih jang. Đơ̆ng rŏng 3 sơnăm tơlĕch jang hlôi iŏk đei lơ tơdrong ‘lơ̆ng.

VOV4.Bahnar - Pơgê ‘năr 1/12, Anih tơm Chinh trĭ, Ban Bí thư pơgơ̆r Hop akŏm lơ̆m teh đak hŏk pơhrăm, tơlĕch trong pơtôch tơdrong jang kiơ̆ Tơdrong tơchơ̆t kơsô̆ 18 đơ̆ng Trung ương Đảng, găh tơdrong jang mŭk drăm, tơpôl sơnăm 2024 păng trong jang lơ̆m sơnăm truh. 

VOV4.Bahnar – ‘Năr 1/12, tơ̆ plt Buôn Ma Thuột, dêh char Đắk Lắk pơm lêh chơ tĕch container chĕh phe hơdrĕng ot mă blŭng đei hơnăn Miss EDE tĕch tơ̆ teh đak Mi.

VOV4.Bahnar - Gơmăng 1/12, tơ̆ Bà Rịa-Vũng Tàu, Thủ tướng Phạm Minh Chính vang truh hăm dôm tơdrong jang găh đak dâu păng ŭnh điên kial tơ̆ đak dơsĭ đei jên jang lơ ti đô lar kơ Grŭp jang Đak dâu Việt Nam.

VOV4.Bahnar – Dêh char Đăk Lăk đei tơring teh kăp gĭt păng jĭ anih tơm hơtŏk tơ-iung tơring Tây Nguyên; hăm dôm mŭk drăm hlôi đei, jĭ tơring teh kăp gĭt gah juăt jue kăch mạng, joh ayŏ, dêh char Đăk Lăk tŏk bŏk oei kơ-'nôh khŏm mă pơjing tơring tơrang roi năr roi pơdrŏng kơjăp.

VOV4.Bahnar - 'Năr âu năr 30/11, Kuôk hô̆i hop akŏm mă hơtuch luch kơ 'Măng hop akŏm mă 8, Kuôk hô̆i jăl 15. 'Măng pơtôch Kuôk hô̆i đei pơdah um rŭp păng rapor kơtă.