VOV4.Bahnar - Sơnăm 2025 dêh char Kon Tum đei Khul kơdră teh đak pơjao jang tŏk GRDP 10%, lơ hlŏh kơ tơring Tây Nguyên. Khŏm jang đei tơdrong ‘nâu, rim anih jang khul kơpal tơ̆ dêh char oei tơlĕch lơ trong jang, lơ̆m noh đei pơjing dơ̆ng jơhngâm pran ăn Tơring chă tơmang lăng Măng Đen vă tơgop ăn tơdrong jang tŏk truh 2 kơsô̆.

VOV4.Bahnar – Kơsơ̆ năr 18/3, tơ̆ Hà Nội, Thủ tướng Phạm Minh Chính pơgơ̆r tơdrong hop akŏm trư̆k tuyê̆n hăm đe kơdră dôm anih jang tơm, rim tơring gah hơtŏk tenh tơdrong Ming man jăl trong tih Châu Đốc – Cần Thơ – Sóc Trăng.

VOV4.Bahnar – Lơ̆m ‘măng năm bơ̆ jang tơ̆ Tuyên Quang, pơgê 18/3 Kơdră Quốc hội Trần Thanh Mẫn chĕp kơ̆l khul jang đơ̆ng Trung ương truh sŏh nhang, plang pơkao ƀlŏk hơdơ̆r kơ Ƀok Hô tơ̆ Kang kưt Nà Nưa, lơ̆m Anih gru groa gĭt kăl kơ teh đak Tân Trào.

VOV4.Bahnar – Pơgê năr (18/3) tơ̆ anih jang Jơnŭm pơgơ̆r teh đak, Thủ tướng Phạm Minh Chính, Kơdră Jơnŭm pơgơ̆r jang kơ Teh đak gah hơtŏk khua hŏk, kơmăi kơmŏk 'nao gơh hơgei, tơplih kơmăi sô̆, păng Tơdrong jang 06, pơgơ̆r 'Măng hop akŏm mă mônh kơ Jơnŭm pơgơ̆r jang.

VOV4.Bahnar - Đunh kơ ou ƀlep 50 sơnăm, lơ̆m ‘măng iung tơblăh Tây Nguyên gĭt kăl, năr 16/3/1975 dêh char Kon Tum đei rơngei. Kiơ̆ yok rok jơ̆ng joăt joe nuih mơng, pran kơtang lơ̆m chăl tơblăh vang, Đang ƀô̆, ƀô̆ đô̆i kŏng ang păng kon pơlei rim hơdrung dêh char Kon Tum hlôi atŏk tơ iung kơtang, iŏk đei tŏk mŭk drăm tĕnh koăng hloh tơring Tây Nguyên, pơjing dôm groi teh hĕch hoch kơ yuơ ƀôm ƀrơ̆m, ƀrơ̆m phao pơgang lơ̆m tơblăh vang pơm ăn jing dôm tơring pơlei ‘lơ̆ng rŏ hơbŏ nhen.

VOV4.Bahnar - Pơgê năr 17/3, tơ̆ Hơnih bơ̆ jang Khul kơdră Teh đak, Tổng Bí thư Tô Lâm bơ̆ jang hăm Hơnih jang Mŭk drăm-tơpôl Hop akom tih mă XIV kơ Đảng.

VOV4.Bahnar - Năr 17/3, lơ̆m ‘măng năm bơ̆ jang tơ̆ teh đak Anh, Kơ iĕng Thủ tướng Teh đak Nguyễn Hòa Bình hlôi tơƀơ̆p pơma dơnuh hăm ƀok Tony Blair, Thủ tướng so Anh, Kơdră chĕp pơgơ̆r Viện Tony Blair kơ yuơ tơdrong tơplih lơ̆m plei teh.

VOV4.Bahnar - Yak truh Tơbăt 80 sơnăm Năr Pôk rơih mă blŭng Quốc hội Việt Nam, pơgê 17/3, tơ̆ Hnam Quốc hội, Kơdră Quốc hội Trần Thanh Mẫn hlôi tơƀơ̆p muh măt Khŭl tang măt Quốc hội dêh char Sóc Trăng năm ngôi, bơ̆jang.

VOV4.Bahnar -  Kơsơ̆ brei (17/3) tơ̆ anih bơ̆jang Trung ương Đảng, Tổng Bí thư Tô Lâm pơgơ̆r bơ̆jang hăm Anih dăr hơlen kơ Khŭl kơdră teh đak păng 1,2 anih jang ƀơm truh găh tơdrong hơmet pơ ‘lơ̆ng pơtôch dôm tơdrong tơkêng mơmat, đunh khei ‘nâu ki.

VOV4.Bahnar - Pơgê 17/3, Kơdră Quốc hội Trần Thanh Mẫn pơgơ̆r ‘măng hop akŏm Khŭl chĕp kơ̆l pơgơ̆r Anih jang Đảng Quốc hội găh 1,2 tơdrong ƀơm truh Tơdrong jang pôk rơih bơngai tang măt Quốc hội jăl XVI păng bơngai tang măt Jơnŭm pơgơ̆r kon pơlei rim tơring jăl jang 2026 – 2031.