VOV4.Bahnar - Kơsơ̆ 24/3, tơ̆ Anih bơ̆jang Kơdră teh đak, ƀok Kơdră teh đak Lương Cường hlôi sơng ƀok Kamran Bayram Aliyev, Kơdră Anih dăr hơlen Gĭt kăl Azerbaijan, tŏk bŏk đei ‘măng năm ngôi păng bơ̆jang tơ̆ Việt Nam.

VOV4.Bahnar - Lơ̆m ƀai chih "Pơgơ̆r ‘lơ̆ng Hop akŏm Đảng ƀô̆ jơ̆p tơring jăl jang đơ̆ng 2025-2030", Tổng Bí thư Tô Lâm pơma hơdăh đon tơchĕng: Tơdrong rơih hơmet bơngai jang ưh lăp ăn 1 ‘măng hop akŏm đĕch; mă oei hơtăih hlŏh dơ̆ng, ‘nŏh jĭ hơmet ăn tơdrong jang tŏk ning mônh kơnh kơ Anih jang đảng, tơdrong jang tŏk tơ̆ rim anih jang, tơring tơrang; xă hlŏh dơ̆ng ‘nŏh jĭ tơdrong arih kơ Đảng, tơdrong chĕp kơ̆l pơgơ̆r đơ̆ng chăl bơ̆n păng tơdrong jang tŏk kơ teh đak, kơ hơdrĕch hơdrung. Tổng Bí thư Tô Lâm tơtă athei hơtŏk hơnăp jang đơ̆ng bơngai chĕp kơ̆l mưh chă rơih hơmet bơngai jang. Athei rơih đei bơngai kăn ƀô̆ rơgei, đei jơhngâm đon ‘lơ̆ng; kĕ yak hlŏh rim tơdrong nol lơ̆m chăl hrei ‘nâu; chơng hơnhăk teh đak mât lơ̆m chăl jang tŏk, pơdrŏng, pran kơ tang.

VOV4.Bahnar - Pơgê ‘năr 24/3, tơ̆ Hnam Quốc hội, Kơdră Quốc hội Trần Thanh Mẫn pơgơ̆r ‘măng hop akŏm kơ Khŭl chĕp kơ̆l pơgơ̆r Anih jang Đảng Quốc hội ăn tơgop nơ̆r găh Hla ar chih ming Tơdrong jang dăr lăng, hơmet ming, tơmơ̆t dơ̆ng Khôi luơ̆t tơm, khôi luơ̆t đơ̆ng teh đak pơyua ăn tơdrong proh hơmet Khŭl jang kơ anih jang chĭnh trĭ păng Hla ar chih tơroi tơbăt găh tơdrong jang, jang pơkeh trong jang pơyua ăn tơdrong proh hơmet Khŭl jang kơ anih jang chĭnh trĭ.

VOV4.Bahnar - Lơ̆m ‘măng năm ngôi tơ̆ Sri Lanka, Phŏ Kơdră Quốc hội Nguyễn Đức Hải năm ngôi tơ̆ plt Kandy, dêh char Trung, Sri Lanka păng bơ̆ jang hăm Kơdră chĕp kơ̆l dêh char Trung, Sarath Abeykoon. 

VOV4.Bahnar – ‘Năr 23/3, tơ̆ cham xă 23/3, plt Đồng Xoài, dêh char Bình Phước, Anih chĕp kơ̆l Đảng dêh char, Jơnŭm pơgơ̆r kon pơlei, Anih vei lăng kon pơlei, Anih Mặt trận Tổ quốc Việt Nam dêh char Bình Phước pơm lêh tơbăt 50 sơnăm Năr tơblăh rơngei Bình Phước (23/3/1975-23/3/2025) păng sơng iŏk Mêđai bơ̆ jang dơ̆ng mă mônh.

VOV4.Bahnar - Khŭl hơpăh tơmam hlôi tơchă đei 10 ‘nu bơngai mơlôh Việt Nam hơgei păng 8 ‘nu bơngai mơlôh Việt Nam hơmĕng đei jang ‘lơ̆ng, gơh hơgei.

VOV4.Bahnar - Tơ̆ tơring đei teh pơtăm, plei chĕh phe lơ hlŏh lơ̆m teh đak Việt Nam, khei ‘năr âu ki, lơ anih tĕch mơdro tơ̆ Đắk Lắk hơtŏk tơdrong hơdrĕng, ot, tơmât yoa kơmăy kơmŏk ‘nao lơ̆m tơdrong jang xa, tơgŭm pơm hơtŏk kơjă tơmam. Mă lei, tơdrong hơdrĕng ot, pơm hơmet tơmam chĕh phe vă tĕch tơ̆ teh đak đe oei đei lơ tơdrong ‘lơ̆ng kăl đei dôm bơngai tơmât jên jang iŏk yoa, vă pơm hơtŏk kơloăi tơmam đei kơjă kơ ti đô lar âu.

VOV4.Bahnar - Lơ̆m ‘măng năm tơmang teh đak  Sri Lanka kiơ̆ nơ̆r krao hơvơn đơ̆ng Kuô̆k hô̆i teh đak ou, Kơ iĕng Kơdră chĕp pơgơ̆r Kuô̆k hô̆i Nguyễn Đức Hải pơma dơnuh hăm Kơdră chĕp pơgơ̆r Kuô̆k hô̆i Sri Lanka Jagath Wickramaratne. 

VOV4.Bahnar - Pơgê năr 21/3, tơ̆ Gia Lai, Kơ iĕng Thủ tướng Bùi Thanh Sơn hlôi bơ̆ jang hăm kơdră dêh char Gia Lai păng Kon Tum găh tơdrong jang mŭk drăm, tomơ̆t jên jang păng tĕch mơdro tơ̆ teh đak đe.  

VOV4.Bahnar - 110 ‘nu hơ ioh gơ̆h hơgei đei pôk pơ ư tơ̆ Hop akom tih Kôn mon kon sou gơ̆h hơgei kơ Ƀok Hô dêh char Dak Lăk ‘măng mă 11 pơgơ̆r lơ̆m năr brei (21/3).